Fréttablaðið - 20.07.2008, Blaðsíða 45
SUNNUDAGUR 20. júlí 2008 21
folk@frettabladid.is
Justin Timberlake segir David
Beckham eiga allan heiður af því
að hafa aukið fótboltaáhuga í
Bandaríkjunum. Söngvarinn var
kynnir á íþróttaverðlaunahátíðinni
ESPY sem fram fór í Los Angeles á
miðvikudagskvöld og mun hafa
bent á David og Victoriu
eiginkonu hans sem
sátu á fremsta bekk
í Nokia-leikhúsinu,
til að þakka David
fyrir að hafa
ákveðið að spila
með Los Angeles
Galaxy.
David Beckham
kveðst ekki sjá eftir
því að hafa flutt
búferlum vestur um
haf. Á opinberri
bloggsíðu
sinni
segist hann njóta þess að keppa í
fótbolta í mismunandi borgum
Bandaríkjanna. Einnig þakkar
hann fyrir þær góðu mót-
tökur sem hann og Vict-
oria hafa fengið í Los
Angeles og segist
ekki geta ímyndað
sér að búa neins
staðar annars
staðar í heimin-
um þessa stund-
ina.
Justin hrósar David Beckham
SEGIR DAVID
EIGA HEIÐURINN
Justin hrósar
David fyrir að eiga
allan heiðurinn af
því að vekja áhuga
Bandaríkjamanna
á fótbolta.
> FYRIRLÍTUR SLÚÐRIÐ
Penelope Cruz kann ekki að meta
sífelldar slúðurfréttir sem birtast í
fjölmiðlum úti um allan heim. Leik-
konan segist sannfærð um að
slúðrið hafi slæm áhrif á samfélag
okkar og það ágerist með degi
hverjum. Penelope segir slúðrið
einnig hafa bein áhrif á hana
sjálfa og að það muni hafa verri
áhrif á komandi kynslóðir en
við gerum okkur grein fyrir.
Í tilefni af 70 ára afmæli kvikmyndarinn-
ar víðfrægu Galdrakarlinn í Oz á næsta
ári munu tuttugu hönnuðir hanna rauða
skó í anda þeirra sem Dóróthea skartaði.
Í þeim hópi eru stórstjörnur á borð við
Christian Louboutin, Manolo Blahnik og
Jimmy Choo, sem venjulega takast á um
viðskiptavini, Diane von Furstenberg og
Betsey Johnson.
Hver hönnuður mun búa til tvö pör, öll
skreytt Swarovski kristölum. Skórnir
verða til sýnis á tískuvikunni í New
York og á Art Basel í Miami áður en
þeir verða svo boðnir upp til styrktar
samtökunum Elisabeth Glaser Pediatric
AIDS Foundation, sem vinna fyrir
alnæmissmituð börn.
Þó að skórnir muni tæplega hafa þá
eiginleika sem þeir upprunalegu
höfðu þarf vart að draga í efa að þeir
muni seljast fyrir háar fjárhæðir að
ári.
Skór í anda Oz
SKÓR FYRIR DÓRÓTHEU? Tuttugu hönnuðir munu
gera rauða skó í anda þeirra sem Dóróthea klædd-
ist í myndinni góðu í tilefni afmælis hennar að ári.
Svo virðist sem leikkonan Hayden
Panettiere hafi hug á að leggja
tónlistina fyrir sig, en hún lagði
leið sína í hljóðver nýlega þar sem
hún tók upp nýtt lag sem kallast
Wake Up Call. Hayden segist hafa
lagt mikið upp úr því að engin tvö
lög hljómi eins á væntanlegri
breiðskífu hennar, en
ekki er vitað hvor leik-
konan, sem þekktust
er fyrir hlutverk sitt
sem klappstýra í
sjónvarpsþáttun-
um Heroes, ætli
að leggja
sönginn
alfarið fyrir
sig eða
halda
áfram á
leiklistar-
brautinni.
Gefur út lag
Hellboy snýr aftur í nýrri kvik-
mynd þar sem hann berst ásamt
Abe og Liz hjá hinu opinbera gegn
skrímslum, stórum sem smáum,
sem herja á mannkyn.
Það verður að segjast undarlegt
að Spánverjinn Guillermo del Toro
hafi tekið að sér að leikstýra fram-
haldi Hellboy, sem hann gerði fyrir
nokkrum árum, eftir að hafa leik-
stýrt meistaraverkinu Pan’s Labyr-
inth á síðasta ári. Stíll myndanna er
jú ekki svo frábrugðinn, en innihald
myndanna er eins og svart og hvítt.
Pan’s... er átakanleg drama-/ævin-
týramynd um saklausa stelpu sem
upplifir grimman ævintýraheim, á
meðan Hellboy II er hasardrifin
mynd um skotglaðan son djöfulsins.
Del Toro sannar að honum standa
flestir vegir opnir; hvort sem það sé
magnþrungin dramamynd eða
ævintýra-/hasarmynd.
