Fréttablaðið - 25.07.2008, Qupperneq 4

4 25. júlí 2008 FÖSTUDAGUR
VIRKJANIR Óskar Bergsson, borgarfulltrúi
Framsóknarflokksins, segir augljóst að það sé
klofningur í meirihlutanum vegna Bitruvirkj-
unar. Borgarfulltrúar Vinstri grænna og
Samfylkingarinnar gagnrýna meirihlutann.
Óskar vísar til ummæla Kjartans Magnús-
sonar, stjórnarformanns Orkuveitu Reykjavík-
ur, í Fréttablaðinu í gær þar sem hann sagði að
ekki hefði verið hætt við Bitruvirkjun þó að
stjórnin hefði ákveðið fyrir tveimur mánuðum
að hætta undirbúningi og fresta frekari
framkvæmdum á svæðinu. Eftir þessi ummæli
Kjartans steig Ólafur F. Magnússon borgar-
stjóri fram og sagði alveg ljóst að Bitruvirkjun
hefði verið slegin af.
„Það er sjálfsögð og eðlileg krafa að
borgarbúar og almenningur í landinu viti hvað
meirihlutinn ætlar sér með málefni Orkuveit-
unnar,“ segir Óskar. „Ég lýsti strax yfir
efasemdum og áhyggjum af skyndiákvörðun
um að hætta við framkvæmdir við Bitru.“
Óskar lagði til á fundi borgarráðs þann 30.
maí að tilmælum um að endurskoða ákvörðun-
ina um að hætta undirbúningi og fresta
framkvæmdum við Bitru yrði beint til stjórnar
Orkuveitunnar. Tillagan var felld.
„Ég met það svo að stjórnarformaður Orku-
veitunnar sé í raun að viðurkenna mistök sín
frá því í júní,“ segir Óskar.
„Eina ferðina enn sjáum við togstreitu og
átök innan meirihlutans í borginni,“ segir
Svandís Svavarsdóttir, fulltrúi Vinstri grænna í
stjórn Orkuveitunnar. „Sjálfstæðismenn vita
ekki í hvorn fótinn þeir eiga að stíga í þessu
samstarfi.“
Svandís segir óþolandi fyrir stærsta fyrir-
tæki borgarinnar að búa við svo óstöðuga
stýringu. „Að sagt sé eitt í dag og annað á morg-
un hefur áhrif á allt það starfsfólk sem vinnur
við kjarnaþjónustu í Orkuveitunni, um sex
hundruð talsins.“
Sigrún Elsa Smáradóttir, fulltrúi Samfylking-
ar í stjórn Orkuveitunnar, telur ljóst að ekki
verði unnið frekar að undirbúningi Bitruvirkjun-
ar á þessu kjörtímabili.
„Þegar er unnið að miklum framkvæmdum á
Hellisheiði og í Hverahlíð. Við þurfum fyrst að
sjá hvaða áhrif þær hafa á jarðvarmakerfið á
Hengilssvæðinu,“ segir Sigrún Elsa. „Álit
Skipulagsstofnunar gegn virkjuninni var alveg
skýrt og samrýmist ekki umhverfisstefnu
Orkuveitunnar að fara gegn því.“ helgat@frettabladid.is
Telur meirihlutann í borg-
inni klofinn vegna Bitru
Borgarfulltrúi Framsóknar segir meirihlutann í Reykjavík augljóslega klofinn vegna átaka um Bitru-
virkjun. Fulltrúi Vinstri grænna í stjórn segir málið endurspegla togstreitu og átök innan meirihlutans.
UMHVERFI BITRU Horft frá Ölkelduhálsi í átt að svæðinu þar sem Bitruvirkjun myndi rísa en þar má sjá reykjarstróka liðast til himins. Borgarstjóri og stjórnarformaður Orku-
veitu Reykjavíkur eru ekki sammála um hvort hætt hafi verið við virkjunina.
VIRKJANIR „Í mínum huga er alveg
ljóst að Bitruvirkjun hefur ekki
verið slegin út af borðinu,“ segir
Hjörleifur B.
Kvaran,
forstjóri
Orkuveitunnar.
„Fram-
kvæmdir eru
aftur á móti í
biðstöðu og
ekkert verður
aðhafst þar til
eigendur
Orkuveitunnar
hafa skoðað málið.“
Kjartan Magnússon segir í
Fréttablaðinu í gær að ekki hafi
verið hætt við framkvæmdir við
Bitru sem slegnar höfðu verið af
fyrir tveimur mánuðum. - ht
Forstjóri Orkuveitunnar:
Bitra í biðstöðu
HJÖRLEIFUR
KVARAN
VIRKJANIR „Ég er ekki hissa á að
menn vilji skoða þennan virkjun-
arkost betur,“ segir Ólafur Áki
Ragnarsson, sveitarstjóri í Ölfusi,
um Bitruvirkjun. „Virkjunin var
hönnuð til að hafa sem minnst
skaðleg áhrif á umhverfið og er
því spennandi valkostur.“
Úrvinnslu um þúsund athuga-
semda sem bárust sveitarfélaginu
vegna Bitruvirkjunar er ekki
lokið en vonast ætti að klárast í
haust. Kostnaður sveitarfélagsins
við undirbúning virkjunarinnar
hleypur á milljónum.
