Fréttablaðið - 11.09.2008, Blaðsíða 16
16 11. september 2008 FIMMTUDAGUR
nær og fjær
„ORÐRÉTT“
Mike Pollock kom eins
og sprengja inn í íslenskt
tónlistarlíf ásamt Danny
bróður sínum, Bubba Mort-
hens og fleirum í hljóm-
sveitinni Utangarðsmönn-
um árið 1980. Hann kennir
námskeið í bandarískum
beat-bókmenntum í Háskóla
Íslands í vetur.
„Þegar ég rokkaði með Utangarðs-
mönnum á sviðinu á Hótel Borg
hefði mér aldrei dottið í hug að
næstum þremur áratugum síðar
væri ég ég að kenna við Háskóla
Íslands,“ segir Michael Dean Óðinn
Pollock. Mike, eins og hann er betur
þekktur, átti þátt í því að umbylta
íslenskri rokksögu varanlega þegar
hann lék á gítar með Utangarðs-
mönnum, sem oft eru taldir hafa
ýtt íslensku pönkbylgjunni úr vör.
Þessa dagana miðlar hann áhuga-
sömum enskunemum við Háskóla
Íslands af fróðleik sínum um verk
rithöfunda sem tilheyrðu beat-kyn-
slóðinni svokölluðu í lok sjötta ára-
tugarins. Einnig hefur Mike sína
fyrstu skáldsögu í smíðum og spil-
ar blústónlist ásamt Sigga Sig, sem
hann kallar hikstalaust „besta
munnhörpuleikara á Íslandi“.
Þetta er ekki í fyrsta sinn sem
Mike sest í kennarastólinn. Áður
hefur hann kennt í Bandaríkjunum,
auk þess sem hann aðstoðaði Geir
Svansson bókmenntafræðing við
námskeið um beat-bókmenntir við
HÍ fyrir sex árum. Þeir sjá nú um
kennsluna saman.
Mike segir kennsluna andlega
gefandi. „Hefði einhver boðið mér
kennslustöðu fyrir þrjátíu árum
hefði ég þverneitað, því ég var á
móti öllu sem gat kallast hefðbund-
ið menntakerfi. Líklega var ég
anarkisti að því leytinu til. Núna sé
ég að það er alltaf skortur á góðum
kennurum sem hafa ástríðu fyrir
því sem þeir gera og gefa af sér við
kennsluna. Í dag lít ég á það sem
mikinn heiður að fá að kenna.“
Hann segist alla tíð hafa verið
mikill bókaormur. Á ungingsárum
hafi hann gleypt í sig verk ýmissa
höfunda, og ekki síst beat-höfund-
anna, eins og Ginsberg, Burroughs
og Kerouac. „Höfundar beat-kyn-
slóðarinnar áttu stóran hlut í því að
færa bókmenntir úr sínum háa fíla-
beinsturni og til fólksins. Þeir brutu
niður marga veggi að því leyti,“
segir Mike.
Gamli rokkarinn segist vera eins
og fiskur í vatni í kennslunni. „Ég
er vanur því að „performa“ og gild-
ir þá einu hvort það er uppi á sviði,
fyrir framan kvikmyndatökuvélar
eða í kennslustofu. Á löngum ferli
hef ég lært að gæða hlutina lífi, að
gera þá áhugaverða,“ segir Mike.
Eftir að önninni lýkur heldur hann
enn einu sinni til Bandaríkjanna að
kenna við háskóla. Hann segir enn
óákveðið hvað taki við eftir þá dvöl,
en ljóst sé að hann muni lifa og
hrærast í listsköpun „allt að síðasta
andardrætti, þegar ég verð hundr-
að og átta ára“. kjartan@frettabladid.is
Úr rokki í háskólakennslu
ÍSLAND Í BEAT-IÐ Mike Pollock segir verk bandarísku beat-skáldanna og rokksöguna
tengjast sterkum böndum. Þau hafi meðal annars haft áhrif á hiphop-menninguna,
og áhrif þeirra skíni í gegnum tónlistarsköpun manna eins og Bobs Dylan, Leonards
Cohen og Toms Waits. FRÉTTABLAÐIÐ/ARNÞÓR
Hugtakið „Beat-kynslóðin“ er bæði
notað yfir hóp bandarískra rithöf-
unda sem vöktu mikla athygli undir
lok sjötta áratugarins og þá menn-
ingu sem þeir fjölluðu um. Í þessu
sambandi er ekki átt við „beat“ eins
og í bítmúsíkinni sem Ríótríó söng
um, heldur „beat“ í merkingunni
„niðurbarinn“ og „búinn að vera“.
Stíll þekktustu beat-rithöfund-
anna var óformlegur, hispurslaus
og flæðandi og gjarnan víðsfjarri
reynsluheimi góðborgara þess tíma.
Helstu verk beat-kynslóðarinnar
eru oft talin vera skáldsögurnar
Howl eftir Allen Ginsberg, Naked
Lunch eftir William S. Burroughs og
On the Road eftir Jack Kerouac.
BEAT-BÓKMENNTIR
■ Kauptúnið Þórshöfn á Langa-
nesi er á láglendi við austan-
verðan Lónafjörð, innsta hluta
Þistilfjarðar. Atvinnulífið á Þórs-
höfn byggist á útgerð dagróðrar-
báta, skelfiskskips og nótabáta.