Nálgun del Toros á viðfangsefn-
inu er frábrugðin nýlegri ofurhetju-
myndum. Í fyrri myndinni var
mennsk persóna sem áhorfendur
gátu tengt sig við en hér fylgjast
áhorfendur einungis með afbrigði-
legum ofurhetjum, hver skrítnari
en sú næsta. Hugmyndaflug del
Toros og Mike Mignola, skapara
teiknimyndabókarinnar, er magnað
og getur maður nánast dáleiðst í
frumlegum og forvitnilegum ævin-
týraheimi ríkum af skrautlegum
persónum og sviðsmynd. Saga
myndarinnar er áhugaverð og
skemmtileg en það sem dregur
hana einna helst niður er smá króka-
leið með ástarmál smokkfisksins
Abe, þótt myndin komist fljótlega
aftur á skrið.
Ron Perlman fer vel með hlut-
verk Hellboys og fer ekki á milli
mála að hann nýtur hverrar mínútu
í gervi rauða djöfulsins. Það kom
nokkuð á óvart að ólíkt fyrri mynd-
inni er það Jeffrey Tambor sem
stelur senunni en ekki Perlman sem
Hellboy. Tambor leikur sjálfhverfa
fíflið Tom Manning en hann kom
einnig fram í fyrri myndinni. Seth
MacFarlane ljáir hinum þýska
Johann Krauss, nýjasta meðlimi
hópsins, rödd sína af mikilli snilld.
Ofurhetjumyndir og myndir
byggðar á teiknimyndasögum hafa
verið að sækja í sig veðrið síðastlið-
in ár og er hægt að fullyrða að árið í
ár er á þeim velli það besta frá upp-
hafi, með Iron Man, Hulk og nú
Hellboy II. Og ein mynd er ennþá
eftir; sjálfur Batman í The Dark
Knight.
Vignir Jón Vignisson - Topp5.is
Rauði djöfullinn í stuði
KVIKMYNDIR
Hellboy II: The Golden Army
Leikstjóri: Guillermo del Toro.
Aðalhlutverk: Ron Perlman,
Selma Blair, Seth MacFarlane,
Jeffrey Tambor.
★★★★
Frumlegur og forvitnilegur ævintýra-
heimur með skrautlegum persónum
og sviðsmynd. Flott hasarmynd.
Britney Spears og Kevin
Federline hafa náð sam-
komulagi í forræðisbaráttu
þeirra yfir sonunum Sean
Preston og Jayden James.
Federline fær fullt forræði.
Britney Spears og Kevin Federline
hafa bundið enda á löng og ströng
málaferli vegna forræðisdeilu
þeirra með því að semja um for-
ræði yfir sonum sínum tveimur, en
þau hefðu átt að mæta fyrir rétt í
næsta mánuði til að halda deilunni
áfram.
Lögfræðingur Federline, Mark
Vincent Kaplan, var duglegur að tjá
sig um lyktir málsins við fjölmiðla í
gær, og greindi þá frá því að sam-
kvæmt samkomulaginu myndi
Federline hljóta fullt forræði yfir
börnunum. „Britney mun halda
umgengnisrétti sínum sem gæti
aukist með tímanum,“ segir Kaplan,
sem segir Federline yfir sig ánægð-
an með niðurstöðuna. Heimildir
slúðurvefsins TMZ.com herma að
umgengnisrétturinn muni aukast
töluvert strax á þessu ári, en sem
stendur fær Britney að hitta syni
sína þrisvar í viku, þar af einu sinni
yfir nótt. Það helst ágætlega í hend-
ur við þær yfirlýsingar Federlines
að hann vilji ekkert frekar en að
Spears verði hluti af daglegu lífi og
uppeldi barna þeirra.
Eins og flestir vita missti söng-
konan forræðið yfir barnungum
sonum sínum í október síðastliðn-
um. Hún hafði þá umgengnisrétt,
en hann var skertur verulega eftir
að söngkonan var lögð inn á sjúkra-
hús í janúar vegna geðrænna vanda-
mála, eftir að hún neitaði að láta
syni sína af hendi að loknum heim-
sóknartíma. Samkomulag hjónanna
fyrrverandi kom mörgum í opna
skjöldu á föstudag, þar sem Britney
hefur vegnað töluvert betur síðustu
vikur en það sem af var ári og töldu
margir að hún myndi aftur fá sam-
eiginlegt forræði. Talið er að bæði
hún og Federline hafi þó viljað forð-
ast það fjölmiðlafár og tilfinninga-
lega álag sem áætluð réttarhöld
myndu að öllum líkindum hafa í för
með sér, og því ákveðið að semja
utan réttar.
Hvað Britney varðar herma frétt-
ir þessa dagana að hún hafi varið
sumrinu við upptökur á nýrri plötu.
„Hún er að vinna með teymi frá-
bærra framleiðenda og lagahöf-
unda, og við erum mjög spennt yfir
því sem hún er búin að gera nú
þegar,“ segir umboðsmaður hennar,
Larry Rudolph.
Federline fær forræðið
AUKINN UMGENGNISRÉTTUR? Talið er að samningur Spears og Federlines feli í sér
að söngkonan fái með tíð og tíma aukinn umgengnisrétt við syni sína, en hún fær
nú að hitta þá þrisvar sinnum í viku.
YFIR SIG ÁNÆGÐUR Lögfræðingur
Kevins Federline segir kappann yfir sig
ánægðan með niðurstöðuna.
N
O
R
D
IC
PH
O
TO
S/
G
ET
TY
Skógarhlíð 18 • sími 595 1000
Akureyri • sími 461 1099 • www.heimsferdir.is