Fréttablaðið - 04.09.2008, Blaðsíða 2

2 4. september 2008 FIMMTUDAGUR
HEILBRIGÐISMÁL „Það sér ekki fyrir
endann á mínum veikindum,“ segir
Ingibjörg Vala Sigurðardóttir sem
dvaldi á hótelinu Forum Beach á
Rhodos mörgum vikum áður en
hópur Íslendinga sýktist þar í
ágúst.
Að sögn Ingibjargar var hún með
sambýlismanni sínum og hluta fjöl-
skyldunnar á Forum Beach frá 21.
júní til 5. júlí. Allt fæði og drykkir
voru innifaldir. Þegar dró nær
lokum dvalarinnar dró til tíðinda.
„Á þriðja síðasta degi veiktust
ég og sambýlismaður minn. Hann
náði sér eftir tvo daga en veikindin
héldu áfram hjá mér. Þannig að
eftir að ég var komin heim þá leit-
aði ég mér læknisaðstoðar. Þá kom
í ljós að þetta var salmonellusýk-
ing,“ segir Ingibjörg sem kveðst í
kjölfarið hafa fengið svokallaða
Reiters-útgáfu af salmonellu:
„Það þýðir sjálfsofnæmi. Liðir
bólgnuðu upp hjá mér og ég þurfti
að leggjast inn á spítala í fimm
daga og núna í dag, tveimur mán-
uðum seinna, halda læknar að enn
séu nokkrir mánuðir í að ég jafni
mig,“ útskýrir Ingibjörg.
Ingibjörg telur að lyfjakostnað-
ur vegna veikindanna nemi hátt í
30 þúsund krónum. Hún er komin
með afsláttarkort frá Trygginga-
stofnun og verður á lyfjum næstu
fjóra mánuðina til þess að vinna
gegn sjálfsofnæminu.
Í samtali sem blaðamaður Frétta-
blaðsins átti við Tómas Gestsson,
forstjóra Heimsferða, í fyrradag
fullyrti Tómas að þau tvö ár sem
ferðaskrifstofan hefði sent far-
þega á Forum Beach hefðu engar
kvartanir borist undan hótelinu
fyrr en nú að margir Íslendingar
veiktust þar um miðjan ágúst. Ingi-
björg segist hins vegar einmitt
hafa sett sig í samband við Heims-
ferðir vegna sinna veikinda.
„Þeir sögðu mér að það hefði
ekki komið upp önnur sýking á
þessum tíma sem ég var þarna og
því gætu þeir ekkert gert en mér
væri frjálst að leggja inn kvörtun
engu að síður,“ segir Ingibjörg sem
einnig ræddi málin við starfsfólk
sjúkrahússins sem hún lá á hér
heima. „Mér var sagt að það væri
rosalega erfitt að sanna þetta –
nema ég hefði matinn vakúm-pakk-
aðan með mér til greiningar.“
Tómas segir að eftir að málið í
ágúst hafi komið upp hafi sýni
verið tekin á hótelinu. Þar hafi ekki
fundist salmonellusýking. Þrátt
fyrir það var hótelið sótthreinsað
og matvælum hent.
Þess má geta að sóttvarnalæknir
óskar eftir því að þeir sem urðu
magaveikir í Rhodos í ágúst hafi
samband við lækni. Þótt flestir
jafni sig án aðstoðar geti sýkingin
orsakað vökvatap og borist í blóð-
rásina og orðið alvarleg.
gar@frettabladid.is
Fékk salmonellu á
hóteli á Rhodos í júlí
Íslenskt par sem gisti á hótelinu Forum Beach á Rhodos í júlí sýktist af salmon-
ellu meðan á dvölinni stóð. Konan fékk sjálfsofnæmi og þurfti að leggjast inn á
spítala. Íslendingarnir sem fengu matareitrunina í ágúst voru á sama hóteli.
DÓMSMÁL Tæplega þrítugur
karlmaður hefur verið ákærður
fyrir að hafa í sinni vörslu
umtalsvert magn af fíkniefnum
sem hann ætlaði að selja. Jafn-
framt var hann ákærður fyrir
vopnalagabrot.
