Fréttablaðið - 04.09.2008, Blaðsíða 38
4. SEPTEMBER 2008 FIMMTUDAGUR8 ● fréttablaðið ● Sinfóníuhljómsveit Íslands 2008-2009
Meðal skemmtilegustu verka Sin-
fóníuhljómsveitar Íslands er sam-
starf með börnum og unglingum
að sköpun og fræðslu um klassíska
tónlist.
„Klassísk tónlist er þeim töfrum gædd að
vekja með hlustendum hughrif og stemn-
ingu. Þess vegna er svo hollt að hlusta og
mikilvægt að kynna hana börnum í gegn-
um alla skólagönguna. Þau fræ sem við
sáum nú með klassískri tónlistarfræðslu
fáum við uppskorið í ríkum mæli seinna,
því þegar börn læra að hlusta á sinfóníu
frá unga aldri verður hún ekki ókunnug
á fullorðinsaldri og þeim mun líklegra að
þau njóti slíkra upplifana margsinnis á
lífsleiðinni,“ segir Arna Kristín Einars-
dóttir, tónleikastjóri Sinfóníuhljómsveit-
ar Íslands.
„Einn mikilvægasti þáttur í starfi Sin-
fóníuhljómsveitarinnar er að ná til nýrra
áhorfenda og með því sinnum við marg-
þættu fræðslustarfi fyrir börn og ungl-
inga. Fyrst ber að nefna skólaverkefni í
samstarfi við tónmenntakennarana Þór-
dísi Heiðu Kristjánsdóttur og Hildi Guð-
nýju Þórhallsdóttur, sem fá fjóra hljóð-
færaleikara Sinfóníunnar í heimsókn
í fimmta bekk grunnskóla, sem í sam-
starfi við börnin semja tónverk á viku-
tíma og flytja með þeim á skólatónleik-
um. Með þessu fá börnin bein tengsl við
hljóðfæraleikarana og er boðið í kjöl-
farið á tónleika Sinfóníunnar með for-
eldrum sínum,“ segir Arna Kristín, en í
vetur fara einleikarar í skólana.
„Það gildir einu þótt hljóðfæraleik-
arar séu stórstjörnur; allir í stétt hljóð-
færaleikara eru meðvitaðir um mikil-
vægi þess að ná til barna því þar ligg-
ur vaxtarbroddur framtíðar. Þeir sinna
þessu því með ánægju, enda með ein-
dæmum gefandi og skemmtilegt. Skóla-
verkefnið er enn í þróun og nýtt af nál-
inni, en okkur þykir vænt um það og
komumst vonandi í alla skóla höfuð-
borgarsvæðisins á endanum,“ segir
Arna Kristín.
„Við verjum fjórum vikum af starfs-
ári í skólaverkefnið og bjóðum börnum
á aðgengilega tónleika, en reyndar eru
börn svo opin fyrir tónmáli að þau hræð-
ast hvorki þyngri tónlist né íslenska nú-
tímatónlist sem margir eru hræddir við.
Fyrir þau er þetta alltaf skemmtileg og
dýrmæt upplifun,“ segir Arna Kristín og
brosir.
„Auk skólaverkefnisins bjóðum við
röð metnaðarfullra tónleika sem kall-
ast Tónsprotatónleikar og eru stórkost-
leg fjölskylduskemmtun, í samstarfi
við trúðinn Barböru, barnakóra og list-
dansskóla barna. Ég mæli með þeim
fyrir öll börn, enda vönduð hámenning
og tær skemmtun. Þá munum við end-
urtaka barnatónleikana Maxímús Mús-
íkús eftir Hallfríði Ólafsdóttur, um litla
mús sem villist inn á æfingu hjá sinfón-
íuhljómsveit og lendir þar í miklum æv-
intýrum. Við buðum leikskólabörnum á
þá sýningu í fyrra og mátti heyra saum-
nál detta þar sem krílin sátu 900 talsins
agndofa af undrun og hrifningu yfir því
sem fyrir augu og eyru bar,“ segir Arna
Kristín í sælli minningu.
„Fyrir ungt fólk á menntaskólaaldri og
upp úr bjóðum við tónleikaröðina Heyrðu
mig nú með eilítið krassandi verkum.
