Fréttablaðið - 20.07.2008, Blaðsíða 50

26 20. júlí 2008 SUNNUDAGUR
GANGA.IS
Ungmennafélag Íslands
FÓTBOLTI Tveir leikir fara fram í 12. umferð
Landsbankadeildar karla í kvöld þar sem botn-
liðin HK og ÍA eiga erfiða útileiki fyrir hönd-
um; HK fer í Krikann og mætir FH og ÍA heim-
sækir Breiðablik á Kópavogsvöll. Leikir
kvöldsins hefjast báðir kl.
19.15.
HK-ingar eru á botni Lands-
bankadeildar og hafa ekki
unnið þar leik síðan í 5. umferð
þegar liðið lagði Íslandsmeist-
ara Vals að velli 4-2 í Kópavogi
en síðan þá hefur liðið gert tvö
jafntefli og tapað fjórum
leikjum. Rúnar Páll Sig-
mundsson er nýtekinn
við sem þjálfari HK eftir
að Gunnari Guðmunds-
syni var vikið úr starfi og leikurinn gegn FH í
kvöld er annar leikur hans við stjórnvölinn.
Hinn gamalreyndi Sinisa Valdimar Kekic mun
að öllu óbreyttu leika sinn fyrsta leik fyrir HK
í kvöld en varamaðurinn Hermann Geir Þórs-
son verður í leikbanni.
FH-ingar eru sem stendur í öðru sæti
Landsbankadeildarinnar en hafa verið að
slaka örlítið á klónni undanfarið eftir
gríðarlega sannfærandi spilamennsku
framan af sumri og Hafnarfjarðarliðið
hefur tapað síðustu tveimur leikjum
sínum í deildinni. FH tók þátt í Evrópu-
keppni félagsliða á fimmtudaginn og þá
var markvörðurinn og fyrirliðinn Daði
Lárusson á varamannabekknum vegna
eymsla í baki og Gunnar Sigurðsson stóð
í markinu, en líklegt verður að teljast að
Daði snúi aftur á milli stanganna gegn
HK í kvöld.
ÍA voru einnig að keppa í Evrópu-
keppni félagsliða á fimmtudaginn.
Þá voru Jón Vilhelm Ákason,
Björn Bergmann Sigurðarson
og Þórður Guðjónsson allir á
varamannabekknum eftir að
vera nýkomnir úr meiðslum en ættu að vera
klárir í slaginn gegn Breiðabliki. Stefán
Þórðarson gat ekki leikið með ÍA á fimmtudag-
inn vegna meiðsla í nára og hann verður ekki
heldur með í kvöld. Skagamenn hafa ekki átt
sjö dagana sæla í sumar og hafa ekki unnið
leik í Landsbankadeild síðan í 3. umferð
þegar liðið lagði Fram að velli en
síðan þá hefur liðið gert þrjú jafn-
tefli og tapað fimm leikjum.
