Fréttablaðið - 20.07.2008, Blaðsíða 54
30 20. júlí 2008 SUNNUDAGUR
AIR, eða Amateur Icelandic Rocketry, er áhugafélag
um eldflaugar á Íslandi. Magnús Már Guðnason,
nemi í efnaverkfræði í DTU í Danmörku, og Smári
Freyr Smárason pípari standa að verkefninu. AIR
sendi upp fyrstu eldflaug sína 18. nóvember 2006 og
aðstoðaði nemendur í HR við eldflaugaskot fyrr á
árinu. Nú stefna þeir á að senda aðra flaug, 3,5-4
metra háa, upp í lok ágúst.
„Við stofnuðum þetta áhugamannafélag 2006.
Markmiðið frá upphafi var að smíða eldflaug sem
myndi brjóta hljóðmúrinn og notast við blöndu af
sykri og saltpétri. Svo vildum við bara smíða
eldflaugar og almennt gera eitthvað skemmtilegt
annað en að hanga í skólanum,“ segir Magnús.
Verkefnið er talsvert stærra en þá. „Það var bara
tilraunaflaug. Hún átti aldrei að fara yfir hljóð-
hraða. Hún fór upp á 590 km/klst hraða og upp í 1,1
km hæð. Það var bara fyrsta skrefið í áttinni að
þessari flaug sem við erum að gera núna.“ En hvað
gera AIR þegar þeir hafa náð markmiði sínu?
„Það er góð spurning. Það er alltaf hægt að gera
eitthvað meira. Við stefnum á að koma þessari flaug
sem við erum að smíða núna upp í um það bil 1.500
km/klst. Hljóðhraðinn er 1.220 km/klst. Hún mundi
fara upp í um 5 km hæð. Næst yrði þá bara að fara
yfir 10 kílómetrana.“
Eldflaugasmíði er dýrt áhugamál. „Allur efnis-
kostnaður er styrktur af fyrirtækjum. Við erum
alltaf að leita að styrkjum. Hingað til hafa um 15
fyrirtæki styrkt verkefnið og þetta hefur kostað um
tvær milljónir í efniskostnað. Ef einhver hefur
áhuga þá má hann hafa samband.“ Flaugin fer upp í
lok ágúst, gangi allt að óskum. „Það fer eftir því
hvort allt klárast í tíma.“ Hægt er að fylgjast með
ferlinu á eldflaug.com. - kbs
HVAÐ SEGIR MAMMA?
Hvað er að frétta? Í augnabliki vinn ég
í gjörningalist með Stígis og leikstýri svo
hinum frábæra leikhópi Sýni á kvöldin.
Augnlitur: Gráblár.
Fæðingardagur: 30. nóvember 1984.
Starf: Ég er leiklistarmaður.
Fjölskylduhagir: Ég á tvær systur, plús
foreldra, en því miður ekkert gæludýr.
Hvaðan ertu? Ég hef nánast alla ævi búið
í Hafnarfirði og lít á mig sem Hafnfirðing. Á
ættir að rekja annars út um allt.
Ertu hjátrúarfullur? Nei, en ég trúi á hið
góða í manninum.
Uppáhaldssjónvarpsþátturinn: The IT
Crowd eða The Mighty Boosh.
Uppáhaldsmatur: Kebab er uppáhalds-
skyndibitinn minn. Við þurfum að hvetja
fleiri Tyrki til að setjast hér að.
Fallegasti staðurinn: Hellisgerði í Hafnar-
firði. Ég held að það væri frábær staður til
þess að setja upp leiksýningu. Hafið því
augun opin fimmtudaginn 8. ágúst. Svo er
Þórsmörk líka ágæt.
iPod eða geislaspilari? Grammófónn, það
er svona ekta.
Hvað er skemmtilegast? Að fá sér bjór
með vinum sínum.
Hvað er leiðinlegast? Röfl um krónuna.
Tökum bara upp evruna og hættum að
væla.
Helsti veikleiki: Ég fer aldrei að sofa nógu
snemma og verð sökum þess oft úrillur.
Helsti kostur: Eftir annan kaffisopa dagsins
klukkan 10.30 er ég mjög viðkunnanlegur.
Helsta afrek: Útskriftarverkefnið mitt. Ég
hef ekki verið jafn stoltur af neinu listaverki
eftir mig.
Mestu vonbrigðin: Fagra Ísland.
Það er jafnvel enn ömurlegra en
árangur okkar í Eurovision.
Hver er draumurinn? Að læra
níu tungumál áður en ég dey.
Hver er fyndnust/-astur? Þar
sem George Carlin er dauður
þá annað hvort Kjartan eða
Arnór vinir mínir.
Hvað fer mest í taugarnar
á þér? Fólk sem er ókurteist
að ástæðulausu.
Hvað er mikilvægast? Að geta
látið gott af sér leiða.
HIN HLIÐIN SNÆBJÖRN BRYNJARSSON LEIKLISTARMAÐUR
Viðkunnanlegur eftir annan kaffisopann
„Mér finnst
yndislegt
að hún stóð
með því að
gera það sem
hana langaði
til. Það vissu
allir í kring-
um hana
að skrifin
væru það
sem hún vildi fást við og eru
hennar ástríða. Ég er náttúrlega
rosalega stolt af henni og það
er gaman að sjá hana vaxa í
þessu.“
Mínerva Haraldsdóttir um dóttur sína
Guðrúnu Evu Mínervudóttur rithöfund.
Kvikmyndafélagið Pegasus keypti nýverið
kvikmyndarétt á skáldsögu hennar Yosoy.
30.11.