Þar kynnir hljómsveitarstjóri verkið og
hljómsveitin leikur hljóðbúta til glöggv-
unar, en síðan er verkið leikið í heild. Tón-
leikarnir eru á föstudagskvöldum og á
eftir er partí í anddyrinu á þar sem gestir
geta blandað geði við tónlistarfólkið sem
aldrei því vant klæðist frjálslegri klæðn-
aði,“ segir Arna Kristín.
„Við höfum stundum áhyggjur af því
að listgrein sem þessi verði útundan í
skólum landsins, en í dag er virkileg þörf
að kynna börn fyrir klassískri tónlist því
upp eru vaxnar kynslóðir sem þekkja
ekki tónmál klassíkur þar sem tónlistar-
uppeldi á heimilum hefur breyst frá því
gamla gufan náðist ein í útvarpstækjum
landsmanna með fjölbreyttari flóru tón-
listar í boði.“ - þlg
Tónlistarstjóri Sinfóníuhljómsveitar
Íslands, Árni Heimir Ingólfsson, segir
að þema efnisskrár tónleikaársins
2008-2009 sé ferðalög í tónum.
„Útgangspunktur okkar í vetur er ferða-
lög í tónum,“ nefnir Árni Heimir Ingólfs-
son nýr tónlistarstjóri Sinfóníuhljóm-
sveitar Íslands. „Það er ótrúlegur fjöldi
tónskálda sem hefur notað tónlist til að
lýsa stað eða ferðalagi, eða búa til áhrif
sem tengjast fjarlægum löndum,“ útskýr-
ir Árni Heimir og bætir við að í vetur
flakki hljómsveitin á milli heimshorna
bæði í bókstaflegum skilningi með tón-
leikaferðum til Japans og Spánar, og í tón-
listinni sjálfri.
„Við leikum tónlist sem á rætur að rekja
til Indónesíu, Ítalíu, Grikklands, Tékk-
lands, Bandaríkjanna og svo mætti lengi
telja, og fáum einleikara frá fjarlægum
löndum eins og Rússlandi og Palestínu,“
segir hann og minnist á að það geti verið
ágætt þegar kreppa skellur á í efnahags-
lífinu að ferðast um heiminn með því að
fjárfesta í einum tónleikamiða. „Það eru
nokkur stórvirki sem Sinfónían er annað
hvort að flytja í fyrsta sinn eða er langt
síðan ráðist hefur verið í,“ segir Árni
Heimir og nefnir þar Turangalila-sinfón-
íuna eftir Messiaen. „Líklega er hún eitt
stærsta hljómsveitarverk sem flutt hefur
verið á Íslandi og verður stórmerkur við-
burður.“
„Eitt helsta trúarlega tónverk klassíska
tímans, Sköpunin, eftir Haydn er á efnis-
skránni í apríl og þar koma við sögu þrír
frábærir einsöngvarar og tveir kórar, svo
eitthvað sé nefnt. Síðan er spennandi loka-
sprettur í apríl og maí þar sem áhersla
verður lögð á rússneska tónlist og flytj-
endur á borð við Nataliu Gutman, Olgu
Kern og Gennadíj Rosdestvenskíj,“ segir
Árni Heimir og bætir við að Rosdestven-
skíj sé einn fárra eftirlifandi listamanna
sem unnu náið með helstu tónskáldum
Sovétríkjanna á 20. öld. Upphafstónleikar
Sinfóníuhljómsveitar Íslands eru í kvöld,
kl. 19.30. Þar verða meðal annars verk
eftir Tsjajkovskíj, en aðalstjórnandi Sin-
fóníunnar, Rumon Gamba, stjórnar og ein-
leikari er fiðluleikarinn Vadim Repin. - vg
Mér er það í fersku minni þegar Sinfóníuhljóm-
sveit Íslands kom norður til Siglufjarðar þegar ég
var strákur. Ég fékk að fara með foreldrum mínum
á tónleikana og þessa kvöldstund varð bíósalurinn
heima að ævintýralandi, Vilhjálmur Tell var þar lif-
andi kominn, forleikurinn úr Valdi örlaganna lukti
upp dyrunum að stórkostlegum tónaheimi Verdis
og ég man eftir að spilað var lag
eftir Inga T. ásamt fleiri verkum.
Þessir tónleikar kveiktu áhuga
minn á klassískri tónlist, áhuga
sem hefur haldist alla tíð síðan.
