Fréttablaðið - 20.07.2008, Blaðsíða 2

2 20. júlí 2008 SUNNUDAGUR
FÉLAGSMÁL Móðir yngstu stúlkunnar sem kærði
Guðmund Jónsson, fyrrverandi forstöðumann
Byrgisins, fyrir kynferðisbrot segir að yfirvöld hafi
ítrekað brugðist loforðum um að koma dóttur
hennar til hjálpar.
„Hún komst í meðferð í gegnum klíkuskap og til
þess að hún fengi sálfræðihjálp þurfti ég í raun að
hegða mér eins og ruddi,“ segir Sesselja G. Garðars-
dóttir, móðir stúlkunnar. Hún tekur þó fram að hún
vilji síður en svo nota klíkuskap og frekju til að fá
hjálp fyrir dóttur sína en annað virðist ekki vera í
boði.
Dóttir hennar Íris Dögg Héðinsdóttir var aðeins
sextán ára þegar misnotkun Guðmundar hófst árið
2003 en þá hafði hún farið í Byrgið með leyfi
barnaverndaryfirvalda. Íris er nú 21 árs. Hún hefur
verið edrú í eitt ár, stundar vinnu og stefnir á að
komast í nám í Borgarholtsskóla í haust. „Það lítur
samt út fyrir að ég lendi á götunni 1. ágúst,“ segir
Íris en hún og móðir hennar segjast orðnar mjög
langeygar eftir svörum frá Jórunni Frímannsdóttur,
formanni velferðarráðs Reykjavíkur, sem átti að
finna húsnæði fyrir Írisi. Þau svör fengust hjá
velferðarráði þegar Fréttablaðið ætlaði að inna
Jórunni eftir svörum um málið að hún væri í
sumarfríi og ekki væri von á henni aftur fyrr en í
ágúst. Um það vissu mæðgurnar ekki.
Íris segist nú dvelja í húsnæði sem hún hafi engan
veginn efni á miðað við tekjur sínar. Hún hafi verið
við það að lenda á götunni í síðasta mánuði og því
hafi hún fengið sérstakar húsaleigubætur þá. Sú
hjálp sé þó allt önnur en sú sem yfirvöld hafi lofað á
sínum tíma. „Það var sagt að við ættum að njóta
forgangs í húsnæðismálum og fá sálfræðiaðstoð,“
segir Íris. Hún bendir þó á að af þeim átta stúlkum
sem kærðu Guðmund hafi hún ein fengið sálfræði-
hjálp og ein stúlka fengið úthlutað húsnæði.
Í niðurstöðu Héraðsdóms Suðurlands frá því í maí
kemur fram að Guðmundur „misnotaði aðstöðu sína
og fjárhagslega yfirburði, veikleika skjólstæðinga
sinna og leit þeirra í trúna á Guð, í þeim tilgangi að
fullnægja eigin hvötum og kynlífsfíkn.“
Það var því mat dómsins að ákærði hafi unnið
markvisst að því að fá kærendur til fylgilags við sig
og virðist hann hafa valið sér fórnarlömb sem áttu
mjög erfiða kynlífsreynslu að baki. Hann var því
dæmdur í þriggja ára fangelsi og til að greiða
fjórum ungum konum miskabætur. karen@frettabladid.is
Yngsta Byrgisstúlkan
á leið á götuna aftur
Yfirvöld hafa ekki staðið við loforð um að veita stúlkunum sem misnotaðar
voru í Byrginu aðstoð. Sú yngsta sem kærði var aðeins sextán ára þegar brotin
hófust í skjóli meðferðarúrræðisins. Hún óttast að lenda á götunni aftur.
ÍRIS DÖGG HÉÐINSDÓTTIR Íris lenti á glapstigum fíkniefna
þegar hún var aðeins um tólf ára gömul. Síðar glímdi hún við
sprautufíkn og samþykktu yfirvöld að hún dveldi í Byrginu
þegar hún var aðeins sextán ára gömul. Þar varð hún fyrir
misnotkun Guðmundar Jónssonar, þáverandi forstöðumanns.
Hún hefur nú verið edrú í eitt ár en óttast að lenda á götunni
aftur fái hún ekki aðstoð. FRÉTTABLAÐIÐ/STEFÁN
KÖNNUN Meirihluti þjóðarinnar er
fylgjandi aðild Íslands að
Evrópusambandinu og upptöku
evru, samkvæmt nýrri könnun
Capacent Gallup fyrir Samtök
iðnaðarins.
