Fréttablaðið - 24.07.2008, Blaðsíða 52

32 24. júlí 2008 FIMMTUDAGUR
menning@frettabladid.is
Hrafnhildur Inga Sigurðardóttir
opnar málverkasýninguna Lands-
mót í Gallerí Ormi í Sögusetrinu á
Hvolsvelli á laugardag. Á sýning-
unni má sjá 24 olíumyndir af lands-
lagi þar sem gjarnan mætast him-
inn, haf og land. Myndirnar eru
margar málaðar með náttúruna í
Fljótshlíðinni og nágrenni í huga
þótt þær séu yfirleitt ekki af vand-
lega tilgreindum stöðum.
Fljótshlíðin hefur löngum verið
íslenskum myndlistarmönnum hug-
leikin. Fljótshlíðingurinn Nína
Sæmundsson jók hróður Íslands
víða um lönd. Ólafur Túbals í Múla-
koti var kunnur listmálari og í Múla-
koti dvöldu bæði Ásgrímur Jónsson
og Gunnlaugur Scheving við list-
sköpun. Jóhannes Kjarval lagði
einnig oft leið sína í Fljótshlíðina.
Þá hefur Jón Kristinsson, Jóndi í
Lambey, lengi haldið uppi merki
sveitarinnar og rekið þar gallerí og
frá Kirkjulæk í Fljótshlíð er lista-
konan María Jónsdóttir.
Sýningin Landsmót er níunda
einkasýning Hrafnhildar Ingu en
hún hefur tekið þátt í mörgum sam-
sýningum hér heima og erlendis
undanfarin ár. Um þessar mundir
stendur einnig yfir sýning á verk-
um hennar í Gallery More North í
New York.
Hrafnhildur Inga er fædd og upp-
alin á Vestur-Sámsstöðum í Fljóts-
hlíð.
Hún stundaði myndlistarnám við
Myndlistarskóla Reykjavíkur og
við Myndlista- og handíðaskóla
Íslands og lauk þaðan prófi í graf-
ískri hönnun. Þá hefur hún stundað
nám við Myndlistarskóla Kópavogs
og dvalið að Skriðuklaustri og í Róm
við nám og listsköpun. Sýningin
Landsmót stendur til 24. ágúst.
Himinn, haf og land
FLJÓTSHLÍÐIN Eitt af verkum Hrafnhildar Ingu Sigurðardóttur.
Kl. 21.30
Tríó Snorra S. heiðrar djasstónlistar-
manninn Chet Baker, sem lést fyrir
sléttum tuttugu árum, á tónleikum í
Deiglunni á Akureyri í kvöld kl.
21.30. Tríóið skipa Snorri Sigurðar-
son trompetleikari, Gunnar Hrafns-
son bassaleikari og Ásgeir Ásgeirs-
son gítarleikari. Miðaverð á
tónleikana er 1.500 kr. og hefst
miðasala í Deiglunni í kvöld kl.
20.30.
Sigurlaug Ragnarsdóttir listfræð-
ingur annast leiðsögn um útilista-
verk í miðbænum í kvöld kl. 20 þegar
lagt verður upp í áttundu kvöld-
göngu Kvosarinnar sem menningar-
stofnanir Reykjavíkurborgar standa
fyrir. Gangan tekur um klukkustund
en í henni mun Sigurlaug kynna ólík-
ar aðferðir við miðlun útilistaverka,
gildi miðlunar og upplifun einstakl-
ings á henni. Í göngunni verður lögð
áhersla á að skoða útilistaverk á hug-
myndafræðilegum grundvelli og
draga þannig fram nýjar áherslur og
nýja sýn auk þess að vekja upp
spurningar um mikilvægi verkanna.
Gangan hefst við Hafnarhúsið en
boðið verður upp á stutt spjall í
lokin.
Sigurlaug er listfræðingur og
menningarmiðlari. Hún hefur rann-
sakað og safnað saman upplýsingum
um útilistaverk í eigu og umsjón
Reykjavíkurborgar með miðlun í
huga.
