Fréttablaðið - 04.09.2008, Blaðsíða 26

26 4. september 2008 FIMMTUDAGUR
„Það eru tækifæri í
rekstrinum,“ segir
Steve Johnson, nýr for-
stjóri bresku verslana-
keðjunnar Woolworths,
sem tók við um mán-
aðamótin. Hann segir
mögulegt að taka versl-
unina í gegn. Það verði
ekki létt verk.
Malcolm Walker, for-
stjóri frystivörukeðj-
unnar Iceland, og Baug-
ur lögðu fram tilboð upp á 50
milljónir punda, rúma sjö millj-
arða króna, í rúmlega 800 versl-
anir Woolworths fyrir nokkrum
vikum. Tilboðinu var vísað út af
borðinu eftir að málið lak í fjöl-
miðla í síðasta mánuði.
Markaðurinn hefur
haft eftir Gunnari
Sigurðssyni, forstjóra
Baugs, að rekstur versl-
unarinnar hafi lengi
verið ómarkviss og
verði að taka til hend-
inni eigi að snúa honum
til betri vegar.
Johnson sagði í sam-
tali við breska dagblað-
ið Independent í viku-
byrjun að viðræður við
Baugsmenn og Walker væru
truflandi og gætu mögulega stað-
ið í vegi fyrir hans eigin tiltekt.
Hann þurfi tíma til að kynna sér
reksturinn og ræða við starfsfólk
áður en næstu skref verði útlist-
uð. - jab
GUNNAR SIGURÐSSON
Kaupviðræður truflandi
fyrir rekstur Woolworths
Capacent hefur gengið frá samn-
ingi um kaup á meirihluta í sænska
félaginu Capto Financial Consult-
ing. Höfuðstöðvar Capto eru í
Stokkhólmi, en félagið, sem hefur
60 starfsmenn, er einnig með skrif-
stofu í Helsinki og útstöðvar í
Kaupmannahöfn og Ósló.
Capto verður um skeið rekið
undir núverandi nafni, en innan
fárra mánaða verður nafninu
breytt í Capacent. Kaupverðið er
trúnaðarmál.
Skúli Gunnsteinsson, forstjóri
Capacent samstæðunnar, segir að
með þessu hafi markmiði félagsins
um öll Norðurlöndin í raun verið
náð. Þetta er sjöunda félagið sem
Capacent kaupir á Norðurlöndun-
um á tæplega þriggja ára skeiði, en
það fyrsta utan Danmerkur.
Eftir kaupin munu starfsmenn
Capacent samstæðunnar verða um
500, þar af 320 í Danmörku, 120 á
Íslandi, 50 í Svíþjóð og 10 í Finn-
landi. Heilarveltan er áætluð rúmir
sjö og hálfur milljarður króna.
Eftir viðbótina verða 75 prósent
rekstratekna Capacent í Danmörku
og Svíþjóð, en forsvarsmenn
félagsins segja að með þessari við-
bót sé Capacent „tvímælalaust
komið í röð stærri ráðgjafarfyrir-
tækja á Norðurlöndum.“
Skúli segir forsendur þessarar
útrásar góða afkomu Capacent í
Danmörku og trausta eiginfjár-
stöðu, en fyrr í ár keyptu Jón
Diðrik Jónsson og Róbert Wess-
mann hluti í Capacent.
Í fréttatilkynningu frá Capace-
net segir að Capto hafi vaxið hægt
en stöðugt og ávallt sýnt góða
afkomu. Hjá Capto starfa nú 60
manns, en ráðgert er að fjölga
þeim fyrir árslok. - msh
AÐ KAUPSAMNINGI STAÐFESTUM Skúli Gunnsteinsson og Hrannar Hólm (lengst til
vinstri) frá Capacent International, ásamt eigendum Capto eftir að skrifað hafði verið undir
kaupsamninginn. MARKAÐURINN/CAPACENT
Capacent kaupir sænskt ráðgjafarfyrirtæki
Gengið hefur verið frá kaupum Capacent á meirihluta í Capto Financial Consulting í Stokkhólmi í Svíþjóð.
Integrity Bank í Georgíuríki í
Bandaríkjunum var lokað síðasta
föstudag. Er þar um að ræða
tíunda bankagjaldþrot ársins vest-
anhafs.
Integrity Bank var stofnaður
árið 2000 sem „kristilegt fyrir-
tæki“ og hafði „kristilega menn-
ingu“ að leiðarljósi í öllum við-
skiptum. Eignir bankans námu 1,1
milljarði Bandaríkjadala.
