Fréttablaðið - 11.09.2008, Blaðsíða 41
FIMMTUDAGUR 11. SEPTEMBER 2008 5
Veggfóður er upplífgandi
ásýndar á fallegum heimilum,
en vandasamt að leggja og
talsvert flókið í viðhaldi.
„Það er erfitt að laga skemmt
veggfóður, en sumir geta allt, þótt
í flestum tilvikum sé best að fá
fagmann í verkið,“ segir borgar-
fulltrúinn Þorleifur Gunnlaugs-
son, sem rekur fyrirtækið ÞG
Dúklagnir og veggfóðrun.
„Ég ráðlegg fólki að geyma
rúllu af veggfóðri til að skeyta inn
í ef eitthvað kemur upp á, en vegg-
fóður vill upplitast og hætt við að
mismunur sjáist,“ segir Þorleifur,
sem er með reyndari mönnum í
faginu. „Sé veggfóður farið að
gúlpa er það yfirleitt merki um
rakaskemmd í vegg. Losni vegg-
fóður við samskeyti má setja lím
undir, en stundum þarf að skera
fínan skurð að ofan og neðan til
að setja lím. Sé skemmd í miðju
þarf að skera beinan skurð og lít-
inn þverskurð við hvorn enda til
að koma undir lími, en varast að
setja of mikið og hafa við hönd-
ina blauta tusku til að slétta vel.
Í lokin þarf að þrífa vel sárið og
svæðið í kring,“ segir Þorleifur,
sem lærði veggfóðrun hjá föður
sínum á þeim árum þegar Íslend-
ingar veggfóðruðu í mismunandi
mynstrum og tilheyrandi litadýrð.
„Á endanum misbuðu menn
sér og hættu að veggfóðra, en
nú er þetta aðeins að koma aftur
en þó ekki mikið, eins og tíðk-
ast á Bretlandi og í Skandinavíu.
Hér má þó enn sjá lög af vegg-
fóðri í fínni húsum, frá þeim tíma
þegar límt var yfir pappírsvegg-
fóður á tveggja ára fresti, en í
dag hafa bæst við vínyl veggfóður
sem eru mun endingarbetri, þótt
mörgum þyki pappírinn fallegri
og náttúrulegri,“ segir Þorleifur.
„Veggfóður skemmist sé það þvegið
með sterkum efnum og þarf að var-
ast salmíak sem gengur í samband
við efnið svo eftir situr skítur. Best
er því að nota náttúruleg þvotta-
efni, án aukaefna,“ segir Þorleifur,
sem í lokin gefur upp réttu aðferð-
ina við veggfóðrun. „Það skiptir
miklu, og þá sérstaklega með
glansandi vínylveggfóður, að vinna
vegginn eins sléttan og hægt er því
stakt sandkorn virkar eins og fjall
á glansfleti. Þá er mikið atriðið
fyrir endingu að setja veggfóðurs-
pappír áður en veggfóðrað er, en
það getur lengt líftíma um áratugi.
Byrja því að vinna vegginn vel,
slípa hann, sparsla og slétta, vegg-
fóðra því næst með pappír, slípa og
sópa pappírinn og loks setja vegg-
fóðrið á.“ - þlg
verk að vinna ● fréttablaðið ●
Sandkorn verður að fjalli
● FALLEGIR DÚKAR
HENGDIR Á TRÉ Vel
straujaður dúkur á borði er
einstök heimilisprýði. Þegar
vandað er til við að strauja
dúkinn er oft hvimleitt þegar
brotin verða of áberandi
þegar dúkurinn er loks settur
á borðið, eftir að hann hefur
verið geymdur lengi í hillu.
En það er sannarlega ekki
sama hvernig góður og vand-
aður dúkur er geymdur. Fyrir-
taks húsráð er að setja dúkinn
á tvöfalt herðatré og hengja
upp í skáp, eins og um hverja
aðra flík væri að ræða. Best
væri að koma sér upp herðatré
með tvöfaldri slá og setja fleiri
en einn dúk á slána. Þannig er
hægt að koma bestu dúkum
heimilisins fyrir á einfaldan og
öruggan hátt.
Fallegt getur verið að sníða
gler í sömu stærð og borð-
platan, breiða dúk á borðið
og leggja glerplötuna ofan á.
Þá þarf ekki að geyma fallegu
dúkana í skáp og þeir haldast
hreinir lengur.
Þorleifur Gunnlaugsson borgarfulltrúi segist hafa gaman af því að veggfóðra heima, því auðvelt sé að breyta til og ekki síst
gaman að hafa útlitið aðeins öðruvísi. FRÉTTABLAÐIÐ/ANTON