Fréttablaðið - 24.07.2008, Blaðsíða 2

2 24. júlí 2008 FIMMTUDAGUR
Nóatúni 4 · Sími 520 3000
www.sminor.is
Létt og lipur. Kirsuberjarauð. Stillanlegt
3 lítra poki. Vinnuradíus: 8 m.
Vinnuhollt handfang.
Stillanleg lengd á sogröri.
Ryksuga VS 01E1800
A
T
A
R
N
A
9.900Tilboðsverð: kr. stgr.
(Verð áður: 12.700 kr.)
LÖGREGLUMÁL Allir seðlar og öll
mynt sem Kristinn Gestur Finn-
bogason, 91 árs fyrrverandi lög-
regluþjónn, hefur sankað að sér í
áratugi hurfu nýlega. Hann segir
safninu hafa verið stolið og hann
hefur sínar grunsemdir um hver
gerði það. „Í kassanum eru flestir
seðlar sem prentaðir hafa verið á
Íslandi,“ segir Kristinn sem þótti
mjög vænt um safnið sitt.
Ránið átti sér stað um hábjartan
dag. Þegar það uppgötvaðist til-
kynnti Kristinn það til lögreglu,
enda var hann sjálfur lögreglu-
maður í Reykjavík í fjörutíu ár. Að
sögn lögreglu er málið í rannsókn
en er í biðstöðu vegna þess að
rannsóknarlögreglumaðurinn sem
á að rannsaka málið er í sumar-
leyfi sem stendur.
Hlutir sem voru í kassanum að
sögn Kristins, auk flestra seðla
sem prentaðir hafa verið á Íslandi
frá upphafi, voru nokkrar rúss-
neskar rúblur sem notaðar voru í
tíð Rússakeisara fyrir árið 1917,
auk silfurskjaldar af sjálfum John
F. Kennedy, sem Kristinn hélt
mikið upp á. Nokkrir silfurpening-
ar sem gefnir voru út í tilefni af
kristnitökuafmæli og silfurpen-
ingur í minningu Sigvalda Kalda-
lóns tónskálds voru einnig í kass-
anum.
Að myntum og seðlum frátöldum
var boðskort til Bandaríkjanna sem
Kristinn fékk sent frá Lyndon B.
Johnson, sem þá var varaforseti
Bandaríkjanna og seinna forseti.
„Þegar hann kom til Íslands [sem
hershöfðingi] voru nokkrir lög-
reglumenn fengnir til að vera eins
konar lífverðir hans, þar á meðal ég.
Nokkrum árum síðar sendi hann
okkur síðan boðskort til Bandaríkj-
anna. Enginn af okkur þáði það því
þetta var auðvitað bara sýndar-
mennska hjá honum,“ segir Krist-
inn.
Þau hjónin, Kristinn og Hallfríður
Ásmundsdóttir, segjast vona að
safnið komist til skila, en hafa litla
trú á því.
Anton Holt, formaður Mynt-
safnarafélags Íslands, segir að mikil
verðmæti geti verið í peningaseðl-
um sem prentaðir voru fyrir seinni
heimsstyrjöld. „Þeir peningar geta
verið mikils virði en það fer algjör-
lega eftir ásigkomulagi seðilsins,“
segir Anton. vidirp@frettabladid.is
Verðmætu seðla- og
myntsafni stolið
Verðmætu seðlasafni var stolið af 91 árs gömlum manni. Hann hefur sínar
grunsemdir um hver hafi verið að verki. Í safninu voru meðal annars rúblur frá
því á tíma keisaradæmis Rússlands og boðskort frá Lyndon B. Johnson.
Sigurður, er þetta risavaxið
vandamál?
„Ekki myndi ég nú segja það. Að
minnsta kosti ekki hjá öllum.“
Maður hefur boltað gúmmítyppi á húdd
Toyota 4runner bifreiðar sinnar. Sigurður
Helgason hjá Útvarpi umferðarráðs, einn
helsti sérfræðingur Íslands í umferðar-
málum, segir þetta forkastanlegan
fíflaskap.
