Fréttablaðið - 04.09.2008, Blaðsíða 16

16 4. september 2008 FIMMTUDAGUR
nær og fjær
„ORÐRÉTT“
To be grateful
„Ég fagna því að til séu
fyrirtæki á Íslandi sem enn
sjá sóma sinn í því að nota
íslenska tónlist í íslenskar
auglýsingar. Og þegar þær
eru sungnar að það sé gert á
íslensku.“
LAGIÐ LÍTILL DRENGUR EFTIR
MAGNÚS KJARTANSSON HLJÓMAR Í
AUGLÝSINGU SPRON - Í ÓSUNGINNI
ÚTGÁFU.
Fréttablaðið 3. september.
Gljáður svínahnakki
„Við sáum ekki betur en svín-
ið væri með rakaðan pung
eins og Gillzenegger.“
BRAGI VALDIMAR SKÚLASON
SEGIR MARGT HAFA MINNT Á
ÍSLAND Í NORÐUR-AMERÍKUFERÐ
BAGGALÚTS.
Fréttablaðið 3. september
Flugdrekinn stóri neðst
á Arnarhóli hefur vakið
athygli gesta og gangandi
að undanförnu. Fréttablaðið
spjallaði við Axel Eiríksson,
höfund verksins.
„Ég hef fengið verulega góð við-
brögð við verkinu. Það er sérstak-
lega gaman að sjá svipinn á fólk-
inu sem labbar niður
Hverfisgötuna. Þegar það sér
flugdrekann verður það hrein-
lega ungt í annað sinn og brosið
festist á andlitunum,“ segir Axel
Eiríksson, úrsmíðameistari og
listamaður. Axel er höfundur
listaverksins „Flugdreki“, sem er
neðst á Arnarhóli við Hverfisgötu
og hefur vakið athygli borgarbúa
síðustu vikur.
Listamaðurinn segir hugmynd-
ina að verkinu hafa kviknað þegar
hann heimsótti son sinn til Vínar-
borgar. „Eins og margar aðrar
hugmyndir þá datt þessi nú bara
ofan úr skýjunum. Í Vínarborg
var ég mikið að hugleiða lífið og
tilveruna og þá hugsun að eitt-
hvað sé til sem er stærra og meira
en við mannfólkið. Þessa hug-
mynd langaði mig til að gera sýni-
lega á einhvern hátt og úr varð
Flugdrekinn,“ segir Axel.
Þegar hann sá auglýst eftir
listaverkum til að setja upp í
tengslum við menningarnótt í
Reykjavík ákvað hann að sækja
um pláss fyrir Flugdrekann. Í
upphafi sá hann fyrir sér að verk-
ið myndi rísa í Laugardalnum,
þar sem Náttúruhljómleikarnir
voru haldnir fyrir skömmu.
„Mér datt ekki í hug í mínum
villtustu draumum að ég fengi að
reisa flugdrekann á Arnarhóli, en
er að sjálfsögðu afar ánægður
með staðsetninguna. Hér vekur
verkið mikla athygli og margir
ferðamenn hafa lýst yfir ánægju
sinni með verkið og tekið af því
ljósmyndir.“
Axel hefur samið stutt ævin-
týri, sem fylgir verkinu, og sent
til leikskóla borgarinnar. „Ævin-
týrið var samið meira til gamans,
því ég býst við því að hver ein-
staklingur upplifi verkið á sinn
hátt. En oft er gott fyrir börnin að
saga fylgi verkinu til að koma
ímyndunaraflinu af stað,“ segir
Axel.
Flugdrekanum var einungis
ætlað að standa á Arnarhóli í tvær
vikur og verður því tekinn niður í
dag. Að sögn Axels er ekki víst
hver afdrif verksins verða. „Þetta
er svo góð smíði að það er allt til í
dæminu.
