Fréttablaðið - 07.11.2008, Qupperneq 32

6 föstudagur 7. nóvember
G
arður Gerðar Krist-
nýjar er drauga-
saga fyrir börn á
aldrinum 9-14 ára
og hefur fengið af-
bragðs dóma gagnrýnenda. Hún
segir að sig hafi langað að skrifa
bók þar sem engin miskunn
væri gefin í draugagangi. Í bók-
inni kemur spíritismi við sögu og
spænska veikin sem blossaði upp
hér á landi fyrir nákvæmlega 90
árum. Þótt sagan sé skáldskap-
ur býr hún yfir nokkrum fróð-
leik um sögu Reykjavíkur. „Það
eru margir draugalegir og áhuga-
verðir staðir hér í Reykjavík, svo
sem Fógetatorgið með styttunni
af Skúla Magnússyni en þar eru
þrjár fyrstu kynslóðir Reykvík-
inga grafnar. Í sögunni læt ég líka
hús við Túngötuna og annað í
Grjótaþorpinu sem sögusvið þar
sem spíritistafundir voru haldn-
ir í eina tíð. Þarna svifu stólar um
stofur, framliðin börn struku fólki
um vanga og útfrymið vall upp úr
miðlunum,“ segir Gerður Kristný.
Hún bætir því við að spírit-
isminn hafi blossað upp í kjölfar
spænsku veikinnar því þá hafi svo
margt ungt fólk dáið og ættingj-
arnir átt erfitt með að sætta sig
við að það væri endanlega farið.
„Í Hólavallagarðinum, sem nafn
bókarinnar, Garðurinn, vísar til,
getur að líta leiði þar sem heilu
systkinahóparnir eru grafnir.“
Sem krakki var Gerður svo
hrædd við drauga að hún gerði
krossmark í hvert horn í herberg-
inu sínu áður en hún fór að sofa
til að halda draugunum frá. Við
nánari eftirgrennslan játar hún
að geta magnað upp í sér drauga-
hræðsluna enn þann dag í dag. „Ég
fór stundum í andaglas með vin-
konum mínum þegar ég var ungl-
ingur en ég tók það svo alvarlega
að ég hætti mér ekki oft í það.“
LYFTIST GLASIÐ?
„Já, heldur betur, það þeytt-
ist frá einum staf til annars.
Þetta var ákaflega dularfullt. Ég
fékk þó aldrei neinar merkileg-
ar upplýsingar um framtíðina úr
andaglasinu, enda þurfti ég ekkert
á því að halda því ég vissi alveg að
ég ætlaði að verða rithöfundur.“
Fyrir fjórum árum stóð Gerður
Kristný upp úr ritstjórastól Mann-
lífs til að gerast rithöfundur í fullu
starfi. Það eru ekki allir sem þora
að segja upp vel launuðu starfi
til að halda út í óvissuna en hún
segir að það sé ómetanlegt að fá
að vinna að skáldskapnum, geta
lesið bækur og haft nægan tíma til
að velta hugmyndum fyrir sér því
ritstörfin krefjast þess að maður
einbeiti sér algjörlega að þeim.
Þótt hún hafi sagt upp vel laun-
aða starfinu lifir hún ekki við sult,
eymd og volæði. „Ég geri mjög
raunsæjar kröfur til lífsins og þá
fæ ég líka á tilfinninguna að allt
gangi mér í hag.“
Á sama tíma og Gerður hætti
sem ritstjóri Mannlífs eignaðist
hún frumburð sinn og vissulega
breyttist líf hennar við það. Lengi
vel langaði hana hins vegar ekk-
ert til að eignast börn. „Mér fannst
hálfleiðinlegt að vera barn og lang-
aði lengi vel ekkert til að varpa því
ástandi yfir á aðra. Dag nokkurn
fór ég hins vegar í heimsókn til
mágkonu minnar og sá þar litla
dóttur hennar þar sem hún hafði
hreiðrað um sig í stól með Tinna-
bók. Á bak við hana breiddu allar
teiknimyndasögurnar sem mág-
kona mín og eiginmaður minn
höfðu safnað sem krakkar og þá
laust því niður í huga minn hvað
það hlyti nú að vera dásamlegt að
vera lítill krakki og eiga eftir að
lesa alla þessa dásemd. Þá kvikn-
aði hjá mér löngun í barn og nú á
ég tvo stráka.“
MYNTKÖRFUKYNSLÓÐIN
SPROTTIN FRAM
Í árferði sem þessu er ekki hægt
annað en að spyrja Gerði Kristn-
ýju út í peninga. „Ég hef komist að
því að ég er af myntkörfukynslóð-
inni. Það er fólk á aldrinum 25 til
fertugs sem ekki aðhylltist lífsstíl
krúttanna og vílaði ekki fyrir sér
að taka erlend lán þrátt fyrir alla
áhættuna sem þeim fylgdi. Ég var
að vona að ég slyppi við kreppuna
fyrst góðærið ók framhjá mér á
Range Rovernum með fingurinn
á lofti en auðvitað verðum við
öll fyrir barðinu á henni. Ég vona
samt að mér takist að halda áfram
að vinna við það sem mig langar
mest. Síðan tamdi ég mér ágætis
sparnaðarráð fyrir fáeinum árum.
