Fréttablaðið - 06.09.2008, Side 34

KERRUÖXLAR
Í ÚRVALI
og hlutir
til kerru-
smíða
Vagnhöfða 7
110 Reykjavík
Sími: 517 5000
SMÁBÍLAKLÚBBUR ÍSLANDS var stofnaður árið 1995 af áhuga-
mönnum um kappakstur á fjarstýrðum bílum. Félagið heldur úti heima-
síðu þar sem hægt er að afla sér alls konar upplýsinga, fróðleiks, skoða
myndir og spjallsvæði og gerast meðlimur. Sjá www.sbki.is.
„Kaflaskil virðast verða hjá for-
eldrum barna við 6 ára aldur,
þegar grunnskólaganga hefst. Þá
er allt í einu hægt að láta rök fyrir
öryggi barna í bílum lönd og leið.
Staðreynd er að 12 prósent barna
á aldrinum 6 til 9 ára eru laus í bíl-
sætum, sem er hátt hlutfall miðað
við 4 prósent leikskólabarna,“
segir Herdís Storgaard forstöðu-
maður hjá Sjóvá Forvarnahúsi.
„Flestir eru meðvitaðir um
öryggisbúnað barna upp að grunn-
skólaaldri, en virðast minna upp-
lýstir um nauðsynlegar öryggis-
ráðstafanir fyrir þau eldri. Nýleg
könnun fyrir utan grunnskóla á
höfuðborgarsvæðinu sýndi að
algengt er að börn sitji í framsæti
þótt þau nái ekki 150 sentimetra
hæð til að vera örugg andspænis
öryggispúða. Eins að foreldrar
settu sessur undir börn sín til að
hækka þau upp í öryggishæð, sem
er vítavert því púðinn skaðar
barnið eftir sem áður. Þá notar
stór hluti grunnskólabarna ein-
ungis bílbelti, sem hentar ekki
fyrir þann aldur,“ segir Herdís.
„Börn eiga að nota sérstakan
öryggisbúnað upp að 36 kílóum
sem á viðmiðunarkúrfum miðast
við 12 ára aldur. Pundið er þyngra
í íslenskum börnum og þau oft
búin að ná þessari þyngd á ellefta
ári. Hins vegar er beinagrind
barns ekki orðin nógu sterk til að
óhætt sé að nota bílbelti eitt og sér
fyrr en þau eru tólf ára. Þangað til
er mjaðmakambur þeirra flatur
og gefur ekkert grip í árekstri,
þannig að neðri hluti beltis rennur
upp og högg lendir á maganum,
þar sem líffæri eru sem geta farið
í sundur. Á Íslandi hafa orðið nokk-
ur alvarleg slys þar sem bílbelti
hafa orsakað alla áverka þar sem
barn var of ungt eða óþroskað
fyrir beltið. Þau eiga því að nota
bílpúða með baki fram að þessum
þroskamörkum og aldrei að sitja á
stökum bílpúðum, sem hafa komið
mjög illa út í slysum hérlendis;
þeir geta runnið undan börnum í
árekstrum með hörmulegum
áverkum á brjóstholi eftir bíl-
beltin. Börn þurfa stuðning fyrir
hnakka og háls fram að tíu ára
aldri því fram að þeim aldri er
höfuð þeirra of þungt í saman-
burði við líkamsbyggingu,“ segir
Herdís. „Einnig skapast hættu-
ástand í skólabílum þar sem fyrir
eru tveggja punkta belti og börn
setja sessur undir. Það samsvarar
því að setja barn á skotpall ef
árekstur verður og eðlileg krafa
er að öryggisbúnaður sé við hæfi í
skólabílum þar sem akstur þeirra
er boðinn út.“ thordis@frettabladid.is
Öryggisbúnað við hæfi
Öryggi barna í bílum er of oft látið reka á reiðanum eftir að börnin ná grunnskólaaldri. Réttur öryggisbún-
aður getur skilið á milli lífs og dauða, og vakningu þarf til að slysum vegna rangra ráðstafana megi fækka.
Herdís Storgaard, forstöðumaður Sjóvár Forvarnahúss, segir foreldra oft sofna á
verðinum gagnvart öryggi barna sinna þegar grunnskólaganga hefst. FRÉTTABLAÐIÐ/STEFÁN
Hringdu í síma
ef blaðið berst ekki