Fréttablaðið - 24.07.2008, Side 66

46 24. júlí 2008 FIMMTUDAGUR
GOLF Atvinnukylfingurinn Birgir
Leifur Hafþórsson getur ekki
tekið þátt í Íslandsmótinu í högg-
leik vegna meiðsla. Sigurganga
Birgis Leifs í Herjólfsdal mun því
enda um helgina en hann hefur
orðið Íslandsmeistari í tvö síðustu
skiptin sem Íslandsmótið hefur
farið fram í Eyjum, 1996 og 2003.
Fréttablaðið heyrði í Birgi Leifi
sem gæti kannski tekið upp viður-
nefnið sérfræðingurinn í Herj-
ólfsdal en Íslandsmótið í höggleik
hófst í Eyjum í morgun.
Sérstakt andrúmsloft
„Þetta er mjög sérstakt svæði með
sérstakt andrúmsloft. Mér finnst
rosalega gaman að koma til Eyja,
ég næ alltaf upp góðri stemningu
þar og hef alltaf spilað vel í
Eyjum.
Þetta er svolítið spes völlur.
Hann er inni í dal og það getur
verið vindasamt og misvinda og
það getur allt gerst þarna líka,“
segir Birgir Leifur.
„Það má segja að völlurinn sé
veðrið. Ef það er gott veður þá er
gott skor en það getur verið and-
styggilegt veður þarna. Hlutirnir
geta breyst mikið á nokkrum
holum. Það er því mjög mikilvægt
á þessum velli að vera með réttar
kylfur og vera á réttum stöðum
sérstaklega þegar vont veður er
til þess að forðast óþarfa vesen.
Veðurspáin er nokkuð slæm fyrir
helgina og morgundaginn [í dag]
og það verður því fróðlegt að
fylgjast með,“ segir Birgir Leifur
sem lék á fjórum höggum undir
pari þegar hann varð Íslands-
meistari 2003.
Sjö árum áður lék hann á þrem-
ur höggum yfir parinu, var þá sjö
höggum undir pari eftir tvo fyrstu
dagana en lék lokadaginn á sjö
höggum yfir pari eftir að hafa
verið kominn með 11 högga
forskot eftir þriðja daginn.
Tækifæri úti um allan völl
Birgir Leifur segir
möguleikana meiri á
fyrri níu holunum. „Völl-
urinn er stuttur,
það eru því tæki-
færi út um allan
völl en hann fyr-
irgefur meira á
fyrri níu. Þú getur þá
leyft þér að taka
„dræverinn“
oftar og sækja
meira inn á flat-
irnar. Á seinni níu
þarftu bæði að vera
skynsamur en taka einnig færin
þegar þau gefast. Völlurinn getur
refsað miklu fyrr á seinni níu
holunum,“ segir Birgir Leifur.
„Þú þarft mikla heppni ef það er
vont veður og þú þarft að vera
ákveðinn í þínu vali og það er
mjög mikilvægt að slá ákveðið í
boltann þegar þú ert búinn að taka
ákvörðun.“
Leiknar eru 72 holur á fjórum
dögum en eftir 36 holu leik er leik-
mönnum fækkað í karlaflokki
þannig að þeir sem hafa 72 lægstu
skorin halda áfram keppni.
Mikil spenna á mótinu
Birgir Leifur spáir spennandi
keppni í ár. „Það eru miklu fleiri
farnir að stunda þetta af alvöru og
það eru miklu fleiri farnir að
blanda sér í baráttuna eins og sést
á Kaupþingsmótaröðinni. Það geta
fleiri unnið og það verður án efa
mikil spenna á mótinu,“ segir
Birgir Leifur sem mun eins og
áður segir ekki keppa á mótinu í
ár en hann mun lýsa keppninni í
sjónvarpsútsendingu Stöð2 Sport
bæði á laugardag og sunnudag.
Vildi helst vera að spila
„Maður verður að fá að vera
aðeins viðloðinn þetta því það er
ekki hægt að sleppa því að fara
til Eyja á þessum tíma þó svo að
ég vildi helst vilja vera að spila
sjálfur. Ég verð bara að taka
þetta næst. Staðan er á réttu róli
og það er allt í góðum farvegi.
Við erum mjög bjartsýnir á fram-
haldið og ætlum bara að keyra
þetta af stað fyrir næsta ár og
reyna að vera komnir í hundrað
prósent stand þá,“ segir Birgir
Leifur.
Hann býst ekkert sérstaklega
við því að vera spurður ráða um
helgina. „Ég held að menn séu
komnir á þann stall að þeir eru
farnir að þekkja sinn leik vel og
setja upp sitt leikskipulag. Ég
reikna ekki með því að menn leiti
ráða hjá mér en maður er samt
allur af vilja gerður til að hjálpa
til og það væri ekki vandamál að
gefa ráð,“ segir Birgir Leifur.
ooj@frettabladid.is
Það má segja að völlurinn sé veðrið
Birgir Leifur Hafþórsson hefur orðið Íslandsmeistari í tvö síðustu skipti sem Íslandsmótið hefur farið fram
í Eyjum. Íslandsmótið í höggleik hófst í morgun en Birgir Leifur verður ekki meðal keppenda í ár.