Maðurinn var tekinn í verslun á
Akureyri með rúmlega fjórtán
grömm af hassi. Sama dag tók
lögregla hann á gistiheimili í
bænum. Þá var hann með tæplega
193 grömm af hassi. Í þriðja sinnið
var maðurinn tekinn á hótelher-
bergi í Reykjavík. Þá var hann
með þrjár e-töflur og slatta af
hassi. Hann var einnig ákærður
fyrir að bera fjaðrahíf. - jss
Braut fíkniefna- og vopnalög:
Fíkniefnasali
með fjaðrahníf
LÖGREGLUMÁL Bráðabirgðaniður-
stöður réttarkrufningar mannsins
sem fannst látinn á heimili sínu
við Skúlagötu leiddu í ljós í gær,
að áverki á enni hans hafi líklega
átt þátt í dauða hans.
Þegar lögregla kom að mannin-
um var hann látinn. Hann reyndist
hafa misst mikið blóð áður en
hann lést.
Tveir karlmenn sitja í gæslu-
varðhaldi fram á mánudag vegna
rannsóknar málsins. Þeir hafa
báðir stöðu grunaðs manns.
Annar þeirra er sá hinn sami og
lét lögreglu vita að eitthvað grun-
samlegt gæti verið á seyði á
heimili hins látna. Hann hafði
ætlað að heimsækja manninn á
Skúlagötunni en enginn komið til
dyra þegar hann hringdi dyra-
bjöllunni ítrekað. Lögregla fór
þegar á staðinn. Þegar þangað
var komið reyndist húsráðandi
vera látinn. Er talið að hann hafi
látist nokkrum klukkustundum
áður en lögregla kom á vettvang.
Maðurinn sem hringdi í lög-
regluna var úrskurðaður í gæslu-
varðhald, svo og annar maður
sem var handtekinn skömmu
síðar. Annar maðurinn er nær
sextugu en hinn 45 ára.
Rannsókn lögreglu beinist
meðal annars að því hvernig hinn
látni fékk áverkann á höfuðið. - jss
Bráðabirgðaniðurstöður réttarkrufningar liggja fyrir:
Áverki á enni talinn eiga þátt í
andláti mannsins á Skúlagötu
SKÚLAGATA 68
Maðurinn fannst látinn á
heimili sínu við Skúlagötu.
Magnús, finnst þér allt í lagi
að selja litla drengi?
„Það er í lagi ef það er ekki með
Vilhjálmi og ekki með textanum.“
Magnús Kjartansson seldi leikna útgáfu
af laginu Lítill drengur, sem Vilhjálmur
Vilhjálmsson flutti, í sjónvarpsauglýsingu.
að eigin vali
erikur3
Skútuvogur - Grafarholt - Akureyri - Egilsstaðir
Selfoss - Reykjanesbær - Kringlan - Smáralind
999kr
Dr. Sigurbjörn Einarsson,
fyrrverandi biskup yfir
Íslandi, verður jarðsunginn frá
Hallgrímskirkju laugardaginn
6. september
klukkan 14.
Sjónvarpað
og útvarpað
verður frá
athöfninni.
Í tilkynn-
ingu frá
Biskupsstofu
segir að
minningar-
bók um dr.
Sigurbjörn liggi frammi á
Biskupsstofu, Kirkjuhúsinu
við Laugaveg 31, fram á
föstudag. Bókin liggur frammi
milli klukkan 9 og 18.
Dr. Sigurbjörn andaðist 28.
ágúst síðastliðinn, 97 ára að
aldri. Hann var biskup frá
árinu 1959 til ársins 1981.
Jarðsunginn á
laugardaginn
DR. SIGURBJÖRN
EINARSSON
Þau sögðu mér að það
væri rosalega erfitt að
sanna þetta – nema ég hefði mat-
inn vakúm-pakkaðan með mér til
greiningar.
INGIBJÖRG VALA SIGURÐARDÓTTIR
FERÐALANGUR OG NEMI
BANDARÍKIN, AP Barack Obama er
kominn með töluvert forskot á John
McCain, samkvæmt skoðanakönn-
un sem birt var í gær. Repúblikanar
kenna neikvæðri athygli fjölmiðla
um.
Óþægilegar uppljóstranir um
bakgrunn og fortíð Söruh Palin
virðast þó ekki hafa minnkað trú
McCains né landsfundarfulltrúa
flokksins á henni.