Ástæða gjaldþrotsins er sögð
vera hrun bandaríska húsnæðis-
markaðarins, en 76 prósent lána
Integrity voru til byggingarverk-
taka. Meira en helmingur allra
lána Integrity til byggingarfyrir-
tækja var í vanskilum á öðrum
fjórðungi þessa árs. - msh
Kristilegt
bankagjaldþrot
Verðbólga hækkaði í 4,8 prósent í
OECD löndunum í júlí. Hún var á
ársgrundvelli 4,4 prósent í fyrra
mánuði.
Verðhækkun matvæla og olíu
er sögð ráða mestu um þróunina.
Verðlag hækkaði þó hægar í júlí
en júní. Neysluvöruverðlag hækk-
aði um 0,4 prósent í júlí, en 0,6
prósent í júní.
Samkvæmt tölum OECD var
verðbólga á „evrusvæðinu“ 4,1
prósent í júlí en 4,0 prósent í júní,
en hæsta verðbólgan í OECD lönd-
unum var á Íslandi, 13,1 prósent.
Næst kom Tyrkland með 12,1 pró-
senta verðbólgu. Engin önnur
OECD lönd voru með meira en 10
prósenta verðbólgu. - msh
Aukin verð-
bólga í OECD
„Að því sem ég best kemst að er
þessi þjónusta ekki í boði á Íslandi.
Einkaleyfastofa heldur utan um
skráð vörumerki, en þeir bjóða
ekki upp á notendavænan eða
aðgengilegan gagnagrunn,“ segir
Bryndís Óskarsdóttir, stofnandi
og eigandi Logosafnsins sem hóf
starfsemi sína fyrir helgi.
Bryndís, sem áður rak auglýs-
ingastofuna Concept, segir hug-
myndina með Logosafninu vera að
safna vörumerkjum fyrirtækja og
félagasamtaka á einn stað þar sem
þau yrðu aðgengileg.
Bryndís segir algengt að útgef-
endur og aðrir séu ekki með nýj-
ustu útgáfur vörumerkja, og að
það geti tekið langan tíma að fá
nýjustu útgáfur vörumerkja í
góðri upplausn frá auglýsingastof-
um.
Bryndís segist stefna að því að
hægt verði að fletta upp hver
hannaði vörumerki í Logosafninu,
og sömu leiðis sjá sögu merkjanna
og breytingar gegnum tíðina. Fyr-
irtæki borga skráningargjald og
árgjald fyrir að skrá vörumerki,
en fá á móti tilkynningar í hvert
sinn sem vörumerki þeirra eru
sótt í safnið. - msh
Opnar vörumerkja-
safnið logo.is á netinu
Nauðungarsölur í kjölfar veðkalla
vegna „öruggra“ fasteignalána
eru nú fleiri en vegna svokallaðra
undirmálslána. Þá aukast vanskil
á öruggum, eða fyrsta flokks,
(prime) fasteignalánum nú hraðar
en vanskil á undirmálslánum.
Þetta kemur fram í gögnum sem
samtökin Hope Now birtu í síð-
ustu viku. Samtökin voru stofnuð
af fjármálafyrirtækjum að til-
stuðlan stjórnvalda til að aðstoða
lántakendur að ná tökum á afborg-
unum af fasteignaskuldum.
Tölur samtakanna sýna að van-
skil á undirmálslánum hafa nú
aukist stöðugt síðan í apríl, en þá
höfðu þau farið minnkandi um
nokkurra mánaða skeið. Sú minnk-
un var talin til marks um að undir-
málslánakrísan væri í rénum, en
aukning síðustu mánaða þykir
benda til þess að hið versta sé ekki
afstaðið. Þá hafa vanskil á örugg-
um fasteignalánum aukist í hverj-
um mánuði síðan samtökin tóku að
safna upplýsingum. Alls eru um
3.6 prósent allra fasteignalána
meira en 60 daga í vanskilum. - msh
Enn aukast vanskil vestanhafs
Nauðungarsölur vegna „öruggra“ fasteignalána nú fleiri en vegna undirmálslána.
NAUÐUNGARSÖLUR Fjöldi „öruggra“
lántakenda sem lenda í nauðungarsölu
bendir til þess að „undirmálslánakrísan“
hafi breitt úr sér.
MARKAÐURINN/AFP
Varaformaður Framsóknar-
flokksins segir fátt heyr-
ast frá stjórnvöldum um
framtíð krónunnar. Það veki
upp spurningar um hvort
bankarnir starfi hér á landi
til frambúðar. Formaður
Vinstri grænna spyr hvert
þeir gætu farið.