Sýningarsalir og kaffitería Hafn-
arhússins er opin til kl. 22 öll fimmtu-
dagskvöld en þar stendur nú yfir
sýningin Tilraunamaraþon. Aðgang-
ur að safninu er ókeypis. - vþ
Menningu miðlað
í miðbænum
MIÐBÆRINN Miðlar menningu, en tökum við eftir því?
Ferðaleikhúsið er elsta
sjálfstæða fyrirtækið sem
starfar hér á landi. Kristín
G. Magnús stofnaði ásamt
eiginmanni sínum, Hall-
dóri Snorrasyni, sem nú er
fallinn frá, Ferðaleikhúsið
árið 1965 og hafði þá um
nokkurra ára skeið haft
stopult starf í Þjóðleikhús-
inu. Hefur Ferðaleikhúsið
síðan starfað samfleytt í 43
ár og að jafnaði staðið fyrir
sýningarhaldi hér á landi
auk þess sem Kristín hefur
unnið að sviðsetningum
erlendis.
Kunnastar eru sýningar hennar
fyrir ferðamenn, Light Nights,
sem byrjuðu 1970. Í kvöld frum-
sýnir Ferðaleikhúsið nýtt verk
eftir Kristínu, Visions from the
past, í Iðnó.
Kristín byggir nýja verkið á
raunverulegum atburðum frá
árunum 1936-1956, þegar höfund-
ur var að alast upp sem barn og
unglingur í Reykjavík. Atriðin
eru ýmist leikin atriði eða sýnd
með myndum og filmum sem ekki
hafa sést hér áður. Höfundur fór í
vor til Imperial War Museum í
London og hafði þar uppi á göml-
um myndum sem Bretar höfðu
tekið hér á landi á ofangreindu
tímabili. Ljósmyndir frá Ljós-
myndasafni Reykjavíkur og fleiri
aðilum eru einnig sýndar á milli
leikatriða. Leikatriðin eru endur-
minningar, bæði gleði og sorgar-
stundir, sem höfundur upplifði.
Þjóðtrúin/þjóðsögur blandast
við tvö leikatriði. Leikendur eru
þrír: Ólafur Þór Jóhannsson,
Sandra Þórðardóttir og Kristín G.
Magnús.
Kristín leiddist út í leiklist eins
og margar stöllur hennar, Brynja
Benediktsdóttir, Þórhildur Þor-
leifsdóttir og Bryndís Schram,
eftir nám í Listdansskóla Þjóð-
leikhússins undir stjórn Eric Bid-
sted. Hún stundaði framhalds-
nám við Ballet Rambert og síðan
leiknám við RADA. Hún starfaði
um tíma í Englandi eftir nám og
vann meðal annars í leiksmiðju
Charles Morowitz. Heim komin
starfaði hún með Grímu og lék í
útvarpi og sjónvarpi, kenndi um
skeið við leiklistarskóla Þjóðleik-
hússins og leikstýrði hér og í
Bretlandi, meðal annars í Traver-
see-leikhúsinu í Edinborg og
Unicorn-barnaleikhúsinu fræga í
London.
Sýningar á Visions from the
past verða á sviði Iðnó næstu vik-
urnar. pbb@frettabladid.is
Minningar frá fyrri tíð
LEIKLIST Kristín G. Magnús í hinu nýja verki sem frumsýnt er í kvöld í Iðnó.
Nítjánda Jazzhátíð Reykjavíkur verður haldin í
borginni dagana 26.-30. ágúst. Að þessu sinni verða á
þriðja tug tónleika á þeim fimm dögum sem djassinn
dunar í borginni og koma nálægt eitt hundrað
listamenn að hátíðinni að þessu sinni. Tónleikastaðirn-
ir verða nokkrir: þrír tónleikar hátíðarinnar fara fram
í Háskólabíói. Auk þess verða tónleikar í Iðnó (bæði
uppi og niðri), Fríkirkjunni, Organ, Nasa, Rúbín,
Norræna húsinu og í tónleikasal SÁÁ við Efstaleiti, en
sá glæsti Vonarsalur skartar einum magnaðasta flygli
landsins, Bösendorfer af bestu gerð. Auk þessa verður
boðið upp á ókeypis tónleika í miðborginni í hádeginu
frá miðvikudegi til föstudags.
