Fréttablaðið - 04.09.2008, Blaðsíða 12

12 4. september 2008 FIMMTUDAGUR
REYKJAVÍK Tillögu Ólafs F.
Magnússonar borgarfulltrúa um
að gera grein fyrir heildarlauna-
greiðslum, ferða- og dagpeninga-
kostnaði, risnu- og veislukostnaði,
símgreiðslum og öðrum kostnaði
borgarinnar vegna embættis-
manna og borgarfulltrúa árin
2005-2008 hefur verið vísað til
borgarráðs að tillögu Hönnu
Birnu Kristjánsdóttur borgar-
stjóra.
Hanna Birna sagði á borgar-
stjórnarfundi í fyrradag að
efnislega sama tillaga lægi fyrir
borgarráði og lagði því til að
henni yrði vísað þangað.
- ghs
Borgarstjórn:
Tillaga Ólafs F.
til borgarráðs
GEORGÍA, AP Evrópuþingið hvatti í
gær Rússa eindregið til að kalla
allt herlið sitt frá Georgíu, og gagn-
rýndi jafnframt harðlega notkun á
klasasprengjum, sem bæði Rússar
og Georgíumenn virðast hafa beitt
í stríðinu sem braust út í síðasta
mánuði.
Stjórnmálasambandi milli
Georgíu og Rússlands hefur nú
alfarið verið slitið, en það bitnar
helst á Georgíumönnum sem eiga
ættingja í Rússlandi og fá nú ekki
vegabréfsáritun þangað.
Bandaríkjamenn sendu í gær
þriðja herskip sitt inn á Svartahaf
áleiðis til Georgíu að flytja þangað
hjálpargögn, við litla hrifningu
rússneskra stjórnvalda.
Ríkisstjórn Bandaríkjanna hefur
ákveðið að veita milljarð dala til
aðstoðar Georgíu, en til Suður-Oss-
etíu streyma hins vegar rússneskir
byggingaverkamenn hundruðum
saman til að byggja upp Tskhin-
vali, höfuðborg héraðsins sem
fyrst Georgíumenn og síðar Rúss-
ar eyðilögðu að stórum hluta með
sprengjuregni í síðasta mánuði.
„Hún verður fegurri en nokkru
sinni,“ segir einn verkamannanna,
Igor Semjonov, sem er stoltur af að
taka þátt í uppbyggingunni.
Rússar hafa árum saman dælt fé
í bæði Suður-Ossetíu og Abkasíu,
héruðin tvö sem vilja segja skilið
við Georgíu þótt ekkert annað ríki
en Rússland hafi viðurkennt það.
Margir búast við að á næstu árum
muni Rússar innlima annað þeirra
eða bæði. - gb
Bæði Rússar og Georgíumenn beittu klasasprengjum í stríðinu stutta:
Uppbyggingarstarf að hefjast
EYÐILEGGINGIN ER MIKIL Þessi kona í
Tskhinvali á mikið verk fyrir höndum að
koma heimili sínu í samt lag á ný.
FRÉTTABLAÐIÐ/AP
HANGIR Í HÁKARLAÖNGLUM Alice
Newstead heitir hún, þessi gjörninga-
listakona, sem hangir í hákarlaönglum
í glugga sápuverslunar í London til
þess að mótmæla hákarlaveiðum.
NORDICPHOTOS/AFP
DÓMSMÁL Embætti ríkissaksókn-
ara hefur gefið út ákæru á
lögreglumann sem tók unglingspilt
kverkataki í 10-11 verslun í
Grímsbæ í lok maí. Lögreglumað-
urinn er sakaður um líkamsárás
og brot í opinberu starfi, sam-
kvæmt upplýsingum Fréttablaðs-
ins.
Myndband af atvikinu var birt á
vefnum YouTube. Þar sást
lögreglumaðurinn ráðast á piltinn
eftir að hafa beðið hann um að
tæma vasa sína.