Það er vel mögulegt að flytja
það eitthvert annað og líka að
pakka því saman og geyma. Það
verður bara að koma í ljós,“ segir
Axel og bætir við að honum hafi
þótt virkilega gaman að sjá þessa
hugmynd sína verða að veruleika.
kjartan@frettabladid.is
Hugmyndin datt úr skýjunum
Á ARNARHÓLI Axel segir skemmtilegt að sjá andstæðurnar milli Flugdrekans og styttunnar af Ingólfi Arnarsyni. Bæði verkin búi
vissulega yfir sinni sögu. FRÉTTABLAÐIÐ/ARNÞÓR
■ Söngvarinn geðþekki, Lionel
Richie, nýtur gríðarlegra vinsælda
í arabalöndunum.
Hann hefur meðal
annars haldið
tónleika í Marokkó,
Dubai, Quatar og
Líbýu. Að sögn ABC
fréttastofunnar má
sjá fullvaxta írakska
karlmenn voteyga
yfir tónlist Richies.
Þegar tónlistarframleiðand-
inn Dallas Austin var hnepptur
í varðhald fyrir að vera með
kókaín í fórum sínum í Samein-
uðu arabísku furstadæmunum,
var hann náðaður þegar Richie
lýsti mannkostum hans fyrir Sjeik
Múhammeð. Heimild: Wikipedia
LIONEL RICHIE
DÁÐUR Í ARABARÍKJUM
„Það er allt gott að frétta hjá okkur. Við erum
önnum kafin við að gangsetja nýja atvinnu- og
menntadeild sem er hugsuð fyrir fólk með
geðraskanir og á að gera þeim kleift að
ná markmiðum sínum varðandi atvinnu
og menntun,“ segir Kristinn Einarsson,
framkvæmdastjóri Klúbbsins Geysis.
„Fólk sem hefur veikst af geðröskunum
hefur oft flosnað upp úr námi og veikindin
hafa gert það að verkum að sumir hafa
ekki náð markmiðum sínum og hafa
því tiltölulega litla menntun. Það
stendur fólki gríðarlega fyrir þrifum.
Deildin okkar er hugsuð þannig að
við ætlum að styðja þá betur til að
nýta sér tækifærin í umhverfinu.
Okkar stuðningur felst í því að gera
náms- og atvinnutækifæri sýnilegri
og hjálpa fólki í starfsleit. Starfsemi
klúbbsins gengur út á það að efla virkni fólks og
er nokkurs konar staður fyrir fólk til að fara á flug
og vera virkt. Við trúum því að fólk geti komist
þangað sem það vill.“
Mikið er um að vera í Klúbbnum Geysi,
fólk er að koma til starfa í klúbbnum eftir
sumarleyfi. Klúbburinn er að fara í gang
með heilsueflingu þar sem aukin áhersla
er á hreyfingu og mataræði. Margvíslegir
fyrirlestrar verða í boði um hollustu
og hreyfingu og heilsuverndandi
þætti. „Heilsueflingin er þema
í september og október,“ segir
Kristinn. „Við leggjum áherslu
á að hjálpa fólki að tileinka
sér heilbrigðan lífsstíl og
verðum því með fyrirlestra
og bjóðum upp á blóðþrýst-
ings- og kólesterólmælingar.“
HVAÐ ER AÐ FRÉTTA? KRISTINN EINARSSON, FRAMKVÆMDASTJÓRI GEYSIS
Gangsetja atvinnu- og menntadeild
Um hinn upplýsta heim hafði í áranna rás breiðst út sú
saga manna á milli að einhvers staðar langt í burtu hafi
fæðst barn sem óx hraðar en önnur börn. Að end-
ingu varð það stærra, já miklu stærra en íbúarnir í
byggðarlaginu sem samt voru mjög hávaxnir.
Sagan segir að dag einn hafi stóra manneskjan
byrjað að smíða flugdreka og hafði fólk aldrei séð
annað eins. Almennt var talið að ekki væri hægt að
láta nokkuð svona þungt fljúga.
Sumir spurðu; af hverju ertu að þessu? Aðrir
spurðu; hvernig datt þér þetta í hug? Þá var
það ung stúlka sem sagði: „Ætlar þú að
senda skilaboð með drekanum?“ Þá á stóra
manneskjan að hafa hrist höfuðið og sagt já, ja
eða da, flest höfum við heyrt þessi tilsvör.
Ef það er rétt að stóra manneskjan hafi hrist höf-
uðið og jánkað þá gæti þetta allt eins hafa gerst í
Búlgaríu eða einhverju öðru landi þar sem fólk jánkar
með því að hrista höfuðið.