„Ég lít svo á að við stöndum
frammi fyrir því núna hvort við
ætlum að halda bönkunum í land-
inu eða ekki,“ segir Valgerður
Sverrisdóttir, varaformaður
Framsóknarflokksins.
Hún segir að berist engin skila-
boð frá stjórnvöldum um að ein-
hverra breytinga sé að vænta í
málefnum krónunnar, „þá tel ég að
það sé mjög mikill möguleiki á að
við missum þessi mikilvægu fyr-
irtæki úr landi“.
Valgerður kannast ekki við að
hafa heyrt nokkuð um þetta innan
úr bankakerfinu að öðru leyti en
því sem forstöðumenn greiningar-
deilda Landsbankans og Glitnis
hafa sagt um þessi mál. Edda Rós
Karlsdóttir og Ingólfur Bender
hafa bæði sagt að bankarnir hljóti
að íhuga brottför, verði ekki breyt-
ing á gjaldmiðlaumhverfi hér.
Forystumenn bankanna sjálfra
hafa hins vegar neitað því að vera
á förum.
„Auðvitað hljóta menn að neita
því og ég tel að forystumenn bank-
anna vilji halda höfuðstöðvum
þeirra áfram hér á landi. Það er
hins vegar spurning hvað neyðin
rekur menn út í,“ segir Valgerður.
Hún segir að fátt heyrist um styrk-
ingu gjaldeyrisvaraforðans, sem
þyrfti að hennar mati að styrkja
verulega og margfalda ef Seðla-
bankinn ætli að geta verið lánveit-
andi til þrautarvara. „Það eru
engin merki um að það sé stefnt í
breytingar hvað varðar íslensku
krónuna, stöðu hennar og styrk.
Þá er orðið mjög erfitt fyrir þessi
fyrirtæki að starfa hér á landi.
Það mun líka heldur betur koma
við rekstur ríkissjóðs ef sú ákvörð-
un verður tekin, auk þess sem
atvinnulífið hér verður einhæf-
ara,“ segir Valgerður.
„Ég held að bankarnir fari að
vísu ekki langt við þessar aðstæð-
ur og ekki veit ég hver tekur við
þeim,“ segir Steingrímur J. Sig-
fússon, formaður Vinstri grænna.
„En að sjálfsögðu viljum við koma
í veg fyrir það. Að sjálfsögðu
ætlum við að skapa þannig skil-
yrði að fjármálastarfsemi geti
verið öflug í landinu, hvort sem
það er heppilegt fyrir okkur að
öllu leyti að hún sé jafn ofvaxin,
sérstaklega að hún vaxi jafn hratt
og hún gerði, sem hefur ekki
reynst vera sjálfbær vöxtur,“
segir Steingrímur og vísar til upp-
sagna í bankakerfinu á árinu.
„Það sem mestu máli skiptir
núna er að verja lífskjörin og
heimilin í landinu. Þau eru þrátt
fyrir allt hornsteinn samfélags-
ins,“ segir Steingrímur. Aðrir
verði að horfast í augu við að
öllum vandanum verði ekki velt
þangað. „Það verður aldrei nein
þjóðarsátt um að senda heimilun-
um allan óráðsíureikninginn svo
útrásar- og þotuliðið geti bara leik-
ið sér áfram,“ segir Steingrímur.
Hann segir að hafi menn gert
mistök eða lánað ógætilega þá
verði þeir bara að bera ábyrgð á
því. „Það verður að horfast í augu
við að það kann að kosta afskriftir
og slíka hluti. Það er betri kostur
en að velta bara þessum vanda í
heild sinni yfir á heimilin. Enda
væri það svo himinhrópandi órétt-
látt,“ segir Steingrímur. Ekki sé
við heimilin að sakast í sjálfu sér
um efnahags- og hagstjórnarmis-
tök undanfarinna ára.
Ítarlega er rætt við Steingrím
og Valgerði í Markaðnum sem
kom út í gær. Hann má einnig
nálgast á fréttavefnum visir.is.
ingimar@markadurinn.is
Hefur áhyggjur af því að
bankarnir fari úr landi
HÖFUÐSTÖÐVAR STÓRU BANKANNA ÞRIGGJA Valgerður Sverrisdóttir, varaformaður
Framsóknarflokksins, óttast að bankarnir séu á leið úr landi. MYND/SAMSETT
VEFUR LOGO.IS Á nýjum vef geta fyrir-
tæki gegn gjaldi boðið upp á aðgang að
vörumerkjum sínum.
www.takk. is
Kíktu á heimasíðuna okkar