Breiðablik er hins vegar á ágætri
siglingu í Landsbankadeildinni og
hefur unnið tvo leiki í röð. Þjálfar-
inn Ólafur H. Kristjánsson hefur
verið óhræddur við að gefa
ungum leikmönnum tækifæri
með liðinu og það hefur
gefið góða raun. - óþ
HK hefur ekki unnið leik í deildinni í tæpan einn og hálfan mánuð og ÍA hefur ekki unnið þar í tvo mánuði:
Að duga eða drepast fyrir HK og ÍA
ERFITT VERKEFNI
Rúnar Páll Sigmunds-
son nýráðinn þjálfari
HK á erfitt verkefni
fyrir höndum
.FRÉTTABLAÐIÐ/ANTON
SJALDAN SVARTARA
Reynsluboltinn Guðjón
Þórðarson hefur líklega
sjaldan séð það svartara
en nú. FRÉTTABLAÐIÐ/STEFÁN
Vodafone-völlur, áhorf.: 1.353
Valur Keflavík
TÖLFRÆÐIN
Skot (á mark) 11-12 (6-5)
Varin skot Kjartan 4 – Ómar 5
Horn 6-8
Aukaspyrnur fengnar 20-15
Rangstöður 6-1
KEFLAVÍK 4–4–2
Ómar Jóhannsson 8
Guðjón Á. Antoníus. 7
Kenneth Gustafsson 6
(75., Guðmund. Mete -)
Hallgrímur Jónasson 7
Nicolai Jörgensen 5
Patrik Redo 5
Einar Orri Einarsson 7
*Hólmar Ö. Rúnars 8
Símun Samúelsen 6
Magnús Þorsteinsson 7
(71., Hans Yoo Mat. -)
Þórarinn Kristjánsson 6
(61., Hörður Sveins. 5)
*Maður leiksins
VALUR 4–5–1
Kjartan Sturluson 7
Einar Marteinsson 4
(45., Baldur Ingimar 6)
Atli Sveinn Þórarins. 5
Barry Smith 4
(45., Henrik Eggerts 6)
Rene Carlsen 6
Rasmus Hansen 7
Sigurbjörn Hreiðars. 6
Guðmundur Ben. 5
(67., Baldur Bett 5)
Pálmi Rafn Pálmas. 7
Bjarni Ó. Eiríksson 6
Helgi Sigurðsson 7
0-1 Hólmar Örn Rúnarsson (23.), 1-1
Helgi Sigurðsson (79.). Rautt spjald
Baldur Ingimar Aðalsteinsson (80.).
1-1
Garðar Örn Hinriks. (7)
LANDSBANKADEILD KARLA:
1. Keflavík 12 8 2 2 26-16 26
2. FH 11 7 1 3 22-12 22
3. Fjölnir 11 7 0 4 19-10 21
4. Valur 12 6 2 4 19-15 20
5. KR 11 6 0 5 19-13 18
6. Breiðablik 11 5 3 3 19-16 18
7. Fram 11 5 0 6 10-11 15
8. Grindavík 11 4 2 5 15-19 14
9. Þróttur R. 11 3 4 4 15-20 13
10. Fylkir 11 4 0 7 12-19 12
-----------------------------------------------------
11. ÍA 11 1 4 6 8-17 7
12. HK 11 1 2 8 12-28 5
STAÐAN
FÓTBOLTI Hinn brasilíski Kaka hjá
AC Milan virðist vera að hugsa
sér til hreyfings ef marka má
ummæli Diogo Kotscho, persónu-
legs ráðgjafa leikmannsins, í
viðtali við The Guardian í gær.
„Real Madrid bauð fúlgur fjár í
Kaka síðasta sumar og þá litu
forráðamenn AC Milan ekki einu
sinni við boðinu, en tímarnir er
breyttir núna. Vegna fjárhags-
stöðu AC Milan, ekki síst eftir
komu Ronaldinho til félagsins, þá
held ég að það gæti verið gott
fyrir alla aðila ef Kaka myndi
fara,“ sagði Kotscho, sem heldur
því fram að Chelsea sé tilbúið að
borga metfé fyrir Kaka, en hæsta
verð fyrir félagaskipti til þessa er
46 milljónir punda.
„Chelsea er rétta félagið til að
vera hjá í dag, þar er verið að
byggja lið til þess að vinna alla
titla sem í boði eru. Möguleg
félagaskipti myndu líka þýða það
að Kaka fengi talsvert hærri
laun,“ sagði Kotscho.
Kaka er búinn að vera sterk-
lega orðaður við Chelsea allt
síðan Luiz Felipe Scolari,
fyrrverandi landsliðsþjálfari
Brasilíu, var kynntur sem nýr
knattspyrnustjóri Chelsea. - óþ
Kaka ráðlagt að yfirgefa AC:
Kaka á leiðinni
til Chelsea?
TILBÚINN Persónulegur ráðgjafi brasil-
íska snillingsins Kaka telur að hann ætti
að fara í Chelsea. NORDIC PHOTOS/GETTY
FÓTBOLTI Valur og Keflavík skildu
jöfn í toppbaráttuslag eins og þeir
gerast bestir á Vodafone-vellinum
í gærdag.