Lögreglumaðurinn var enn við
störf í gær, að sögn Friðriks Smára
Björgvinssonar yfirlögregluþjóns
hjá lögreglunni á höfuðborgar-
svæðinu. - jss
Embætti ríkissaksóknara:
10-11 lögreglu-
maður ákærður
MYNDBANDIÐ Á myndbandinu sást
lögreglumaðurinn taka unglinginn
kverkataki.
SAMFÉLAGSMÁL Bætur til manna
sem vistaðir voru á Breiðavíkur-
heimilinu verða á bilinu 375 þús-
und til rúmra tveggja milljóna
samkvæmt lagafrumvarpi forsæt-
isráðherra sem lagt verður fyrir
Alþingi á næstunni.
Samkvæmt heimildum Frétta-
blaðsins eru bæturnar miðaðar
við dóma á Íslandi þar sem bætur
hafa verið dæmdar til þolenda
langvarandi og alvarlegra kyn-
ferðisbrota.
Breiðavíkursamtökin eru ósátt
við aðferðafræðina sem notuð er
við útreikninga bótanna og vilja
að bæturnar séu hátt í tífalt hærri.
Samtökin vilja að fyrrverandi
vistmenn fái greitt fyrir þær
vinnustundir sem þeir unnu á
Breiðavíkurheimilinu.
„Mér finnst þetta ekki stjórn-
völdum sæmandi,“ segir Bárður
R. Jónsson, formaður Breiðavík-
ursamtakanna.
Hann segir samtökin hafa fund-
að með lögfræðingum forsætis-
ráðuneytisins þar sem þeim var
kynnt frumvarpið. Lögmaður
þeirra hafi svo verið boðaður á
fund þar sem kom fram að tillögur
Breiðavíkur-
samtakanna
hafi ekki verið
teknar til efnis-
legrar meðferð-
ar. „Á þessum
fundi mátti auð-
veldlega draga
þá ályktun að
þeir myndu
halda áfram í
sama farvegi,“
segir Bárður
Hann minnist
þess að Geir H. Haarde, forsætis-
ráðherra hafi nefnt það að fara
sömu leið og farin hefur verið í
Noregi. Þar sé löng hefð fyrir því
að þingið ákveði bætur til handa
þeim sem telji þjóðfélagið hafa
brotið á sér með einhverjum hætti.
Í sambærilegum málum í Noregi
séu bætur hinsvegar nálægt 15
milljónum íslenskra króna.
Bárði finnst réttlætanlegt að
bótaupphæð sé um 15 milljónir.
„Það er upphæð sem skiptir máli
en það er alltaf snúið að greiða
bætur,“ segir Bárður.
Breiðavíkursamtökin funduðu
í gær og segir Bárður fundar-
menn hafa verið reiða og slegna.
Þeir vonist þó til frekari umræðu
í þjóðfélaginu, að hún verði opin
og almenn en ekki í bakherbergj-
um. „Málið er viðameira en svo
að við náum utan um það. Þetta
er dökkur blettur í sögu þjóðar-
innar og umræðan er þjóðfélags-
ins.“
olav@frettabladid.is
Breiðavíkursamtökin vilja
allt að tífalt hærri bætur
Breiðavíkursamtökin eru ósammála aðferðarfræði sem beitt er til útreikninga á bótum til fyrrum vist-
manna á Breiðavík. Samkvæmt heimildum Fréttablaðsins tekur upphæð bóta mið af dómum Hæstaréttar
Íslands þar sem bætur eru dæmdar til handa þolendum langvarandi og alvarlegs kynferðislegs ofbeldis.
BREIÐAVÍK Á Breiðavíkurheimilinu voru drengir á aldrinum sjö til sextán ára vistaðir á
árunum 1953 til 1979 en síðustu sex árin voru stúlkur einnig vistaðar þar.
BÁRÐUR RAGNAR
JÓNSSON