Lengi framan af voru ekki önnur
hafnarmannvirki á Þórshöfn en
smábátabryggjur úr timbri, að
því segir á langanesbyggd.is. Þar
kemur einnig fram að á Þórshöfn
er íþróttahús með yfirbyggðri
sundlaug og heitum pottum.
ÞÓRSHÖFN:
HEITIR POTTAR Á
LANGANESI
„Það er til mikilla bóta að
menn vinni eftir einhverj-
um siðaregluramma,“ segir
Pétur Markan, fram-
kvæmdastjóri Stúdentaráðs
Háskóla Íslands, um siða-
reglur stjórnmálamanna.
Hann segir að út frá sjón-
arhorni guðfræðinemans
vari hann við því að menn
gleymi sér í efnislegum
metnaði. „Menn þurfa að
brúka einhvern náunga-
kærleik og þá er ágætt að fara yfir
einföld boðorð eins og að ljúga ekki
og stela ekki,“ segir Pétur.
„En ég fagna því ef siðvæða
á stjórnmálin. En ég held að
menn ættu að horfa til hins
skilyrðislausa skylduboðorðs
Kants sem segir að menn eigi
aldrei að nota manneskjur
sem tæki. Mér finnst það vera
eitthvað sem stjórnmálamenn
ættu að hafa sem reglu.
Samanber borgarpólitíkina, þar
hefði verið hægt að koma í veg
fyrir einhverja meirihlutamynd-
un ef þetta boðorð hefði verið haft í
hávegum.“
SJÓNARHÓLL
SIÐAREGLUR STJÓRNMÁLAMANNA
Einföld boðorð
PÉTUR MARKAN
Framkvæmda-
stjóri
Listaverkið Hvirfill, minnismerki
um 100 ára afmæli vélbátaútgerð-
ar frá Sandgerði, var afhjúpað
við hátíðlega athöfn í síðustu
viku.
Í ræðu af þessu tilefni minntist
Reynir Sveinsson, formaður hafn-
arráðs, þess að 4. febrúar 1907
hafi mótorbáturinn Gammur RE
107 hafið fiskveiðar frá Sand-
gerði og með því hafið nýjan kafla
í sögu Miðneshrepps. Í tilefni 100
ára afmælisins hafi bæjarstjórn
efnt til samkeppni um útilista-
verk sem skyldi verða hreyfan-
legt eftir vindi sem tákn þess að
skip eru á sífelldri hreyfingu.
Alls bárust fjórtán tillögur en
dómnefnd ákvað einróma að velja
verkið Hvirfil eftir Jón Þórisson.
- ovd
Útilistaverkið Hvirfill afhjúpað í tilefni af 100 ára vélbátaútgerð frá Sandgerði:
Vélbátaútgerð í hundrað ár
HVIRFILL Listaverkið er smíðað úr ryðfríu
stáli með koparskrúfu í miðju sem vísar
til þess að skrúfurnar mynda hvirfil frá
skipum með vélum.
„Hjá mér hefur verið nóg að gera í tengslum við
afleiðingar af jarðskjálftunum í maí og dagleg
verkefni sveitarfélags sem stækkar svona
hratt,“ segir Ragnheiður Hergeirsdóttir,
bæjarstjóri í Árborg.
Hún segir að íbúum Árborgar hafi
fjölgað um rúmlega 400 manns á
einu ári og nú búi tæplega 7.900
manns í sveitarfélaginu. Það sé
5,4 prósenta íbúafjölgun sem sé
langt yfir landsmeðaltali. Þessu
fylgi ýmis verkefni.
„Við vorum að opna nýjan
leikskóla á Selfossi á föstudaginn.
Hann leysti af hólmi tvo eldri leik-
skóla og svo kom auðvitað fullt
af nýjum plássum. Svo erum við
að taka í notkun nýja deild við
leikskólann á Stokkseyri.“
„Við erum svo að taka upp hvatapeninga eða
niðurgreiðslur á íþrótta- og tómstundastarfi
barna og ungmenna upp að átján ára aldri.“
Greiðslurnar séu nú tíu þúsund krónur fyrir
önnina, en vonast sé til að hægt verði að
hækka þá upphæð að ári.
„Í vikulokin ætlum við svo að dreifa á
öll heimili nýrri forvarnastefnu með
aðgerðaáætlun.“ Hún segir fulltrúa
þrjátíu og þriggja stofnana og félaga
hafa unnið að gerð áætlunarinnar
sem snúist um líðan og hagi barna og
ungmenna í sveitarfélaginu. „Þetta
snýr að heilbrigðum lífsháttum,
sjálfsmynd og sjálfsvirðingu og
mikil áhersla er lögð á ábyrgð
foreldra.“ Hún segir sveitarfélag-
ið hafa lagt mikla vinnu í þetta
verkefni.
HVAÐ ER AÐ FRÉTTA? RAGNHEIÐUR HERGEIRSDÓTTIR, BÆJARSTJÓRI Í ÁRBORG
Hlaðin verkefnum í Árborg
Ólöglegur skíthroði
„Agnes hefur klárlega brotið
lög með orðbragði sínu og
skíthroða í minn garð.“
ÁRNI JOHNSEN ALÞINGISMAÐUR Í
UPPGJÖRI VIÐ AGNESI BRAGA-
DÓTTUR.
Morgunblaðið, 10. september.
Löglegur skíthroði
„Yfirlýsing hans er fáránlegt
skítkast og allt í lagi með
það.“
AGNES BRAGADÓTTIR SVARAR
UPPGJÖRI ÁRNA JOHNSEN.
Morgunblaðið 10. september.