Leikurinn fór fjörlega af stað í
blíðskaparveðri að Hlíðarenda þar
sem heimamenn höfðu undirtökin
til að byrja með. Varnarjaxlinn
Atli Sveinn Þórarinsson átti fyrsta
færi leiksins þegar þrumuskot
hans af stuttu færi var varið lag-
lega af Ómari Jóhannssyni í marki
Keflavíkur.
Keflvíkingar voru annars þéttir
varnarlega og svo eldfljótir að
sækja upp völlinn þegar færi gafst
og á 12. mínútu bar eitt slíkt upp-
hlaup þó nokkurn árangur. Magn-
ús Þorsteinsson fékk þá sendingu
inn í vítateig Valsmanna frá Þór-
arni Kristjánssyni og Barry Smith
var allt of seinn til og braut klaufa-
lega á framherjanum snögga og
vítaspyrna réttilega dæmd. Það
kom í hlut Þórarins að taka víta-
spyrnuna en honum brást boga-
listin hrapallega og Kjartan
Sturluson varði auðveldlega frá
honum.
Kefvíkingar létu það þó ekki slá
sig út af laginu og héldu áfram að
hrella varnarmenn Vals, sem voru
ráðþrota gegn hröðum sóknarleik
Suðurnesjamanna.
Keflvíkingar tóku svo forystu í
leiknum á 23. mínútu og markið
var heldur betur af dýrari gerð-
inni. Guðjón Árni Antoníusson
skallaði boltann fyrir lappirnar á
Hólmari Erni Rúnarssyni hægra
megin fyrir utan vítateig Vals-
manna og miðjumaðurinn skaut
hnitmiðuðu utanfótarskoti upp í
markhornið fjær, óverjandi fyrir
Kjartan í markinu. En stuttu fyrir
markið hafði Ómar varið vel í tví-
gang frá Valsmönnunum Sigur-
birni Hreiðarssyni og Pálma Rafni
Pálmasyni. Hlutirnir voru því
fljótir að ger-
ast og leikur-
inn hraður og
skemmtileg-
ur þar sem
sótt var á báða
bóga.
Keflvíkingar
virkuðu hins
vegar talsvert
líklegri til þess að
bæta við öðru
marki en Vals- menn
að jafna það sem eftir lifði
hálfleiksins þar sem Magnús
og Þórarinn voru líflegir. Vals-
menn voru meira með boltann
en voru allt of hægir að sækja
fram völlinn, sem gerði það að
verkum að Keflavíkurvörnin
fékk nægan tíma til þess að stilla
upp og loka á framherjann Helga
Sigurðsson, sem fékk lítinn stuðn-
ing og var gjörsamlega týndur í
fyrri hálfleik. Staðan var 0-1 í hálf-
leik.
Willum Þór Þórsson, þjálfari
Vals, gerði tvær breytingar á liði
sínu í hálfleiknum þegar varnar-
mennirnir Barry Smith og Einar
Marteinsson fóru út af fyrir miðju-
mennina Baldur Ingimar Aðal-
steinsson og Henrik Egg-
erts. Þetta var breyting til
hins betra fyrir Vals-
menn og allt annað var
að sjá til liðsins, sem
færði sig framar á
völlinn og pressaði
nokkuð stíft að marki
Keflvíkinga.
Pálmi Rafn fékk fínt
færi til þess að jafna
leikinn fyrir Valsmenn á
67. mínútu en skot hans úr
ágætri stöðu á markteign-
um fór framhjá markinu.
Valsmenn voru sem fyrr
meira með boltann en
náðu lengstum ekki að skapa sér
nógu afgerandi marktækifæri.
Jöfnunarmarkið kom hins vegar
loksins á 79. mínútu þegar Rasmus
Hansen átti sendingu fyrir markið
frá hægri kantinum og
Helgi Sigurðsson var
réttur maður á réttum
stað og afgreiddi bolt-
ann í netið af stuttu
færi.
