Fréttablaðið - 07.11.2008, Qupperneq 10

10 7. nóvember 2008 FÖSTUDAGUR
STJÓRNMÁL Í endurskoðuðu
frumvarpi um innleiðingu
matvælalöggjafar Evrópusam-
bandsins er fastar kveðið á um
heilbrigði ferskra kjötvara sem
fluttar verða til landsins.
Þannig á að reyna að girða fyrir
að kamfýlóbakter-mengað
kjúklingakjöt berist hingað.
Með því móti er reynt að koma
til móts við fjölda athugasemda
við fyrra frumvarpið sem lagt
var fram síðasta vetur.
Frumvarpið er til lokavinnslu í
sjávarútvegs- og landbúnaðar-
ráðuneytinu og er væntanlegt til
þingmeðferðar á næstu vikum.
- bþs
Matvælalöggjöf ESB:
Aukinn vari við
kamfýlóbakter
EFNAHAGSMÁL „Ákvörðun fjár-
málaráðuneytisins er afar
óheppileg,“ segir Jón Steindór
Valdimarsson, framkvæmdastjóri
Samtaka
iðnaðarins, um
tímabundna
frestun á
útboðum
Vegagerðarinn-
ar vegna
tilmæla
fjármálaráðu-
neytisins.
„Frekari óvissa
og frestun
framkvæmda
mun einungis hraða og magna upp
atvinnuleysi. Það verði að ætlast
til þess af stjórnvöldum að þau
reyni eftir mætti að halda sínu
striki varðandi framkvæmdir sem
eru í gangi auk fyrirhugaðra fram-
kvæmda,“ segir Jón á vef SI. - gar
Samtök iðnaðarins ósátt:
Telja rangt að
fresta vegagerð
JÓN STEINDÓR
VALDIMARSSON
SVEITARSTJÓRNIR „Við teljum
eðlilegt að laun sveitarstjórnar og
nefnda verði endurskoðuð í
samræmi við almenna launaþró-
un á næstunni,“ bókuðu bæjar-
ráðsmennirnir Gunnar Bragi
Sveinsson og Gréta Sjöfn
Guðmundsdóttir í Skagafirði
þegar þau felldu tillögu áheyrnar-
fulltrúans Bjarna Jónssonar úr
Vinstri grænum um að tekið yrði
„fyrir sjálfvirkar launahækkanir
fyrir sveitarstjórnar- og nefndar-
störf hjá sveitarfélaginu“. - gar
Bæjarfulltrúar í Skagafirði:
Felldu tillögu
um launastopp
Rekinn fyrir káf
Stefan Johansson, einn nánasti sam-
starfsmaður finnska jafnréttisráðherr-
ans Stefans Wallin, hefur verið rekinn
fyrir að hafa káfað á brjósti konu í
kokteilveislu í sendiráði nýlega.
FINNLAND
EFNAHAGSMÁL Stjórnendur bank-
anna virða ekki í nægilega ríkum
mæli störf og sjálfstæði reglu-
varða. Þetta fullyrða lögmenn sem
þekkja til og Fréttablaðið ræddi
við í gær.
Æðstu stjórnendur íslenskra
banka hafi um langt skeið verið á
„gráu svæði“ í umgengni sinni við
lög og reglur.
Hlutverk regluvarðar er meðal
annars að halda lista yfir innherja
og hafa auga með viðskiptum
þeirra með hlutabréf í fyrirtæk-
inu sem þeir starfa hjá, sé það
skráð á markað. Hann þjónar í
raun sem nokkurs konar hluti af
innra eftirliti fyrirtækis.
Menn sem þekkja til slíkra
starfa segja að viðvörunarljós
hefðu átt að kvikna hjá regluverði
Kaupþings þegar ákveðið var að
fella niður ábyrgðir starfsmanna
vegna lána þeirra til hlutabréfa-
kaupa, hafi hann vitað um gjörn-
inginn.
Ólöf Embla Einarsdóttir, reglu-
vörður Kaupþings, sagði fátt
þegar hún var spurð út í störf sín í
gær.
Hún sagðist vinna í samræmi
við lög og í samvinnu við Fjár-
málaeftirlitið.
Hún neitaði að upplýsa um hvert
hlutverk regluvarðar væri að
hennar mati. Enn fremur vildi hún
ekkert tjá sig um hvernig því hlut-
verki hefði verið sinnt, þegar
ákveðið var að fella niður ábyrgðir
starfsmanna á lánum sem þeir
höfðu fengið hjá bankanum til
hlutabréfakaupa.
Helgi Sigurðsson, yfirlögfræð-
ingur Kaupþings, segir að
ákvörðun stjórnarinnar hafi
byggst á áliti frá sér. Það sé á sína
ábyrgð. Hún varði breytingu á
skilmálum lána og sé ekki á verk-
sviði regluvarðar.
Fram kemur í reglum Kaup-
þings um innherjaupplýsingar og
viðskipti innherja, að bankanum
sé á eigin ábyrgð heimilt að fresta
því að birta innherjaupplýsingar,
til að vernda lögmæta hagsmuni
bankans, „svo framarlega sem
frestunin er ekki líkleg til að villa
um fyrir almenningi [...]“.
Fram hefur komið að niðurfell-
ing lána starfsmanna vegna hluta-
bréfakaupa var gerð til þess að
koma í veg fyrir að lykilstarfs-
menn seldu hluti sína. Það hefði
haft slæm áhrif á stöðu bankans.
Regluvörðurinn á samkvæmt
reglum Kaupþings sem stjórn
bankans samþykkti 29. september
2005, að sjá um að fylgja þeim
eftir. Fjármálaeftirlitið hefur
einnig staðfest reglurnar.
ingimar@markadurinn.is
Stjórnendur virði lítt
störf regluvarðanna
Stjórnendur banka bera ekki virðingu fyrir regluvörðum og sjálfstæði þeirra,
að mati manna sem til þekkja. Regluvörður Kaupþings hafi átt að stíga á
bremsu þegar stjórnendur bankans ákváðu að fella niður lán til starfsmanna.
FORSTJÓRINN OG STJÓRNARFORMAÐUR Regluvörður Kaupþings vill ekki tjá sig um
hvernig hann brást við þegar æðstu stjórnendur felldu niður ábyrgðir starfsmanna á
lánum vegna hlutabréfakaupa. Óvíst er hvort hann vissi af gjörningnum.
FRÉTTABLAÐIÐ/STEFÁN
ELDUR Í PRAG Um 150 slökkviliðs-
menn unnu að því í gær að slökkva
gríðarmikinn eld sem braust út á
markaðstorgi í Libus-hverfi í suður-
hluta Prag, höfuðborg Tékklands.
FRÉTTABLAÐIÐ/AP