Fréttablaðið - 06.09.2008, Side 71

LAUGARDAGUR 6. september 2008
Það vissu allir að Emilíana Torr-
ini væri frábær söngkona. Eftir
að síðasta plata kom út, Fisher-
man‘s Woman árið 2005, vissu
allir að hún er líka frábær laga-
höfundur. Platan hefur selst ótrú-
lega vel á Íslandi, í um 14.000 ein-
tökum, og öfugt við margar aðrar
metsöluplötur á hún það skilið.
Áður en Fisherman‘s Woman
kom út bjóst maður svo sem ekki
við neinu sérstöku af Emilíönu.
Platan Life in the Time of Science
(frá 1999) var satt að segja ekkert
spes og þar á undan hafði hún
aðallega tekið þátt í vinsælu töku-
lagapoppi. Nú er öldin önnur. Síð-
asta plata stimplaði hana svo
hressilega inn að maður bjóst
sjálfkrafa við miklu í þetta skipt-
ið. Allt annað en skothelt verk
hefði verið vonbrigði. Engar
áhyggjur. Emilíana er ekki að
falla úr úrvalsdeildinni. Gegnheil
gæði Fisherman´s Woman halda
sér hér, þótt þessi plata sé vissu-
lega allt öðruvísi.
Á Fisherman‘s Woman vann
Emilíana úr sorg og áföllum. Það
skilaði sér í ljúfsáru meistara-
verki. Nú er hún létt á bárunni,
það er enginn blús í sjónmáli
heldur sólskinsballöður og stuð.
Líkt og á Konu sjómannsins
vinnur Emilíana með Bretanum
Dan Casey, semur með honum og
pælir í útsetningum og sándi.
Þetta samstarf er að svínvirka
sem fyrr.
Plötukaupendur fá 12 lög á 48
mínútum. Hér er heildarsvipur
aukaatriði, lögin fara í allar áttir,
Emilíönu finnst gaman að prófa
djarfar nálganir, veigrar sér ekki
við frumlegheitin. Hún er orðin
svo örugg í list sinni að hún þarf
ekki að hundelta það sem telst
hipp og kúl í augnablikinu. Nokk-
ur lög minna aðeins á hljóðheim
Fisherman‘s Woman, önnur gera
það ekki. Platan er sneisafull af
góðum lögum. Titillagið er spenn-
andi popp-reggí, en titillinn er
ruglandi. Armini? Hver er það?
Hvernig á maður að muna að hann
heiti ekki Armani? „Big Jumps“
er gerðarlegt popplag sem ætt-
leiðir dú-dú-dúandi klappstýrur
Lou Reed úr Walk on the Wild
Side. „Gun“ er frábært tilrauna-
popp sem minnir, kannski óvilj-
andi, á nýbylgjusveitina Young
Marble Giants. Oftast er snyrti-
legur einfaldleikinn allsráðandi í
útsetningunum. Næsta smáskífa,
hið ofurhressa stuðlag „Jungle
Drum“, er afkáralegast á plöt-
unni, dálítið eins og upptjúnað
sterabúnt á skákmóti. Þetta er
kannski það lag sem maður grípur
fyrst, en líka það sem maður fær
leið á nánast um leið. Platan dett-
ur svo aðeins niður í bláendann.
Tvö síðustu lögin, auk frumskóga-
trommunnar, eru sístu lög plöt-
unnar.
En þetta eru smáatriði og Emil-
íana má vel við una. Þessi plata er
spennandi, skemmtileg, fjöl-
breytt og frískandi. Dr. Gunni
Fjölbreytt og frískandi
TÓNLIST
Me and Armini
Emiliana Torrini
★★★★
Skemmtileg og einföld poppplata,
sneisafull af góðum lögum. Emilí-
ana heldur sér leikandi í úrvalsdeild
íslenskra poppara.
„Þetta verður alhliða þjónustu-
miðstöð fyrir gæludýr með dýra-
læknastofu, gæludýraverslun,
hunda- og kattahóteli, hunda-
skóla og hundasnyrti,“ segir
Hrund Hólm, dýralæknir á Dýra-
læknastofu Suðurnesja, um
Dýrasetrið á Flugvöllum sem
verður opnað formlega í dag
klukkan eitt, á Ljósanótt í
Reykjanesbæ.
Dýrasetrið mun vera fyrsta
alhliða þjónustumiðstöðin fyrir
gæludýr sem opnar hér á landi
og meðal þeirra nýjunga sem
boðið verður upp á er sundlaug
fyrir hunda. „Hundasundlaugin
er eins og hlaupabretti í mjög
stóru baðkari. Hún er gjarnan
notuð til að þjálfa hunda til
ýmissa starfa erlendis eða í
sjúkraþjálfun eftir veikindi eða
slys,“ útskýrir Hrund.
Hundanuddarinn Sigurður
Friðjónsson mun einnig hafa
aðstöðu í Dýrasetrinu og segir
Atli Þorsteinsson, eigandi hunda-
skólans og hundahótelsins K-9,
nuddið vera töluvert vinsælt.
„Nuddið er ekki bara fyrir sjúka
eða særða hunda heldur hefur
það mjög róaandi áhrif á dýrið,
líkt og nudd hefur á fólk,“
útskýrir Atli, en Sigurður mun
verða til ráðgjafar í Dýrasetrinu
í dag. „Við mælumst ekki til þess
að fólk mæti með hundana með
sér á opnunina þar sem það verð-
ur kynning á sex hundategund-
um og því gæti orðið erfitt að
hafa utanaðkomandi hunda á
staðnum líka, en hundaeigendum
og öðrum áhugasömum er vel-
komið að koma og kynna sér
starfsemina og þiggja kaffi-
sopa,“ segir Atli að lokum. - ag
Hundasundlaug
opnuð á Suðurnesjum
GÓÐ ÞJÁLFUN FYRIR HUNDA Hundasundlaugin verður til sýnis við opnun Dýra-
setursins í dag.
Engin
útborgun!
Frábær símatilboð hjá Vodafone. Þú borgar ekkert út,
afborganir dreifast á 12 mánuði á kreditkort. Auk þess
færðu 2.000 kr. inneign í hverjum mánuði í heilt ár.
Lifðu núna
Sony Ericsson W890i
• Afborgun 4.000 kr. á mánuði í 1 ár
• 2.000 kr. inneign á mánuði í 1 ár
• 500 MB niðurhal á mánuði í 1 ár*
0 kr. út
Nokia 6120
• Afborgun 2.000 kr. á mánuði í 1 ár
• 2.000 kr. inneign á mánuði í 1 ár
0 kr. út
*Gildir um gagnaflutninga innanlands.
Þú færð 2.000 kr. inneign á mánuði!
F
í
t
o
n
/
S
Í
A