Fréttablaðið - 04.09.2008, Blaðsíða 78
58 4. september 2008 FIMMTUDAGUR
1
6 7 8
10
13
119
12
15
16
18
21
20
17
14
19
2 3 4 5
MORGUNMATURINN
Hringdu í síma
ef blaðið berst ekki
„Á
heima-
vistinni
minni
seinasta
mánuð
borð-
aði ég
brauð
með osti
og sultu,
hafra
með
rúsínum
og mjólk og fékk mér glas af
appelsínudjús. Minn fyrsti kost-
ur væri krossant og skyrdrykkur.
Annars borða ég það sem ég
finn.“
Oddvar Örn Hjartarson listamaður.
LÁRÉTT
2. grunnflötur, 6. frá, 8. stúlka, 9.
hlaup, 11. voði, 12. hestur, 14. korr,
16. tveir eins, 17. gerast, 18. stansa,
20. tveir, 21. flokka.
LÓÐRÉTT
1. gól, 3. hljóm, 4. fugl, 5. af, 7. ávöxt-
ur, 10. hamingja, 13. á nefi, 15. sá,
16. náinn, 19. til.
LAUSN
LÁRÉTT: 2. gólf, 6. af, 8. mær, 9. gel,
11. vá, 12. gráni, 14. snörl, 16. kk, 17.
ske, 18. æja, 20. ii, 21. raða.
LÓÐRÉTT: 1. gagg, 3. óm, 4. lævirki,
5. frá, 7. ferskja, 10. lán, 13. nös, 15.
leit, 16. kær, 19. að.
Ljósmyndarinn Ragnar Axelsson, RAX, heldur til
Alaska og Síberíu á næstunni til að mynda fyrir
væntanlega bók sína. Fjallar hún um áhrif hlýnunar
jarðar á lifnaðarhætti inúíta og gengur undir
vinnuheitinu Last Days of the Arctic, eða Síðustu
dagar norðurheimskautsins. Textahöfundur bókar-
innar er Skotinn Mark Nuttal, prófessor í mannfræði,
sem er einn helsti sérfræðingur heims í menningu og
lifnaðarháttum inúíta.
„Ég hef farið ég veit ekki hvað margar ferðir og
myndað með veiðimönnum. Manni verður kalt þegar
maður fer að rifja þetta upp,“ segir Ragnar. „Þetta er
heimur sem er að breytast mjög hratt og sumt af
þessu verður ekkert gert aftur.“
Ragnar segir að hlýnun jarðar sé nokkuð sem allir
verði að horfast í augu við. „Hún er veruleikinn hvort
sem það er af mannavöldum eða ekki.“
Fyrr á árinu myndaði hann á Baffin-eyju í Kanada
fyrir bók sína og komst þar í tæri við ísbirni.
„Ísbjörninn er svolítil skræfa og hleypur yfirleitt frá
þér en ef hann er svangur ræðst hann á þig,“ segir
Ragnar, sem sá einnig fyrsta ísbjörninn sem steig hér
á land í sumar. „Ég flaug yfir hann en var ekki sá sem
var kærður. Ég fór svo hátt yfir hann því ég þorði
ekki að styggja hann. Svo fór einhver daginn eftir og
fór þá rétt yfir hausinn á honum og þá varð allt
vitlaust,“ segir ljósmyndarinn knái og hlær.
Bók Ragnars, sem verður tilbúin næsta vor, er
unnin af nýrri bókaútgáfu Kristjáns B. Jónassonar og
Snæbjarnar Arngrímssonar, Crymogea ehf. Er hún
framleidd með alþjóðlega útgáfu í huga og standa nú
yfir viðræður við erlend forlög um að gefa hana út
víða um heim. - fb
Bók um inúíta og jarðhlýnun
Á SLÓÐUM INÚÍTA Ragnar Axelsson hefur lent í ýmsum
ævintýrum í ferðalögum sínum með inúítum eins og sjá má í
væntanlegri ljósmyndabók hans.
Tökur á þættinum Singing Bee,
sem Skjár einn tekur til sýninga
19. september næstkomandi,
hefjast í næstu viku. Í honum
verður meðal annars að sjá lif-
andi hljómsveit og dansara, auk
þáttastjórnandans Jóns Jóseps
Snæbjörnssonar, sem er best
þekktur sem Jónsi. Það er hljóm-
sveitin Buff sem mun leika fyrir
áhorfendur.
„Við verðum með tíu þætti og í
hverjum þætti keppa tveir sex
manna hópar frá mismunandi
fyrirtækjum,“ útskýrir Jónsi.
„Þau keppa um titilinn Singing
Bee-meistarinn og eiga mögu-
leika á því að vinna sér inn hálfa
milljón í beinhörðum peningum,“
útskýrir hann. Keppendum er
falið að botna lagatexta, bæði
íslenska og erlenda, en þurfa ekki
að þenja raddböndin. „Hvaða
fullkomlega laglausi einstakling-
ur sem er getur malað bæði
óperusöngvara og poppara í þess-
um leik,“ segir Jónsi og hlær við.
„Fólk þarf ekki að syngja, bara
fara með réttan texta.“
Þættinum verður þannig hátt-
að að liðin etja kappi þar til aðeins
einn úr hvoru liði stendur eftir.
