Fréttablaðið - 24.07.2008, Blaðsíða 22

22 24. júlí 2008 FIMMTUDAGUR
Umsjón: nánar á visir.is
KAUPHÖLL ÍSLANDS [Hlutabréf]
OMX ÍSLAND 15 Fjöldi viðskipta: 260
4.159 +1,09% Velta: 1.811 milljónir
HLUTABRÉF Í ÚRVALSVÍSITÖLU: Alfesca 6,92 +0,29 ... Atorka 5,54
-0,72% ... Bakkavör 25,15 +0,00% ... Eimskipafélagið 14,25 +0,00%
... Exista 6,31 +1,28% ... Glitnir 14,99 +0,88% ... Icelandair Group
17,05 +1,49% ... Kaupþing 725,00 +1,54% ... Landsbankinn 23,00
+1,10% ... Marel 85,60 +0,47% ... SPRON 3,00 +0,00% ... Straumur-
Burðarás 9,26 +0,11% ... Teymi 1,60 +5,96% ... Össur 85,50 +0,00%
MESTA HÆKKUN
TEYMI +5,96%
EIK BANKI +3,90%
KAUPÞING +1,54%
MESTA LÆKKUN
ATORKA -0,72%
FØROYA BANKI -0,35%
Síðastliðna tólf mánuði hefur
launavísitalan hækkað um 8,5
prósent. Launavísitala í júní var
346,2 stig og hækkaði um 1,2
prósent frá fyrri mánuði. Kaup-
máttur launa hefur dregist saman
um 3,73 prósent á tólf mánuðum.
Í tilkynningu frá Hagstofunni
kemur fram að í hækkun launavísi-
tölunnar gætir áhrifa samkomu-
lags aðildarfélaga Bandalags
starfsmanna ríkis og bæja (BSRB).
Greining Landsbankans bendir á
að greina má minnkandi eftirspurn
í hagkerfinu vegna kaupmáttar-
skerðingarinnar í fækkun í
nýskráningum bíla og minni
greiðslukortaveltu. - bþa
Kaupmáttur
launa skerðist
„Í tilefni frétta í Markaðinum um
það að umsjá eignarhaldsfélaga á
vegum Hannesar Smárasonar séu í
annarra höndum er rétt að taka það
fram að þær fréttir eru alrangar,“
segir Gunnar Sturluson, lögmaður
og stjórnarmaður EO eignarhalds-
félags (sem áður hét Oddaflug), og
kveðst furða sig á að sögusagnir
sem slíkar rati í fréttir.
Jafnframt segir Gunnar rangar
frásagnir í fréttinni af yfirtöku til-
greindra eigna. „Fjárfestingarfé-
lagið Primus ehf. (nú FI fjárfesting-
ar) hefur eins og önnur félög keypt
og selt eignir, tekið lán og greitt upp
skuldir, allt eftir aðstæðum hverju
sinni, en hefur ekki þolað neina yfir-
töku eigna eins og haldið var fram í
Markaðnum,“ segir hann. - óká
Engar eignir teknar yfir
Allar nánari upplýsingar um tryggingar og aðrar reglur um lánveitingar úr þessum lánaflokki er að finna á heimasíðu
sjóðsins, www.ils.is og hjá Ívari Ragnarssyni, ivar@ils.is og Ástu Bragadóttur, astab@ils.is í síma 569 6900.
Umsóknarfrestur er til og með 6. ágúst 2008. Íbúðalánasjóður áskilur sér 7 daga til að
svara umsóknum.
Tilgangur Íbúðalánasjóðs er að stuðla að því með
lánveitingum og skipulagi húsnæðismála að landsmenn
geti búið við öryggi og jafnrétti í húsnæðismálum og
að fjármunum verði sérstaklega varið til þess að auka
möguleika fólks á að eignast og leigja húsnæði á
viðráðanlegum kjörum.