Flestir seðlar sem prentaðir hafa verið á Íslandi
Sex 5000 króna seðlar
Rúblur frá því á tíma Rússakeisara
Mikið af 50 króna mynt
Silfurskjöldur með mynd af John F. Kennedy
Boðskort til Bandaríkjanna frá Lyndon B. Johnson
Silfurpeningur til minningar um kristnitökuna
Silfurpeningur til minningar um Sigvalda Kaldalóns
NOKKRIR HLUTIR SEM VORU Í KASSANUM
KRISTINN OG HALLFRÍÐUR Þau hjónin vona að safnið komist til skila en eru ekki
vongóð. Kristinn hafði sankað að sér seðlum í áratugi. FRÉTTABLAÐIÐ/ARNÞÓR
LÖGREGLUMÁL Karlmaður á þrí-
tugsaldri sem búsettur er á sam-
býli á vegum Svæðisskrifstofu
málefna fatlaðra í Reykjavík
(SSR), stakk forstöðumann heimil-
isins þrisvar með hnífi á miðviku-
dag í síðustu viku.
Hróðný Garðarsdóttir, sviðs-
stjóri fullorðinssviðs SSR, segir
málið mjög alvarlegt og viðkvæmt
gagnvart öllum þeim sem það
varðar. Starfsmaðurinn fékk
hnífstungurnar í handlegg og bak.
Hróðný segir starfsmanninn sem
betur fer ekki hafa hlotið alvarleg
meiðsl og jafnvel sé von á honum í
vinnu næsta mánudag. Hann hafi
sjálfur náð að yfirbuga árásar-
manninn áður en lögregla kom á
vettvang.
Árásarmanninn segir hún hafa
verið álitinn krefjandi heimilis-
mann á sambýlinu en hann hafi
ekki verið talinn hættulegur.
Starfsfólk hafi talið sig ráða vel
við aðstæður.
Hróðný segir atburð sem þenn-
an ekki hafa áður komið upp á
sambýli svo hún viti til. Farið
verði yfir starfsreglur og þær
mögulega teknar til endurskoðun-
ar.
Árásarmaðurinn er þroskahaml-
aður en hann er nú vistaður á geð-
deild Landspítalans. „Þar verður
hann þar til sameiginleg ákvörðun
þeirra sem málið snertir fæst um
viðeigandi úrlausn,“ segir hún.
Í kvöldfréttum RÚV var fjallað
um málið og kom þar fram að mað-
urinn hefur verið kærður fyrir til-
raun til manndráps. - kdk
Þroskahamlaður maður á þrítugsaldri kærður fyrir tilraun til manndráps:
Stakk starfsmann sambýlis þrisvar
Á GEÐDEILD LANDSPÍTALANS Árásar-
maðurinn er nú vistaður á geðdeildinni.
SJÁVARÚTVEGUR Vinnslustöðin hóf
nýlega að veiða humar í gildrur en
síðan er hann fluttur út lifandi.
„Ég held að þetta sé í fyrsta sinn
sem þetta er gert með þessum
hætti hér á landi,“ segir Sigurgeir
Brynjar Kristgeirsson, fram-
kvæmdastjóri Vinnslustöðvarinn-
ar.
Settar hafa verið út 200 gildrur
en um næstu helgi verður 500 til
viðbótar slakað út. „Við höfum
ákveðið að byrja bara smátt enda
er best að gera lítil mistök frekar
en stór og það er viðbúið að við
gerum einhverjar skyssur til að
byrja með. Heather Philips, sem
er doktorsnemi í fiskifræðum, er
að vinna að þessu með okkur en
hún er að vinna doktorsverkefni í
tengslum við þetta. Hún kemur
frá Skotlandi þar sem mikil hefð
er fyrir svona veiðum og hún er
fyrsti doktorsneminn sem við
höfum í vinnu,“ segir hann kank-
vís.
Hann segir að fyrsti farmur fari
vonandi til Spánar í þessari viku.
„Þetta er dýr vara og það er mikill
markaður fyrir þetta, en þó er
best að fara hægt í sakirnar svona
til að byrja með.“ - jse
Vinnslustöðin í Vestmannaeyjum vinnur að þróunarverkefni:
Flytja lifandi humar til Spánar
SIGURGEIR BRYNJAR KRISTGEIRSSON Hefðbundinni humarvertíð er nú að ljúka en
þá hugar Vinnslustöðin að nýstárlegri humarveiðum. FRÉTTABLAÐIÐ/HARI
HAMFARIR „Ég fann fyrir ágætum
kipp um hádegisbilið,“ segir
Vilborg Sigurðardóttir, íbúi í
Grímsey. „Annar kom á eftir og
honum fylgdi dálítill hristingur.“
Nokkuð öflug jarðskjálftahrina
hófst skammt austan við Grímsey
um hádegisbil í gær. Stærsti
skjálftinn varð laust eftir
klukkan eitt og mældist 4,3 á
Richter. Skjálftavirkni varð
áfram vart fram eftir degi.