SÉRSTAKUR VÖLLUR Golfvöllurinn í Vestmannaeyjum á sér fáa líka.
Alla daga
frá10 til 22
800
5555
Meirihluti þjálfara í 2. deild segir dómgæslu í deildinni vera ásættanlega:
Jónas vildi fá lengra bann fyrir frá KSÍ
BIRGIR LEIFUR HAFÞÓRS-
SON Íslandsmeistari 1996
og 2003. NORDICPHOTOS/GETTY
FÓTBOLTI Jónas Hallgrímsson, fyrrverandi
þjálfari Völsungs, var í gær úrskurðaður í
eins leiks bann fyrir ummæli sem hann lét
falla í fjölmiðlum þann 8. júlí síðastliðinn.
Jónas gagnrýndi þar harðlega dómgæslu í
garð síns liðs í 2. deildinni og sagði af sér
vegna þess.
KSÍ sá ástæðu til að senda frá sér yfirlýs-
ingu vegna málsins þar sem það harmaði
ummælin og vísaði þeim á bug. „Mjög
alvarlegar ásakanir koma fram í ummælum
Jónasar og alveg ljóst að undir þeim verður
ekki setið án viðbragða,“ sagði meðal annars í
yfirlýsingunni. Viðbrögðin voru eins leiks
bann.
„Þeir eru bara hlæjandi og eyðileggja
leikinn og eru bara stoltir af því,“ sagði Jónas
meðal annars um dómara í 2. deild í viðtali á
Fótbolti.net. Dómgæslan í leikjum Völsungs
var honum ekki að skapi.
„Ég get ekki tekið þátt í svona vitleysu,
þetta er orðið rotið og dómararnir hafa
algjörlega stjórn á því hvernig leikirnir fara
[...] Þessir menn fá borgað fyrir þetta, þeir
hafa ekkert leyfi til að koma brosandi út af
eftir að hafa hegðað sér eins og fífl,“ var
meðal annars haft eftir Jónasi.
Dómurinn yfir Jónasi féll í gær sem hann
óskaði að hefði verið stærri. „Þetta var ekki
beisið,“ sagði Jónas um dóminn. „Ég bjóst við
miklu lengra banni, og var reyndar að vonast
til þess. Einhverju sem myndi halda þessu
málefni vakandi,“ sagði Jónas sem er augljós-
lega annt um að koma skoðunum sínum á
framfæri.
„Ég hélt að KSÍ ætlaði að reyna að vera
harðara þegar svona hörð ummæli koma en
það virðist ekki vera. Það er búið að senda
kvartanir í tíu ár og það þýðir ekkert. Ég
ákvað því að gera þetta af alvöru og ég held að
það hafi kveikt í umræðunni,“ sagði Jónas.
„Auðvitað áttu þeir ekki að gera neitt, það á
ekki að dæma menn fyrir að segja satt og rétt
frá heldur þá sem standa sig ekki í stykkinu,“
sagði Jónas. Fleiri bjuggust við mun lengra
banni en hann sjálfur.
Einn þeirra var Róbert Haraldsson, þjálfari
Tindastóls, sem var einnig dæmdur í eins
leiks bann í gær. Hann sagði við Fréttablaðið í
gær að hann hefði fengið það fyrir að labba
inn á völlinn í leyfisleysi en hann tók út bann í
viðkomandi leik. Einnig lét hann nokkur vel
valin orð falla um dómarana.
Fréttablaðið hafði samband við alla þjálfara
félaganna tólf í 2. deild og spurði: „Finnst þér
dómgæsla í 2. deild vera ásættanleg? Meiri-
hluta þeirra fannst hún vera það, alls 66%.
Könnunin var nafnlaus. Tólf umferðum er
lokið í deildinni.
Þjálfararnir voru margir hverjir ánægðir
með umræðuna. Flestir þeir sem sögðu
dómgæsluna vera ásættanlega tóku þó fram
að vissulega væru þeir ekki alltaf sáttir með
dómgæslu í sínum leikjum, ekki frekar en
aðrir þjálfarar á Íslandi.
Einn þjálfaranna tók undir margt sem Jónas
hafði að segja um dómgæsluna. „Hún er mjög
slök í svona 80% tilvika,“ sagði hann. „Það er
ekki nógu mikið lagt upp úr þessu. Það er
ótrúlegt hvað sumir dómarar eru að gera,“
sagði einn þjálfaranna.
Annar þjálfarinn bætti við: „Það er svo sem
ekkert nýtt að dómgæsla í 2. deild sé slök, en
mér finnst þetta hafa farið talsvert versnandi
síðustu ár og það er mikið áhyggjuefni. Það er
eins og KSÍ og dómarastéttin valdi ekki
þessarri fjölgun leikja í efstu deildum og fyrir
vikið eru allt of slakir dómarar að dæma í
neðri deildunum,“ sagði þjálfarinn. - hþh / óþ
JÓNAS Fékk aðeins eins leiks bann fyrir hörð
ummæli sín. FRÉTTABLAÐIÐ/SKARPURX
FR
ÉT
TA
B
LA
Ð
IÐ
/E
LS
A