Jazzhátíð Reykjavíkur hefur undanfarið unnið að
framtíðaráætlun, nokkurs konar aðalskipulagi, sem
gilda á til 2011. Í þeirri vinnu er tekið tillit til mikil-
vægis þess að hátíðin sé sýnileg allt árið og standi
fyrir atburðum sem tefli fram listamönnum sem hér
starfa á djasssviðinu og stuðli auk þess að hingaðkomu
listamanna og áheyrenda sem auðga megi djasslífið í
borginni.
Jazzhátíðin nýtur þess að hafa undanfarin ár verið
með samstarfssamning við menningar- og ferðamála-
svið Reykjavíkurborgar og freistar þess nú að koma á
þríhliða samningi við menntamálaráðuneytið auk
borgarinnar, til að ná fram þeim markmiðum sem
unnið er að.
Úr einkageiranum nýtur Jazzhátíð fulltingis
Bókaverslunar Eymundsson, Ölgerðar Egils Skalla-
grímssonar, Extón hljóðs og þessa dagana er verið að
leggja drög að samstarfssamningi við Iceland
Express. Ekki má gleyma því að Menningarsjóður FÍH
hefur ætíð stutt við bakið á hátíðinni. Síðast en ekki
síst er mikilvægt samstarf við Ríkisútvarpið sem ætíð
útvarpar nokkrum tónleikum hátíðarinnar.
Jazzdagurinn 2008 verður lokadagur Jazzhátíðar
Reykjavíkur, en þá verður boðið upp á margslungna
dagskrá allan daginn. Stórsveit Reykjavíkur ríður á
vaðið með tónlist Bjarkar Guðmundsdóttur í útsetn-
ingum – og undir stjórn Travis Sullivan, sem rekur
sína eigin Bjorkestra í New York. Söngkonurnar
Sigríður Thorlacius, María Magnúsdóttir og Dísa sjá
um sönginn. Thórshavnar Stórband frá Færeyjum
leikur síðan dagskrá byggða á færeyskri tónlist í
Norræna húsinu kl. 19 og þar verður Haukur Gröndal
sérstakur gestaleikari, en hljómsveitin er á leið til
Grænlands í tónleikaferð. Stórtónleikar Jazzdagsins
verða í Háskólabíói kl. 21 þegar meistaratrommarinn
Ed Thigpen leikur ásamt Scantet sínum. Thigpen er
þekktastur fyrir að vera meðlimur tríós Oscars
Peterson, en þeir tveir ásamt bassaleikaranum Ray
Brown eru tvímælalaust áhrifamestu djassleikarar
sögunnar. Jazzdeginum lýkur svo á Nasa með útgáfu-
tónleikum Kristjönu Stefánsdóttur söngkonu sem
gefur út nýja blússkotna svíngplötu í aðdraganda
hátíðarinnar. Auk Kristjönu mun bandoneonleikarinn
Olivier Manoury koma fram ásamt kvartett sínum
sem skipaður er nokkrum athyglisverðustu tólistar-
mönnunum á frönsku djasssenunni þessa dagana.
Nánari upplýsingar um dagskrá er að finna á
vefsíðum hátíðarinnar: http://www.myspace.com/
reykjavikjazzfestival
http://www.jazz.is/festival/.
pbb@frettabladid.is
Djasshátíð haldin í ágúst
TÓNLIST Stórhljómsveit Reykjavíkur flytur tónlist eftir Björk
Guðmundsdóttur á Jazzhátíðinni í ágústlok.