Vilborg lá fyrir þegar skjálft-
arnir urðu og kveðst greinilega
hafa fundið fyrir þeim. „Ég var
að lesa með allt hljótt í kringum
mig,“ segir Vilborg og bætir við
að langt sé síðan hún varð síðast
jarðskjálfta vör. - ht
Jarðskjálftahrina í Grímsey:
Fann tvo kippi
ásamt hristingi
BRETLAND, AP John Darwin, 57 ára
Englendingur sem hvarf fyrir sex
árum, var í gær dæmdur í sex ára
og þriggja mánaða fangelsi fyrir
að þykjast dauður til að svíkja út
tryggingafé.
Eiginkona hans, Anne Darwin,
hlaut sex og hálfs árs fangelsi
fyrir svik og peningaþvætti. Hún
fékk greidd 250 þúsund pund frá
tryggingafélagi vegna láts
eiginmannsins. Talið var að hann
hefði drukknað árið 2002, en í
desember síðastliðnum gekk hann
inn á lögreglustöð í London og
þóttist vera minnislaus. - gb
Týndi Englendingurinn:
Svikahjónin fá
sex ára fangelsi
JOHN OG ANNE DARWIN Settu á svið lát
eiginmannsins. NORDICPHOTOS/AFP
ÍSRAEL, AP Barack Obama,
forsetaframbjóðandi Demókrata-
flokksins, heimsótti í gær Ísrael
og Palestínu. Hét hann stuðningi
sínum við öryggi Ísraels og
stofnun sjálfstæðs Palestínuríkis.
Hann tók undir ótta ráðamanna
í Ísrael við kjarnorkuáætlun
Írana. „Íran með kjarnorku væri
alvarleg ógn og heimurinn verður
að koma í veg fyrir að Íranar afli
sér kjarnorkuvopna,“ sagði hann.
Íranar segja kjarnorkuáætlun
sína friðsamlega. Obama heldur í
dag til Berlínar í ferð sinni um
Mið-Austurlönd og Evrópu. - gh
Barack Obama:
Íranar fái ekki
kjarnorkuvopn
BARACK OBAMA Heimsótti ísraelsku
borgina Sederot sem oft hefur orðið
fyrir eldflaugum palestínskra vígamanna.
FRÉTTABLAÐIÐ/AP
UMFERÐARMÁL Rúmlega þrjátíu
prósent ökumanna óku of hratt
um svæði sem lögregla hraða-
mældi frá því í mars og fram í
júlí. Lögreglan á höfuðborgar-
svæðinu lagði áherslu á að
hraðamæla götur í íbúðahverfum
þar sem hraðakstur hefur verið
mikill eða slys algeng.
Alls voru 74 vegarkaflar
vaktaðir í átakinu, og um þá
keyrðu 8.205 ökutæki. 2.513
ökumenn keyrðu of hratt og voru
kærðir, eða 31 prósent. Flestir
keyrðu of hratt í Laugardal og
Háaleiti, eða 42 prósent. Fæstir
keyrðu hins vegar of hratt í
Mosfellsbæ, eða 9 prósent. - þeb
Hraðamælingar lögreglu:
Þriðjungur
keyrði of hratt
BÚLGARÍA, AP Framkvæmdastjórn
Evrópusambandsins (ESB)
tilkynnti í gær að rúmlega sextíu
milljarða króna þróunaraðstoð til
Búlgaríu yrði fryst sökum
spillingar.
Búlgaría gekk í ESB á síðasta
ári. Styrkirnir eru ætlaðir til
uppbyggingar á innviðum fátæka
Austur-Evrópuríkisins. Fram-
kvæmdastjórnin segir að Búlgaría
hafi ekki staðið nægilega við
loforð um að ráðast gegn spillingu
og skipulagðri glæpastarfsemi og
að bæta fjármálastjórnun.
Styrkirnir verða frystir þar til
bætt verður úr málunum. - gh
ESB frystir Búlgaríuaðstoð:
Aðstoð fryst
vegna spillingar
SPURNING DAGSINS