Fréttablaðið - 27.07.2008, Qupperneq 12

12 27. júlí 2008 SUNNUDAGUR
Forseti Íslands, herra Ólafur Ragnar Grímsson verður settur inn í
embættið að nýju þann 1. ágúst næstkomandi en þá hefur hann setið
í þrjú kjörtímabil. Fréttablaðið rifjar upp síðustu fjögur ár forsetans í
embætti í gegnum linsur ljósmyndara blaðsins.
Fjórða kjör-
tímabil forseta
að hefjast
GEORGE BUSH ELDRI MEÐ FORSETAHJÓNUNUM Fyrrum
Bandaríkjaforsetinn George Bush eldri kom hingað til lands
í boði forseta Íslands í júlí fyrir tveimur árum. Hann fékk þá
tækifæri til að reyna sig við veiðistöngina á Bessastöðum.
FRÉTTABLAÐIÐ/STEFÁN
BEÐIST LAUSNAR Geir H. Haarde biðst lausnar fyrir sig og ráðu-
neyti sitt á Bessastöðum 18. maí á síðasta ári. Ólafur Ragnar
Grímsson fól Geir að mynda nýja ríkisstjórn. Ólafur Ragnar sat
þá í þriðja sinn á Bessastöðum þegar gengið var til Alþingis-
kosninga en hafði ekki veitt umboð til stjórnarmyndunar áður.
FRÉTTABLAÐIÐ/PJETUR
FJÖLMIÐLAFRUMVARPINU HAFNAÐ Mikil eftirvænting ríkti þegar Ólafur Ragnar Grímsson boðaði til blaðamannafundar þann 2.
júní 2004 vegna fjölmiðlafrumvarps ríkisstjórnarflokkanna. Á fundinum tilkynnti Ólafur Ragnar að hann hefði ákveðið að skrifa
ekki undir fjölmiðlafrumvarpið og var það í fyrsta skipti sem forseti Íslands neitaði að staðfesta lög. FRÉTTABLAÐIÐ/GVA
AL GORE HEILSAÐ MEÐ VIRKTUM Nóbelsverðlaunahafinn Al Gore heimsótti Ísland
í apríl og snæddi kvöldverð á Bessastöðum ásamt fulltrúum úr íslensku fræða- og
vísindasamfélagi. Al Gore lét þau orð falla að Ísland og Ólafur Ragnar Grímsson hafi
mikilvægu forystuhlutverki að gegna í loftslagsmálum á heimsvísu. FRÉTTABLAÐIÐ/ANTON
SETTUR Í EMBÆTTI Ólafur Ragnar Grímsson og eiginkona hans, Dorrit Moussaieff, veifa til viðstaddra af svölum Alþingishússins
við þriðju embættisveitingu forsetans í ágúst árið 2004. FRÉTTABLAÐIÐ/PJETUR
SMAKKAÐ Á AFMÆLISKÖKUNNI Ólafur Ragnar Grímsson og Dorrit Moussaieff glöddust með Hafnfirðingum á hundrað ára
afmæli kaupstaðarins þann 1. júní. Forsetahjónin þáðu bita af hundrað metra langri afmælisköku í Strandgötu. FRÉTTABLAÐIÐ/ANTON
ODDAFLUG FORSETAHJÓNANNA Flogið var með fríðu föruneyti norður til Akureyrar
og austur til Egilsstaða að njóta myndlistar í tengslum við Listahátíð í Reykjavík í maí.
Sólin náði að brjótast fram þrátt fyrir að vorið væri enn ókomið nyrðra og eystra.
FRÉTTABLAÐIÐ/STEFÁN