Sex af hverjum tíu segjast
hlynnt því að hefja aðildarvið-
ræður við ESB. Spurð um sjálfa
aðildina kvaðst 51 prósent
fylgjandi, 25 prósent á móti og 24
prósent hvorki hlynnt né andvíg.
58 prósent eru hlynnt upptöku
evru, en 25 prósent á móti.
Meirihluti stuðningsmanna
allra flokka er hlynntur því að
hefja aðildarviðræður við ESB.
Hjá Sjálfstæðisflokki eru 45
prósent með en 34 prósent á móti.
Hjá Samfylkingu eru 85 prósent
með en fimm prósent á móti. - kg
Könnun fyrir SI um ESB:
Meirihluti
hlynntur aðild
FÓLK Hannes Larsson hefur að sumarstarfi að lesa
veðurfréttirnar í Útvarpinu. Hannes sem ólst upp í
Svíþjóð á sænskan föður og íslenska móður.
„Ég hef alltaf kunnað íslensku,“ segir Hannes.
„Mig langaði bara að koma hingað að vinna til þess
að læra hana betur.“ Hannes er nítján ára og er frá
Uppsölum. Hann er sumarstarfsmaður á Veður-
stofunni.
„Ég sinni meðal annars eftirliti með veðri, ég fer
út og kíki á skýin og fylgist með hita og skyggni
auk þess að lesa veðurfréttirnar.“ Hann segir
stemninguna góða á Veðurstofunni en að það hafi
ekki verið auðvelt að byrja að lesa upp veðrið í
beinni útsendingu.
„Það var alveg hræðilegt að byrja að tala í
útvarpið,“ segir Hannes. „Ég reyni að vanda mig
mjög mikið.“ Beygingar í íslensku máli eiga það til
að stríða honum og aðspurður segir Hannes að það
sé „erfiðast að beygja tölur“.
Hannes segir að útvarpslesturinn hafi komið
fljótt. „Ég er búinn að vera að lesa síðan 23. júní og
núna er þetta ekkert mál.“
Í haust stefnir Hannes á háskólanám í Svíþjóð en
hefur enga ákvörðun tekið um hvaða nám verður
fyrir valinu. - hþj
Sumarstarfsmaður Veðurstofunnar ólst upp í Svíþjóð og les veðurfréttir:
Erfitt að beygja tölurnar rétt
HANNES LARSSON ákvað að vinna á Íslandi í sumar til þess að
fínstilla íslenskuna. FRÉTTABLAÐIÐ/ARNÞÓR
Tryggvi, missirðu spón úr Aski
þínum?
„Nei, ég held ekki. En ég legg hann
til hliðar í sex mánuði.“
Tryggvi Þór Herbertsson, hagfræðingur og
forstjóri Aska Capital, hefur verið ráðinn
til að sinna ráðgjöf í efnahagsmálum í
forsætisráðuneytinu í sex mánuði.
SAMGÖNGUR Lögregla og slökkvilið
á Keflavíkurflugvelli voru í
viðbragðsstöðu á föstudagskvöld
vegna flugvélar á leið frá Græn-
landi til Reykjavíkur. Flugmaður-
inn hafði drepið á öðrum hreyfli
vélarinnar.
Búist var við að vélin lenti í
Keflavík, enda styst þangað. Þegar
til kom óskaði flugmaður hennar
eftir að lenda í Reykjavík, en
þangað var ferð hans upphaflega
heitið. Ástandið var metið þannig
að slíkt væri óhætt.
Samkvæmt upplýsingum frá
Rannsóknanefnd flugslysa féll olíu-
þrýstingur á vélinni. Flugmaðurinn
hafði nýlega keypt vélina og var
ekki með nægilegt eldsneyti. - kóp
Ónógt eldsneyti í flugvél:
Viðbúnaður
vegna flugvélar
ÁSTANDIÐ KANNAÐ Carlos Ferrari,
eigandi og flugmaður, hugaði að véinni
á Reykjavíkurflugvelli í gær.
FRÉTTABLAÐIÐ/STEFÁN
VESTMANNAEYJAR „Röð tilviljana
gerði það að verkum að við björguð-
um karlinum,“ segir Sigurmundur
Gísli Einarsson, skipstjóri á ferða-
mannabátnum Víkingi frá Vest-
mannaeyjum. Skipverjar Víkings
björguðu kajakræðara sem lent
hafði í sjónum skammt frá Faxa-
sundi við Heimaey sídegis í gær.