1984
Hið ómálaða mál-
verk Hallgríms
Helgasonar, sem
seldist fyrir rúmar
20 milljónir á fjár-
öflunarkvöldi
UNICEF,
fyrir
tveimur
árum
mun
komið
málað á vegg kaup-
andans. Fréttablaðið
heyrir að veggurinn
sá sé undir þaki
Þorsteins M. Jóns-
sonar sem betur
er þekktur sem
Steini í Kók.
Myndefnið
mun vera
sjálfur Jesús
Kristur á gangi
eftir Skúlagötu.
- jbg
FRÉTTIR AF FÓLKI
„Ég hef alltaf verið áhugamaður
um te og teblöndur og leikið mér
að því að búa til teseið til margra
ára,“ segir tónlistarmaðurinn
Sverrir Guðjónsson sem selur
teblöndurnar Hvíta galdur, Svarta
galdur og Nornaseið, en teblöndur
hans hafa teygt anga sína út fyrir
landssteinana þar sem þær eru
notaðar í matargerð á Noma, einu
flottasta veitingahúsi heims.
„Það var fyrir algjöra tilviljun
sem ég kynntist eigandanum,
René Redzepi, fyrir nokkrum
árum. Þá var hann að leita af hug-
myndum fyrir veitingastaðinn og
sækjast eftir afurðum af norræn-
um slóðum. Þegar ég bauð honum
svo upp á tebolla var hann strax
ákveðinn í að nota teið í matar-
gerðina,“ útskýrir Sverrir, en
Noma sem er staðsettur í Kaup-
mannahöfn hefur hlotið tvær
Michelin-stjörnur og er í tíunda
sæti yfir bestu veitingastaði heims
2008. René vann fyrstu Food and
fun keppnina sem haldin var fyrir
fjórum árum, þar sem hann notaði
Nornaseið í frauð sem var hluti af
eftirrétti, en Gunnar Karl Gísla-
son yfirmaður veitingastaðarins
Vox notar Nornaseiðinn nú til að
grafa steinbít og lax.
„Ég vildi ekki gefa upp blönd-
una svo ég útbjó sjálfur tegund-
irnar þrjár og fékk aðstoð við að
útfæra miða utan á pakkningarn-
ar,“ segir Sverrir sem framleiðir
allt teið sjálfur. „Ég geri svolítið
magn þegar ég kemst í testuð, en
ég ákvað að hafa þetta bara hand-
gert og vil frekar að fólk þurfi að
hafa aðeins fyrir því að leita tein
uppi,“ segir Sverri og hlær, en tein
eru aðeins fáanleg í Kaffifélaginu
á Skólavörðustíg.
„Hugmyndin af teinu er víðtæk
og er byggð á sögu víkinga, en sem
tónlistarmanni finnst mér teblönd-
urnar í raun vera tónlist í tebolla.
Nú ætla ég aðeins að fara að pressa
á sjálfan mig og koma þessu til
Akureyrar og Egilsstaða og svo
hefur Te og Kaffi sýnt blöndunum
mikinn áhuga. Ég er einnig búinn
að hanna eina nýja tegund í viðbót
sem er barnate, einungis gert úr
fræjum, en fræin eiga eftir að
vaxa líkt og börnin, sem er
umhugsunarvert í spegli samtím-
ans,“ segir Sverrir að lokum.
alma@frettabladid.is
SVERRIR GUÐJÓNSSON: AUKABÚGREIN VINDUR UPP Á SIG
Tónlistarmaður selur te á
Michelin-veitingastað
GERIR TEBLÖNDUR FYRIR HEIMSFRÆGAN VEITINGASTAÐ Teblöndur Sverris Guð-
jónssonar hafa meðal annars verið notaðar í eftirrétti og til að grafa fisk, en hann
framleiðir allt teið sjálfur. FRÉTTABLAÐIÐ/ARNÞÓR
FYRSTA TILRAUN Fréttablaðið fylgdist með frumraun AIR.
FRÉTTABLAÐIÐ/VALLI
Skjóta upp eldflaug í ágúst
50 HJÓL TIL SÝNIS Heiðar Jóhannsson
hafði safnað 22 mótorhjólum þegar
hann lést í mótorhjólaslysi í júlí 2006,
en safnið á Akureyri verður reist í minn-
ingu hans.
„Föðurbróðir minn lést í mótor-
hjólaslysi fyrir tveimur árum
síðan, en þá hafði hann ætlað sér
að opna mótorhjólasafn og var
komin með 22 hjól. Við ákváðum
því að taka við kyndlinum og
opna safn í minningu hans,“ segir
Jóhann Freyr Jónsson, safnstjóri
á mótorhjólasafni sem reist
verður til minningar um Akureyr-
inginn Heiðar Jóhannsson. Safnið
verður á safnasvæðinu sunnan
við Iðnaðarsafnið á Krókeyri og
verður alls um 800 fermetrar að
stærð.
„Fjölskylda og vinir Heiðars
hafa stofnað sjálfseignarstofunun
um bygginguna og reksturinn, en
stefnt er að því að framkvæmd-
um við fyrsta áfanga verði lokið
næsta sumar. Auk þeirra hjóla
sem Heiðar átti hefur safnið
fengið mörg að gjöf og á nú orðið
um 50 mótorhjól sem munu vera
til sýnis,“ útskýrir Jóhann Freyr.
„Safnið verður án efa skemmti-
leg viðbót við safnaflóruna í
Eyjafirði, en ekki síður heimilda-
geymsla um sögu mótorhjóla sem
er stór hluti samgöngusögu
Íslands,“ segir Jóhann. - ag
Opna mótor-
hjólasafn á
Akureyri
„...fyrst á visir.is“
...ég sá það á visir.is