Fréttablaðið - 16.08.2008, Síða 58

38 16. ágúst 2008 LAUGARDAGUR
HELGARKROSSGÁTAN
Lausn krossgátunnar, ásamt eldri gátum og lausnum, er birt á vefnum, www.this.is/krossgatur
99
kr
.s
m
si
ð
99
k
r.
sm
si
ð
Dæmi hvernig SMS gæti litið út ef svarið er Jón: i i i li i i :
Þá sendir þú SMS-ið: JA LAUSN JON i i :
Þú gætir unnið
Meet The
Spartans
á DVD!

Þú sendir SMS skeytið
JA LAUSN LAUSNARORÐ
á númerið 1900!
Leystu
krossgát
una!
Fáar sjónvarpsþjóðir standa Bretum framar þegar kemur að því að
færa sögu sína í sjónvarpsbúning. Ekki aðeins eru Bretar bandóðir í að
búa til vandaðar heimildaþáttaraðir um sögu sinnar þjóðar og annarra;
þeir eru einnig gjarnir á að færa söguna í leikinn búning og auka þannig
talsvert á skemmtanagildi hennar. Tvær leiknar sagnfræðilegar
þáttaraðir láta nokkuð á sér bera í
sjónvarpsdagskrám Breta um þessar
mundir: annars vegar þáttaröð sem
byggir á ævi Saddams Hussein og
hefur verið líkt við blöndu af Dynasty
og The Sopranos og hins vegar
nýjasta þáttaröðin um Hinrik áttunda,
en við Íslendingar fáum reyndar að
njóta hennar líka um þessar mundir,
þökk sé framapoti Anitu Briem.
Þessar þáttaraðir hafa þó báðar,
Túdor-þættirnir reyndar í talsvert
meiri mæli en Saddam-þættirnir,
fengið á sig nokkra gagnrýni fyrir
ónákvæma meðferð á sögulegum
staðreyndum. Á móti má spyrja:
hvernig dettur fólki í hug að gagn-
rýna leikna þáttaröð fyrir óná-
kvæmni? Hér er um að ræða leikið
sjónvarpsefni; eðli málsins sam-
kvæmt getur það ekki verið raunsætt,
slíkar eru kröfur skemmtanaiðnaðar-
ins. Áhorfendum er hollast að slaka bara á og njóta sjónarspilsins.
Sögulegar heimildaþáttaraðir þurfa sjaldnar að glíma við ásakanir
um ónákvæmni; aftur á móti liggja þær oft undir ámæli fyrir að skorta
skemmtanagildi. Guðleysinginn Richard Dawkins sprangar um þessar
mundir um sjónvarpsskjái bresku þjóðarinnar og rekur ævi og störf
snillingsins Charles Darwin. Dawkins er mikið niðri fyrir, enda er
kenning Darwins um náttúruval eitt af hans helstu vopnum í baráttunni
við ofsatrúarfólk hvarvetna í heiminum. Þættirnir hafa almennt hlotið
nokkuð góða dóma breskra sjónvarpsrýna, en hafa þó legið undir ámæli
fyrir þann pólitíska tón sem Dawkins viðhefur í frásögn sinni. Tónninn
þykir óviðeigandi þegar mið er tekið af því að Darwin var sjálfur
hógvær og friðsamur maður sem gerði sér fullvel grein fyrir hve
eldfimar hugmyndir hans um þróun lífs á jörðinni voru. Til marks um
varfærni hans má nefna að honum tókst að vera giftur strangtrúaðri
konu í fjöldamörg ár án þess að kæmi til árekstra þeirra í millum vegna
sköpunarsögunnar. Það má því setja spurningarmerki við túlkun
ofsafengins trúleysingja á ævi Darwins.
Hussein, Darwin og Hinrik
áttundi heima í stofu
HORFT ÚT Í HEIM
Vigdís Þormóðsdóttir
HLJÓMSVEITIN ESJA Hljómsveitin hefur gefið út sína fyrstu plötu. FRÉTTABLAÐIÐ/VILHELM
Hljómsveitin Esja gaf út sína
fyrstu plötu nú á dögunum.
Hljómsveitin hefur verið starf-
rækt í um tvö ár og varð til sem
samstarf tónlistarmannanna og
vinanna Daníels Ágústs og
Krumma, en er nú fimm manna
hljómsveit. Hljómsveitin hyggst
fylgja nýrri plötu eftir með tón-
leikahaldi og verða útgáfutón-
leikar á Nasa hinn 21. ágúst næst-
komandi. „Við Daníel byrjuðum
að fikta og semja saman fyrir
tveimur árum. Við fengum svo
til liðs við okkur nokkra góða
vini til þess að aðstoða okkur við
spilamennskuna og úr varð
hljómsveitin Esja,“ segir
Krummi um tilurð hljómsveitar-
innar. Tónlistinni lýsir Krummi
sem rokki af gamla skólanum og
er hún ólík þeirri tónlist sem
hann og Daníel hafa verið að
gera áður. „Þetta er blanda af
klassísku gítarrokki, blús og
fenjatónlist og við sækjum
mikinn innblástur í rokktónlist
sjöunda og áttunda áratugarins.
Bjarni úr Mínus spilar með okkur
á svokallaðan „slidegítar“ og við
erum ekki með bassaleikara í
hljómsveitinni.“ En hvað tekur
við nú þegar fyrsta platan hefur
litið dagsins ljós? „Fyrst og
fremst mikið tónleikahald til
þess að kynna plötuna og svo
þurfum við bara að setjast niður
og semja efni fyrir næstu plötu.“
- sm
Fenjatónlist í bland við blús