„Við bindum miklar vonir við
að orka frá virkjuninni gæti nýst
til atvinnuuppbyggingar hér.“ - ht
Sveitarstjóri í Ölfusi um Bitru:
Vonir bundnar
við virkjunina
KJARTAN
MAGNÚSSON
ÓSKAR BERGSSON SIGRÚN ELSA
SMÁRADÓTTIR
SVANDÍS
SVAVARSDÓTTIR
ÓLAFUR F.
MAGNÚSSON
JARÐSKJÁLFTI Nokkurra jarð-
skjálfta varð vart í gær um 14 til
16 kílómetra austan við Grímsey.
Teljast þeir til eftirskjálfta
nokkuð stórrar jarðskjálftahrinu
sem hófst um hádegi á miðviku-
dag þar sem stærstu skjálftarnir
mældust 4,7 og 4,8 á Richter.
Fundust skjálftarnir í gær ekki í
Grímsey, ólíkt skjálftunum á
miðvikudaginn sem vel varð vart
í eynni.
Samkvæmt upplýsingum frá
Veðurstofu Íslands dregur
nokkuð úr virkni á svæðinu en
laust fyrir hádegi í gær höfðu
yfir 900 skjálftar verið staðsettir
sjálfvirkt á svæðinu. - ovd
Yfir 900 jarðskjálftar skráðir:
Jörð skelfur enn
við Grímsey
Í fréttaskýringu um bráðnun jökla
í Fréttablaðinu í gær misritaðist að
renna undir jökli við Jökulsárlón næði
þrjú hundruð kílómetra undir sjávar-
mál. Hið rétta er að rennan nær þrjú
hundruð metra niður.
LEIÐRÉTTING
®
VEÐURSPÁ
Kaupmannahöfn
Billund
Ósló
Stokkhólmur
Gautaborg
Helsinki
Eindhoven
Amsterdam
London
Berlín
Frankfurt
Friedrichshafen
París
Basel
Barcelona
Alicante
Algarve
Tenerife
HEIMURINN
Vindhraði er í m/s.
Hitastig eru í °C.
Gildistími korta er um hádegi.
15
20
20
15
20
15
16
14
18
18
17
22
20
6
5
6
6
5
8
8
15
6
6
6
24°
26°
30°
25°
27°
27°
29°
26°
25°
29°
32°
29°
29°
28°
29°
32°
27°
22°
20
Á MORGUN
3-8 m/s
SUNNUDAGUR
3-8 m/s en 8-13
sunnan til
15
19
14
16
FÍNUSTU
ÚTILEGUHORFUR
Þá er helgin að
renna upp og
væntanlega margir
að tygja sig í útilegu.
Fínasta veðri er spáð
um allt land og
mega Norðlendingar
una sérstaklega vel
við sitt. Í dag verður
einhver væta sunn-
an til en um helgina
er helst að sjá að
dropi á suðaust-
an- og austanverðu
landinu.
15 20
22
1616
Sigurður Þ.
Ragnarsson
veður-
fræðingur
DÓMSMÁL Karlmaður var dæmdur
í átta mánaða fangelsi í Héraðs-
dómi Reykjaness á miðvikudag
fyrir fjórar líkamsárásir á sam-
býliskonu sína og tvö börn henn-
ar.
Í febrúar árið 2007 réðst maður-
inn á son þáverandi sambýliskonu
sinnar á heimili þeirra og sneri
upp á fingur hans með þeim afleið-
ingum að hann brotnaði. Í apríl
sama ár réðst hann á sambýliskon-
una og sneri upp á hönd hennar
svo hún fingurbrotnaði. Tveimur
mánuðum síðar réðst maðurinn á
konuna í bifreið hennar, tók hana
hálstaki, herti að og hristi höfuð
hennar til. Þá var sambandi þeirra
lokið. Í lok júlí árið 2007 réðst
hann aftur á konuna, reif í hár
hennar, sló hana hnefahöggi í and-
lit og sneri hana niður í jörðina.
Hann sneri svo dóttur konunnar
niður þegar hún reyndi að koma
móður sinni til hjálpar.
Í dómi kemur fram að konan
segi manninn hafa beitt sig og
börnin andlegu og líkamlegu
ofbeldi á þriggja ára sambúðar-
tíma þeirra.
Maðurinn var dæmdur í átta
mánaða fangelsi, þar af eru sex
mánuðir skilorðsbundnir. Þá er
honum gert að greiða konunni 300
þúsund krónur í skaðabætur, syni
hennar 120 þúsund krónur og dótt-
ur hennar 75 þúsund krónur. Þá
var hann dæmdur til að greiða
allan sakarkostnað málsins, rúm-
lega 900 þúsund krónur. - þeb
Maður dæmdur í átta mánaða fangelsi fyrir fjórar líkamsárásir:
Réðst á sambýliskonu og börn
HÉRAÐSDÓMUR REYKJANESS Mað-
urinn var dæmdur fyrir líkamsárásir á
fyrrverandi sambýliskonu sinni og börn
hennar.
GENGIÐ 24.07.2008
GJALDMIÐLAR KAUP SALA
HEIMILD: Seðlabanki Íslands
161,5202
GENGISVÍSITALA KRÓNUNNAR
80,19 80,57
159,28 160,06
125,69 126,39
16,842 16,940
15,530 15,622
13,271 13,349
0,7439 0,7483
130,23 131,01
Bandaríkjadalur
Sterlingspund
Evra
Dönsk króna
Norsk króna
Sænsk króna
Japanskt jen
SDR