Þeir heyja þá einvígi og sá sem
verður Singing Bee meistarinn
fær þá áskorun í formi sjö laga.
„Ef hann getur botnað fimm af
þeim sjö textum fær hann hálfa
milljón í vasann,“ útskýrir Jónsi.
Alls gæti verðlaunaféð í þáttun-
um því farið í fimm milljónir.
Jónsi segir undirtektir
hafa verið gríðarlega
góðar. „Þetta verða tut-
tugu hópar og það er
löngu búið að stútfylla
þau pláss, held ég,“ segir
hann. - sun
Singing Bee mjög vel tekið
„Þetta kom mér verulega á óvart,“
segir húðflúrarinn Jón Páll Hall-
dórsson, eða Nonni tattú, sem
fékk fyrstu verðlaun á árlegri
tattúráðstefnu í Stokkhólmi um
síðustu helgi. Með honum í för
voru félagar hans hjá Íslenzku
húðflúrstofunni, þeir Fjölnir
Bragason og Búri.
Jón Páll fékk verðlaunin fyrir
besta litatattúið en keppt var í um
tíu mismunandi flokkum. Alls
tóku um eitt hundrað húðflúrarar
frá 22 löndum þátt í ráðstefnunni,
sem telst vera sú stærsta á Norð-
urlöndunum.
Jón var búinn að gefa upp alla
von um verðlaunasæti eftir að til-
kynnt hafði verið um þriðja og
annað sætið, þegar nafn hans var
allt í einu kallað upp. „Það er
mjög góð tilfinning að sigra á
svona stóru móti eins og þessu.
Þetta var í fyrsta sinn sem við
vorum þarna og ég grét eins og
fegurðardrottning... eða svona
næstum því,“ segir hann, ennþá í
sigurvímu.
Sigurlaunin fékk Jón fyrir risa-
stórt húðflúr sitt á íslenskri stúlku
sem tók eitt og hálft ár í vinnslu.
Nær það alla leið frá læri og upp
að brjósti. Lagði hann lokahönd á
húðflúrið á ráðstefnunni. „Hún
kom út og hitti okkur og ég kláraði
það og setti hana í keppnina,“
segir Jón, sem húðflúraði íslenska
fastakúnna sína alla helgina ásamt
þeim Fjölni og Búra. Einnig var
með þeim á bás náungi frá Kaup-
mannahöfn að nafni Alex sem
þykir sérlega fær í sínu fagi.
Jón Páll segir þá félaga hafa
lært mikið á ráðstefnunni. „Maður
kynnist fólki sem er í bransanum
og sér mismunandi nálganir.
Standarinn þarna úti er mjög hár
og þegar maður kemur heim fær
maður þennan „metnaðarbúst“ til
að gera meira og betur, það er líka
mikils virði,“ segir hann.
freyr@frettabladid.is
JÓN PÁLL HALLDÓRSSON: GRÉT EINS OG FEGURÐARDROTTNING
Varð tattúmeistari í Svíþjóð
Undirbúningur fyrir Villa Vill-stór-
tónleikana í Höllinni 10. október
stendur nú sem hæst. Miðasala
hefst í fyrramálið
klukkan tíu
á Miði.is en
gestir munu
fá óvæntan
glaðning á
tónleikunum.
Samkvæmt
upplýsingum
Fréttablaðsins
hefur söngv-
arinn Jóhann
Vilhjálmsson
bæst í hóp
stórsöngvara
á borð við
Björgvin Halldórsson og Stefán
Hilmarsson sem syngja munu í
Höllinni. Jóhann er sonur Villa Vill
og mun hann syngja lagið Lítill
drengur sem einmitt var samið um
hann. Jóhann starfar dags daglega
hjá Vodafone en hefur undan-
farið verið í þjálfun hjá Magnúsi
Kjartanssyni og þykir fantagóður
söngvari.
Tónlistarmaðurinn André Bach-
mann fékk heldur betur góð
viðbrögð við greininni sem birtist
um hann í Fréttablaðinu í gær.
André starfar í Olís í Álfheimum þar
sem nýjasta plata hans er einmitt
til sölu og hefur hann stundum
verið beðinn um að árita hana fyrir
áhugasama kaupendur. Eftir grein-
ina í Fréttablaðinu virðist sem æði
hafi runnið á aðdáendur André því
í vinnunni í gær hafði
hann varla undan að
árita fyrir fólk sem
hafði komið langan
veg með plötuna,
eingöngu til
að fá hjá
honum
eigin-
handar-
áritun.
- hdm/fb
FRÉTTIR AF FÓLKI
BESTA LITATATTÚIÐ Jón Páll vann fyrstu
verðlaun fyrir þetta húðflúr sem tók eitt
og hálft ár í vinnslu.
FR
ÉT
TA
B
LA
Ð
IÐ
/A
N
TO
N
HÚÐFLÚRARAR Jón Páll,
lengst til vinstri, ásamt
félögum sínum Búra og
Fjölni tattú. Saman reka
þeir Íslenzku húðflúrstof-
una á Hverfisgötunni.
LAGLAUSIR VELKOMNIR
Jónsi segir keppendur í
Singing Bee alveg mega
vera vita laglausa. Pétur
Örn Guðmundsson, til
vinstri, og félagar í Buff sjá
um tónlistina.