Alla vega gerðist þetta ekki hér á Íslandi. Við
vitum jú að þegar við segjum já þá nikkum við með
höfðinu.
Áfram með söguna.
Svo kom að því að draga átti drekann á loft og
hafði fjöldi fólks safnast saman til að verða vitni
að svo merkilegum atburði. Stóra manneskjan
dró drekann nokkra metra eftir jörðinni og hófst hann
þá til flugs með háværu hvisshljóði og söng í drátt-
arreipinu. Flugdrekinn hækkaði flugið óðfluga og að
endingu hvarf hann upp í skýjaþykknið en um leið
lýstist allur himinninn upp með miklum þrumugný.
Í sömu andrá skall dráttarreipið í jörðina og um
leið brast á haglél og voru höglin á stærð við
hænuegg. Þar með var flugdrekinn horfinn
sjónum manna.
Haldið var uppi spurnum af afdrifum
drekans næstu árin. Almannarómur
segir að stóra manneskjan hafi fengið
svar við því sem hún spurði um. Alla
vega fór hún nú að taka meiri þátt í lífi
íbúanna með því að vinna þau störf þar
sem stærð hennar nýttist best til dæmis
við að pússa kirkjuklukkur, tína eplin úr
eplatrjánum og fleira því líkt.
Víkur nú sögunni hingað til Íslands, nánar
til tekið til Reykjavíkur, já alla leið hingað í
miðbæinn á Arnarhólinn. Þar lenti þessi ægistóri
flugdreki eina bjarta sumarnótt.
Getur verið að þarna sé kominn flugdreki stóru
manneskjunnar eftir öll þessi ár, eða … eða hvað?
Eða er þetta bara eins og hver annar flugdreki?
Axel Eiríksson
ÆVINTÝRIÐ UM FLUGDREKANN
Margir telja að fyrsti flugdrek-
inn hafi verið smíðaður fyrir um
2.800 árum í Kína, en þar munu
nauðsynleg efni til flugdrekagerðar
hafa verið til taks, líkt og silki og
bambus. Þó eru þeir til sem halda
því fram að flugdrekinn sé enn
eldri uppfinning.
Ljóst þykir að flugdrekar þekktust
í Asíu og Afríku löngu áður en þeir
birtust fyrst í Evrópu, en menn
greinir á um hvenær það á að hafa
gerst. Einna helst hefur verið talið
að fyrstu flugdrekunum hafi verið
flogið í Evrópu einhvers staðar á
bilinu frá miðöldum og fram að
sautjándu öld.
Flugdrekar hafa verið notaðir í
ýmsum tilgangi í gegnum söguna,
meðal annars sem hernaðartæki, í
listrænum tilgangi og sem dægra-
dvöl.
UPPRUNI FLUGDREKANS
Ófrumlegur
endurflutningur
„Einu sinni var ég staddur í afmælis-
veislu þar sem Geir H. Haarde steig
á svið og söng nokkur vel valin lög.
Þó að sviðsframkoma Geirs væri
ekki sérlega spennandi, enginn
luftgítar og engin háspörk, og lögin
allt saman endurteknar ábreiður og
ekkert frumsamið efni á dagskránni,
þá reyndist hann vera ágætis raulari
og myndi sóma sér vel í Broadway-
sýningu með Ragga Bjarna,“ segir
Sveinn Birkir Björnsson, ritstjóri
Reykjavík Grapevine. „Ræða forsæt-
isráðherra um efnahagsmál minnti
mig talsvert á tónlistarflutning Geirs.
Flutningurinn var tilþrifalítill en
fagmannlegur, en efnistökin reynd-
ust meira og minna ófrumlegur
endurflutningur á gömlum tuggum
með fáum og litlausum tilbrigðum
við upprunalegu útgáfuna sem naut
talsverða vinsælda í upphafi tíunda
áratugarins.“
SJÓNARHÓLL
RÆÐA FORSÆTISRÁÐHERRA UM
EFNAHAGSMÁLIN
SVEINN BIRKIR BJÖRNSSON
Ritstjóri Reykjavík Grapevine.