Skömmu
síðar fékk
Baldur
Ingimar
að líta
beint
rautt
spjald
fyrir
tæklingu á Hans
Yoo Mathiesen og
Valsmenn því einum
færri á lokakaflan-
um. Keflvíkingar
voru í tvígang nálægt því að nýta
sér liðsmuninn í blálokin. Fyrst
átti Hans Yoo skot sem Kjartan
náði að blaka í slá og svo átti Einar
Orri Einarsson þrumuskot í upp-
bótartíma sem fór í innanverða
stöngina, en allt kom fyrir ekki og
lokatölur urðu 1-1.
Willum Þór var ánægður með
sitt lið í leikslok.
„Þetta var hörkuleikur tveggja
góðra liða og ég var mjög ánægð-
ur með mitt lið í dag. Við vorum
kannski meira með boltann heilt
yfir en áttum samt í talsverðum
erfiðleikum með hraða sóknar-
menn Keflavíkur. Það lagaðist þó
talsvert í seinni hálfleik og mér
fannst við vera öruggari á boltan-
um. Ég var náttúrlega mjög
svekktur með að missa svo mann
út af, þar sem mér fannst við vera
á góðri siglingu og ég var að horfa
fram á það við myndum auka
sóknar þungann enn meira í lokin,“
sagði Willum Þór.
Kristján Guðmundsson, þjálfari
Keflavíkur, tók undir með kollega
sínum um skemmtanagildi leiks-
ins en sá þó eitt og annað að leik
sinna manna.
„Þetta var góður leikur þar sem
bæði liðin þorðu að sækja og voru
að skapa sér færi. Mér fannst við
reyndar falla of mikið til baka í
upphafi síðari hálfleiks og það er
ekki okkar leikur. Okkur hefði
kannski tekist að sigla þessu heim
með þannig spilamennsku ef við
hefðum verið tveimur mörkum
yfir í hálfleik, en með aðeins eins
marks forystu er það allt of hættu-
legt eins og raun bar vitni um,“
sagði Kristján og Hólmar Örn tók
undir það.
„Ég er svekktur með hvernig
við misstum þetta niður í jafntefli.
Við áttum náttúrlega að bæta við
fleiri mörkum í fyrri hálfleik og
féllum of mikið til baka í seinni
hálfleik og okkur gekk illa að
halda boltanum innan liðsins. Ann-
ars var þetta opið og hefði getað
endað hvernig sem er,“ sagði
Hólmar.
Toppbaráttan opin upp á gátt
Markaskorarinn Helgi Sigurðs-
son var ánægður með hvernig
Valsmenn unnu sig inn í leikinn
og kvað Íslandsmeistarana ekki
hafa sagt sitt síðasta í titilbarátt-
unni.
„Við vissum að með tapi í
þessum leik myndum við missa
af Keflvíkingunum þannig að
jafntefli er ekkert alslæmt
þrátt fyrir að maður vilji allt-
af vinna. Toppbaráttan er
opin upp á gátt og við vitum
alveg hvar við viljum vera í
haust,“ sagði Helgi að lokum.
omar@frettabladid.is
Toppbaráttan opin upp á gátt
Valur og Keflavík skildu jöfn, 1-1, í bráðskemmtilegum leik í Landsbankadeild karla á Vodafone-vellinum í
gærdag. Keflvíkingar eru sem fyrr í toppsætinu en FH og Fjölnir eru ekki langt undan og eiga möguleika á
að brúa bilið, þar sem þau eiga leik til góða. Valsmenn hafa heldur ekki sagt sitt síðasta í toppbaráttunni.
HÖRÐ BARÁTTA Keflvíkingurinn Hólmar
Örn Rúnarsson og Valsarinn Pálmi Rafn
Pálmason háðu harða baráttu í jafnteflis-
leiknum í gærdag. FRÉTTABLAÐIÐ/ANTON
ÖFLUGUR Ómar Jóhannsson átti góðan leik fyrir Keflavík í gær og greip nokkrum
sinnum vel inn í á ögurstundu. FRÉTTABLAÐIÐ/STEFÁN