Þegar mig langar óskaplega mikið
í eitthvað skrifa ég það sem ég hef
nýlega eignast á miða og festi upp
á vegg. Það slær á græðgina.“
Ef allir hugsuðu eins og Gerður
Kristný væri myntkörfukynslóðin
líklega ekki gjaldþrota. Hún játar
að hafa tekið krepputalið svolítið
inn á sig þegar farið var að tala
um vöruskort. „Þá rauk ég út í
hendingskasti og keypti jólagjafir
handa sonum mínum áður en það
sem mig langaði til að gefa þeim
seldist upp og birtist aftur á upp-
sprengdu verði. Mér leið eilítið
betur á eftir. Svo verður maður
bara að velja vel hvaða fjölmiðl-
um maður ætlar að fylgjast með.
Best er auðvitað að hafa alltaf
slökkt á Speglinum á Rás 1. Þar
virðast menn hafa himin höndum
tekið að geta nú loksins hætt að
velta sér upp úr hlýnun jarðar og
snúið sér að kólnun hagkerfisins.
Í stað örvæntingarfullra ísbjarna
er nú sagt frá kaupsýslumönnum
sem troða marvaðann í skulda-
feni án þess að sjáist til lands.“
Gerður Kristný birtist í nýju
hlutverki í fyrra þegar hún tók
að sér menningargagnrýni í sjón-
varpsþættinum Mannamáli hjá
Sigmundi Erni á Stöð 2. Hún
Gerður Kristný
fer inn á nýjar brautir í
draugasögunni Garð-
inum sem fékk sjálfa
Kolbrúnu Bergþórsdótt-
ur til að tárast eins og
kom fram í síðasta þætti
Kiljunnar. Þótt þetta sé
bók fyrir börn og ungl-
inga langaði Gerði lengi
vel ekki til að eignast
nein börn sjálf því henni
fannst stundum hálfleið-
inlegt að vera barn.
Viðtal: Marta María Jónasdóttir
Ljósmyndir: Stefán Karlsson
Förðun: Inga hjá Bobby Brown
✽
ba
k v
ið
tjö
ldi
n
BLÚS ANDANNA
Gerður Kristný Guðjónsdóttir Hætti í fastri vinnu fyrir fjórum árum og sér ekki eftir því. Nú einbeitir hún sér að ritstörfum og fjöl-
skyldulífi.
Besti tími dagsins:
Morgnarnir. Ég hefði aldrei getað orðið almenni-
leg óreglumanneskja því óregla fer oftast fram
seint á kvöldin og næturnar og þá hef ég yfirleitt
verið sofnuð.
Uppáhaldsmaturinn:
Nammi.
Um hvað myndir
þú aldrei yrkja?
Það eru engir bann-
listar í ljóðagerð. Ég
gæti því alveg átt eftir
að semja kviðu um
myntkörfukynslóðina þótt
ekki sjáist merki hennar
enn í ljóðunum mínum.
Uppáhaldsverslunin:
Bókabúðirnar í miðbænum og
Janusbúðin á Barónstígnum.
Diskurinn í spilaranum:
Visor från vinden með Sofiu
Karlsson, Only by the Night
með Kings of Leon og nýút-
komni ljóðadiskurinn hans
Sjóns.
Líkamsræktin:
Ég lyfti lóðum og fer á stig-
vél í ræktinni úti á Nesi.
Það fer eftir músíkmynd-
böndun-
um hvað ég
þrauka lengi
á stigvélinni.
Hverju getur
þú ekki verið án?
Ímyndunarafls.
Hvað er í snyrtibuddunni
þinni?
Túbugloss frá Bobbi Brown sem
heitir „Cherry Tint“, „Shroom“-
augnskugginn og augnblýantur-
inn „Buried treasure“ frá MAC,
maskari frá Chanel og slatti af
Parkodin forte.
Rope yoga tímar
Höf›abakka 9 Sími: 511-1575 www.hreyfigreining.is
Heilsurækt í húsi Hreyfigreiningar, Höf›abakka 9
N‡tt námskei› hefst 3. nóvember.
Í Hreyfigreiningu eru í bo›i Rope yoga tímar tvisvar í viku.
Rope yoga æfingar styrkja líkamann me› mismunandi æfingum sem
Rope Yoga b‡›ur uppá, auk fless sem flær samhæfa og au›velda
hverjum og einum a› lifa lífinu á betri veg, me› sem minnstu vi›námi.
Rope-yoga firi›judaga og fimmtudaga 16.30-18.00
Skráning í síma 511 1575.