Maðurinn hafði verið í sjónum í
rúmar fjörutíu mínútur og reynt
árangurslaust að synda í land.
Maðurinn, sem er frá Litháen en
býr í Reykjavík, reri út frá Eiðinu
og hugðist róa í kringum Heimaey.
Kajakinn fylltist af sjó og hvolfdi
skömmu eftir að maðurinn lagði af
stað.
Vegna tafa lagði Víkingur frá
bryggju um tuttugu mínútum síðar
en venjulega og sigldi því aðra leið
en vanalega. Sigurmundur Gísli
Einarsson, skipstjóri á bátnum,
segist ekki vilja hugsa til þess sem
hefði orðið, hefði Víkingur hefði
ekki átt leið hjá manninum á þess-
um tímapunkti. „Maður vonar auð-
vitað að allt hefði verið í lagi, en
allt stefndi í óefni hjá honum,“
segir Sigurmundur. Hann segir
kajakræðarann hafa verið afar
þakklátan fyrir björgunina. „Karl-
inn var brattur og vel á sig kominn,
líklega vanur svona volki.“
Fjöldi ferðamanna var um borð í
Víkingi. Kláraði báturinn útsýnis-
siglinguna áður en haldið var aftur
til Eyja. Kajakræðarinn hafði því
útsýnissiglingu upp úr krafsinu.
- kg
Skipverjar á ferðamannabátnum Víkingi björguðu kajakræðara í gærdag:
Á réttum stað á réttum tíma
TAKK Litháíski kajakræðarinn (fyrir
miðju) þakkar hér Sigurmundi Gísla Ein-
arssyni kærlega fyrir frækilega björgun.
FÉLAGSMÁL Alþjóðlegu verkalýðs-
samtökin telja leiðtoga G8 hafa
fjallað of lítið
um efnahags-
legar þrenging-
ar og hættu á
atvinnuleysi á
fundi G8
ríkjanna í
Tókýó í síðustu
viku.
Samtökin
telja að leið -
togarnir hafi
einblínt um of á stuðnings aðgerðir
fyrir alþjóðlega fjárfesta, í stað
þrenginga almennings.
Grétar Þorsteinsson, forseti
ASÍ, er sammála því. „Það er
áhyggjuefni að ekki skuli hafa
verið tekist á við stóru vandamál-
in í veröldinni eins og hungurvof-
una. Fókusinn var allt of mikið á
fjármagn í stað fólksins, því
miður.“ - kóp
Alþjóðleg verkalýðshreyfing:
Fjárfestar en
ekki fólk hjá G8
GRÉTAR
ÞORSTEINSSON
KASMÍR Í það minnsta nítján létust
og fjöldi særðist í árás hryðju-
verkamanna á bílalest indverskra
hermanna sem fór um borgina
Srinagar í Kasmír í gær.
Samtök, sem styðja pakistönsk
yfirráð yfir landsvæðinu, lýstu
ábyrgð á tilræðinu á hendur sér.
Þetta er næstmannskæðasta
hryðjuverkaárás síðan pakistönsk
og indversk yfirvöld hófu
friðarviðræður árið 2004.
Sprengingin varð tveimur
dögum áður en næsta hrina
friðarviðræðna hefst. Indland og
Pakistan hafa háð tvö stríð um
Kasmír síðan breskum yfirráðum
á svæðinu lauk. - kóp
Hryðjuverkaárás í Kasmír:
Indverskir her-
menn drepnir
Enginn gisti fangageymslur lögregl-
unnar á höfuðborgarsvæðinu aðfara-
nótt laugardags. Samkvæmt lögreglu
er þetta saga til næsta bæjar, enda ár
og dagar síðan fangageymslur voru
mannlausar á laugardagsmorgni.
LÖGREGLUMÁL
Enginn í steininum
Víðtæk leit var gerð að níu ára dreng
sem varð viðskila við foreldra sína í
hellaskoðunarferð við Fljótstungu um
tvöleytið í gær. Björgunarsveitir voru
kallaðar út víðs vegar að. Vegfarandi
fann drenginn fjórum tímum síðar,
heilan á húfi.
BJÖRGUNARSVEITIR
Týndist í skoðunarferð
SPURNING DAGSINS