Feitar konur missa vinnuna
Meðan of feitir karlmenn eru engu líklegri til
að verða reknir en grennri starfsbræður þeirra
tvöfaldar offita líkurnar á að konur séu reknar.
Þetta kemur fram í rannsókn Juho Härkönen
við Yale-háskóla og Pekka Räsänen við Turku-
háskóla í Finnlandi.
Offita hefur sömuleiðis mun minni áhrif á
laun karla en kvenna. Of feitar konur eru að
meðaltali með 25.000 krónum lægri laun á
mánuði en konur sem eru í kjörþyngd. Karl-
menn sem eru yfir kjörþyngd
geta hins vegar reiknað
með að fá 6.000 lægri
laun. Þessar niðurstöður
koma fram þótt öðrum
breytum, svo sem
starfsgrein, menntun
eða aldri sé haldið stöð-
ugum.
Fordómar
gegn feitum
Räsänen og Härkönen
segja fordóma gegn
of feitu fólki mjög
útbreidda. Yfirmenn telji
að feitir starfsmenn séu
latari en grannir starfsmenn.
Þá hafi offita mjög slæm
áhrif á sjálfsmat fólks og
geri að verkum að
feitt fólk
sé ekki
eins lík-
legt til að
fara fram
á launa- og
stöðuhækkanir.
Peningaskápurinn ...
„Helsta ástæða þess að við erum
að taka vélarnar í notkun nú er
bágt efnahagsástand í heiminum,“
segir Matthías Imsland, forstjóri
Iceland Express.
Iceland Express mun taka tvær
Boeing 737-700-vélar í notkun um
miðjan september. Matthías Ims-
land, Mark Norris, sölustjóri Boe-
ing, og Shaun Monnery, fram-
kvæmdastjóri Astreus Airlines,
undirrituðu samning þess efnis í
gær.
Í tilkynningu frá félaginu segir
að vélarnar séu allt að 40 prósent-
um sparneytnari á hvern flugtíma
en þær vélar sem hafa verið í
notkun. Vélarnar koma í stað MD
90-véla sem félagið notaði áður.
Matthías segir að með þessu
muni félagið spara hundruð millj-
óna. „Eldsneytiskostnaður bara
fyrir júnímánuð í ár er meira en
helmingi meiri en allt árið 2003,“
segir Matthías. Hann bætir við að
það sé hreinn ágóði því búið sé að
draga frá þann kostnað sem hlýst
af því að skipta um vélar. - bþa
Spara með nýjum vélum
UNDIRRITUN SAMNINGS Mark Norris, sölu-
stjóri Boeing í Evrópu, Matthías Imsland,
forstjóri Iceland Express, og Shaun Monn-
ery, framkvæmdastjóri Astreus Airlines.
FRÉTTABLAÐIÐ/GVA
„Líklegt er að áhrifin af gjalddaga
krónubréfa verði að einhverju
leyti jákvæð þar sem líklegt er að
aðgengi almennings og fyrirtækja
að fjármögnun í erlendri mynt
batni í kjölfarið,“ segir Lúðvík
Elíasson, hagfræðingur hjá grein-
ingu Landsbankans.
Í viðtali við Bjarna Benedikts-
son og Illuga Gunnarsson í Mark-
aðnum í gær settu þeir fram
ákveðna gagnrýni á Seðlabanka
Íslands um vítahring krónubréfa-
útgáfu. Þar sagði að nauðsynlegt
væri að fá langtímafjárfesta í stað
skammtíma spákaupmanna til að
draga úr sveiflum. Lúðvík segir
það óljóst.
Hann segir að stór gjalddagi
krónubréfa í haust muni losa um
erlendan gjaldeyri og hugsanlega
liðka fyrir á gjaldeyrismarkaði.
Lúðvík telur að veiking krónunnar
sé komin fram og hún muni ekki
veikjast frekar þrátt fyrir gjald-
dagann.