Svipaða sögu eiga þúsundir Ís-
lendinga sem hafa kynnst Sinfón-
íuhljómsveitinni og töfrum henn-
ar. Hljómsveitin leggur enda
mikla rækt við yngstu hlustend-
urna, tónlistarmennirnir heim-
sækja skóla, jólatónleikarnir
fyrir börnin eru einstök upplifun og Maxímús Mús-
íkús hefur vakið mikla hrifningu.
Það eru margir sem spyrja sig hvort klassísk tón-
list sé eitthvað fyrir þá, hvort Sinfónían sé ekki eitt-
hvað fyrir fáa og sérmenntaða. Svo er auðvitað
ekki, listin er fyrir alla, enda spyrjum við ekki hvort
vel skrifaðar bækur séu einungis fyrir útvalda eða
hvort góð málverk gleðji bara sum augu. Listin er
ein og hin sama, listformið er ólíkt. Klassísk tónlist
færir í fagran búning mikilvæg gildi sem eiga er-
indi við okkur öll, ung jafnt sem gömul. Einleikar-
arnir og hljómsveitin tengja okkur við hugarheim
Bachs og Mozarts, Beethovens og Brahms, Stravins-
kíjs og Sjostakovitsj og allra hinna tónskáldanna
sem með sköpunarkrafti sínum hafa fært heiminum
ódauðleg listaverk.
Sinfóníuhljómsveit Íslands er í fararbroddi
menningarlífs þjóðarinnar og innan hennar vébanda
eru framúrskarandi listamenn sem hlotið hafa frá-
bæra dóma fyrir list sína. Efnisskrá hljómsveitar-
innar nú í vetur er metnaðarfull og áhugaverð og
síðast en ekki síst er hún skemmtileg. Það verður
gaman í vetur á tónleikum Sinfóníunnar. Komdu því
með og vertu samferða okkur um undraheim tónlist-
arinnar, það ferðalag verður ógleymanlegt.
Illugi Gunnarsson, stjórnarformaður SÍ
2
Illugi Gunnarsson,
stjórnarformaður
SÍ. FRÉTTABLAÐIÐ(VALLI
PISTILL STJÓRNARFORMANNS SÍ
Ógleymanleg
ferðalög
Þemað er ferðalög í tónum
Arna Kristín Einarsdóttir er tónleikastjóri Sinfóníuhljómsveitar Íslands og heldur meðal annars utan
um stórkostlegt fræðslustarf með æsku landsins. FRÉTTABLAÐIÐ/STEFÁN
Krakkar eru óhræddir
við þungar sinfóníur
Útgefandi: Sinfóníuhljómsveit Íslands l Heimilisfang: Háskólabíó
við Hagatorg l Netfang: sinfonia@sinfonia.is l Ritstjóri: Hrefna
Sigurjónsdóttir l Pennar: Árni Heimir Ingólfsson, Þorgeir Tryggva-
son, Þórdís Lilja Gunnarsdóttir, Vala Georgsdóttir l Forsíða: Fíton l
Auglýsingar: Fréttablaðið/Bjarni Þór Sigurðsson Sími: 512 5471
„Útgangspunktur-
inn okkar í vetur eru
ferðalög í tónum,“
segir Árni Heimir
Ingólfsson, tónlistar-
stjóri Sinfóníuhljóm-
sveitar Íslands
FR
ÉT
TA
BL
A
Ð
IÐ
/V
A
LL
I
Stoðir hf. eru aðalstyrktaraðili Sinfóníuhljómsveitar
Íslands. Samstarfið hófst árið 2006 og tryggir hljómsveit-
inni veglegt framlag árlega til eflingar starfsemi sveitar-
innar og tónlistarlífsins í landinu almennt.
Eitt helsta verkefni Stoða og hljómsveitarinnar er átaks-
verkefnið „Lífið kallar“ sem er yfirskrift árlegra tónleika
til stuðnings BUGL, barna- og unglingageðdeild Land-
spítala - háskólasjúkrahúss.
„Lífið kallar“ miðar að því að styrkja fjölskyldur barna og
unglinga sem eiga við andlega erfiðleika að etja, með
áherslu á að móta nýja lífssýn í bráðameðferð og ekki síst
að henni lokinni. Inntakið er lífsgleði, að hlusta eftir því
hvernig lífið kallar á hvern og einn.
Sinfóníuhljómsveit Íslands færir Stoðum bestu þakkir fyrir
ánægjulegt og árangursríkt samstarf.
Aðalstyrktaraðili hljómsveitarinnar