Hins vegar mátti merkja reiðitón
í talsmönnum kosningabaráttu
McCains í gær, þegar þeir hvöttu
fólk til að hætta að spyrja óþægi-
legra spurninga um fortíð Palins.
„Þessi vitleysa er búin,“ sagði
Steve Schmidt, ráðgjafi McCains.
Hann sagði „fjölmiðlafárið hannað
til þess að eyðileggja fyrsta kven-
frambjóðanda Repúblikanaflokks-
ins“.
Obama mældist með 50 prósenta
fylgi en McCain með 42 prósent.
Fyrir landsþing flokkanna voru þeir
orðnir nánast jafnir í fylgi.
Landsþing demókrata í síðustu
viku vakti mikla athygli, en þótt val
McCains á varaforsetaefni hafi ekki
síður vakið athygli fjölmiðla þá
hefur hún verið mun neikvæðari.
Í gærkvöld rauf svo Palin þögn-
ina með ræðu sinni á landsþingi
repúblikana, en í dag lýkur lands-
þinginu með því að McCain tekur
formlega við útnefningu sinni. - gb
Obama kominn með forskot á McCain á ný:
Repúblikanar biðjast griða
HRISTI UPP Í KOSNINGABARÁTTUNNI
Sarah Palin hefur hrist upp í kosninga-
baráttunni. FRÉTTABLAÐIÐ/AP
ÞEGIÐU NÚ, GUÐNI! Steingrími J. Sigfús-
syni var heitt í hamsi á Alþingi í gær.
FRÉTTABLAÐIÐ/STEFÁN
Forsetakosningar
2008
GRÍÐARLEGUR LYFJAKOSTNAÐUR Ingibjörg Vala hefur þurft að greiða hátt í þrjátíu
þúsund í lyfjakostnað eftir að hún sýktist af salmonellu. FRÉTTABLAÐIÐ/VILHELM
ALÞINGI „Þegiðu nú, Guðni,“ sagði
Steingrímur J. Sigfússon, formað-
ur Vinstri grænna, þegar Guðni
Ágústsson, formaður Framsóknar-
flokksins, kallaði fram í framsögu-
ræðu hans um virkjunar- og
stóriðjumál á Alþingi í gær. „Það er
allt í lagi að vera með frammíköll
ef það er eitthvað vit í því sem er
sagt.“
Þessi viðbrögð Steingríms eru til
vitnis um hversu hvassar umræð-
urnar voru á þinginu í gær. Þar
fóru fremstir í flokki Steingrímur
og Össur Skarphéðinsson iðnaðar-
ráðherra.
Eftir ræðu Steingríms bað Sturla
Böðvarsson, forseti Alþingis,
þingmenn að gæta að orðavali sínu
þótt hiti færðist í leikinn. - shá
Átök á Alþingi:
Steingrímur bað
Guðna að þegja
DÓMSMÁL Rúmlega fimmtugur
karlmaður í Reykjavík var í gær
dæmdur til að greiða hundrað
þúsund krónur í sekt fyrir að
gabba lögreglu.
Hann hringdi í 112 frá heimili
sínu. Hann sagðist vera með hníf
og ætlaði að myrða sambýliskonu
sína. Það varð til þess að lög-
reglumenn voru sendir að heimili
mannsins. Málið var þingfest í
gær. Maðurinn játaði sök. - jss
Rúmlega fimmtugur maður:
Sekt fyrir gabb
á Neyðarlínu
Missti meðvitund
Maður á litlum báti var hætt kominn
í sjónum nálægt Geldinganesi um
áttaleytið í gærkvöldi. Talið er að
maðurinn hafi misst meðvitund og
báturinn siglt í strand. Lögregla og
sjúkralið var kvatt á staðinn og hófu
endurlífgun um leið og þau komust
að manninum.
LÖGREGLURFRÉTTIR
Tveir menn hafa verið ákærðir fyrir
að brjótast inn í húsnæði í Karfavogi
í Reykjavík og stela þaðan tveimur
tölvum að verðmæti 285 þúsund.
DÓMSTÓLAR
Brutust inn og stálu tölvum
SPURNING DAGSINS