„Ég tel ekki forsendur fyrir
frekari gengisveikingu krónunnar
og að hún sé að mestu komin
fram,“ segir Lúðvík. Hann bætir
við að stór gjalddagi krónubréfa í
haust muni losa um erlendan
gjaldeyri og liðka fyrir á gjaldeyr-
ismarkaði.
Vaxtalækkunarferli Seðlabanka
Íslands mun hefjast í nóvember
samkvæmt nýrri stýrivaxtaspá
greiningar Landsbankans. Grein-
ing gerir ráð fyrir því að vextir
lækki í 15 prósent í árslok.
Í spánni er gert ráð fyrir að
atvinnulausum muni fjölga um
2.000 það sem eftir lifir árs. Auk
þess segir að raunstýrivextir hafi
verið neikvæðir undanfarna mán-
uði. Vegna ört lækkandi verðbólgu
í lok árs telur greining að raun-
stýrivextir hækki til muna sem
geri Seðlabankanum kleift að
lækka stýrivexti.
„Meginmunurinn á okkar spá og
spá Seðlabankans er að við gerum
ráð fyrir að það dragi hraðar úr
verðbólgu og verðbólguvænting-
um en gerir í spá Seðlabankans,“
segir Lúðvík. Hann bætir við að
greining geri ekki ráð fyrir að það
komi til víxlverkunar launa og
verðbólgu sem hjálpi bankanum
að lækka vexti fyrr en áður var
talið. bjornthor@markadurinn.is
Ástæðulaust að
óttast krónubréf
Hratt dregur úr verðbólgu. Stýrivextir lækka í nóv-
ember samkvæmt stýrivaxtaspá Landsbankans.
VAXTALÆKKUN Í NÓVEMBER Lúðvík
Elíasson, hagfræðingur hjá Landsbank-
anum, segir gjalddaga krónubréfa kunna
að hafa jákvæð áhrif á gjaldeyrismarkað.
FRÉTTABLAÐIÐ/GVA
Hagnaður Nordea á öðrum ársfjórð-
ungi var 110 milljarðar, (883 millj-
ónir evra) örlítið lægri en spáð hafði
verið. Greiningardeildir höfðu gert
ráð fyrir 111 milljörðum. Í kjölfar
fréttanna lækkuðu bréf Nordea um
3,8 prósent í kauphöllinni í Stokk-
hólmi. Sérfræðingar spá kólnun á
sænskum bankamarkaði.
Útlánatap hefur aukist nokkuð-
hjá Noreda, mest í Eystrasaltsríkj-
unum. Christian Clausen, banka-
stjóri Nordea segir að minni
hagvöxtur í Eystrasaltsríkjunum sé
farinn að segja til sín, en staða bank-
ans sé þó enn mjög sterk.
Orðrómur hefur verið um mögu-
legan samruna Nordea og Swed-
bank. Dagens Industry hefur eftir
greiningardeild verðbréfafyrirtæk-
isins Cheuvreux að samruni við
Swedbank myndi styrkja stöðu
Nordea í Eystrasaltsríkjunu, Rúss-
landi og Úkraínu, og gera hann ráð-
andi á norrænum bankamarkaði.
Í viðtali við fréttastofuna Direkt
vildi Clausen ekkert tjá sig um
þennan orðróm: „Ég hef áður sagt
að við erum tilbúnir til að ræða
samruna við aðra banka, og höfum
lengi verið.“
Þá greinir Bloomberg frá því að
Nordea kunni að kaupa á Roskilde
Bank, en Nordea hefur hug á að
stækka útibúanet sitt í Danmörku.
Mikið hefur verið rætt um banka-
samruna á Norðurlöndunum undan-
farið. Þannig greindi Dagens
Industry frá því í júní að viðræður
hefðu átt sér stað milli Nordea og
Handelsbanken. - msh
Hagnaður milljarði undir spám
CHRISTIAN CLAUSEN, BANKASTJÓRI NORDEA Undanfarið hafa stjórnendur Nordea
talað um nauðsyn „norræns stórbanka“. MARKAÐURINN/NORDEA