Fréttablaðið - 29.11.2008, Blaðsíða 63
LAUGARDAGUR 29. nóvember 2008 51
➜ VISSIR ÞÚ?
... að Kristín Helga var einu
sinni fréttamaður á Stöð 2?
... að hún var að gefa út fjórðu
bókina sína um Fíusól, Fíasól er
flottust?
... að hún vaknar alltaf klukkan
sjö á morgnana?
... að hún er Garðbæingur í húð
og hár?
... að hún hjólaði með fjöl-
skyldunni þvert yfir Skotland
síðastliðið sumar?
að hún er að lesa ævisögu
skosku hetjunnar Robs Roy?
að fyrsta barnabókin hennar
kom út árið 1997, Binna þú ert
flottust?
... að Davíð Þór er að hlusta á
Njálu?
... að hann skrifar upp ljóð
Jónasar Hallgrímssonar til að
bæta máltilfinningu sína?
... að hann hefur verið að túra
með Mugison?
... að hann keypti bíl af Ómari
Ragnarssyni á 40 þúsund?
... að hann skipulagði mótmæli
gegn virkjun Kárahnjúka?
að hann lærði á píanó og
saxófón í Tónlistarskóla Akra-
ness frá níu ára aldri?
að hann útskrifaðist með
ágætiseinkunn frá FÍH árið
2001?
K: „Við þurfum að breyta hugar-
farinu og samfélaginu og það
kallar á réttlæti og uppgjör. Ég er
ekki að tala um að setja fólk í
gapastokk, heldur bara að allir
axli ábyrgð, í alvöru, ekki bara
segja í fjölmiðlum að þeir axli
ábyrgð og sitja svo fastast.“
D: „Þetta fólk á að koma fram og
segja fyrirgefið.“
K: „Segja fyrirgefðu, ég svaf á
vaktinni. Og svo vil ég að eignir
auðmanna verði frystar, mér
finnst mjög einkennilegt að þeir
séu að kaupa fyrirtæki á bruna-
útsölu.
D: „Já hvaðan koma þeir pening-
ar. Sko, rýtingarnir og axirnar
hafa verið í glerskápunum lengi,
en ef það verður ekkert gert þá
verður hér bara stjórnleysi.
Menn með tíu í reikningi en núll í
siðfræði geta ekki stjórnað land-
inu.“
K: „Hér gekk allt út á sýn frjáls-
hyggjunnar, en frelsi fylgir
ábyrgð og mannlegt eðli er
þannig að það verður bara að
ramma það inn með lögum.“
D: „Það vantar upp á að apaeðli
okkar sé viðurkennt.“
Rosalegt páwer í krökkum
Hvernig haldið þið að menningin
spjari sig í kreppunni?
K: „Ég held að það séu að renna
upp æðislegir tímar fyrir menn-
inguna, við verðum að hugsa inn
á við og lesa bækur og leita í það
sem gerir okkur mennsk sem er
menningin.“
D: „Við eigum frábæra kandídata
á öllum sviðum í menningunni,
ég veit það, ég hrærist í öllu og
þrífst á allri flórunni.“
K: „Mín veruleikatenging er að
fara og hitta grunnskólabörn, það
er minn hópur. Nú erum við Hall-
dór Baldursson teiknari að taka
þátt í verkefni saman sem heitir
Skáld í skólum, við erum með
prógramm sem heitir Fíasól og
flinki teiknarinn, og það er svo
frábært að hitta krakkana, þeir
eru svo skemmtilegir.“
D: „Ég fór einmitt í svona heim-
sókn með Ragnari Kjartanssyni
myndlistamanni, við vorum að
tala um tónlist og myndlist og
páwerið í krökkunum, það er
rosalegt.“
K: „Það var svo gaman þegar
Halldór var að segja þeim að
hann ynni sem skrípóteiknari,
alveg eins og hann vildi þegar
hann var lítill, þetta finnst krökk-
um frábært.“
D: „Það þarf að hvetja krakka.“
K: „Ég var að fylgjast með loka-
kvöldi unglinga sem tóku þátt í
Dale Carnegie-námskeiði, fjór-
tán, fimmtán ára krakkar, þið
vitið, aldurinn þar sem margir
vonast hreinlega eftir því að
verða veggfóður. En þarna voru
þau að læra að stíga út úr þæg-
indahringnum og í lokin áttu þau
að lýsa því hvernig framtíðin
þeirra yrði. Þau hrópuðu alls
kyns jákvæða hluti eins og: Fram-
tíðin er björt eins og sólin sjálf.
Eftir þetta fór ég beint á borgara-
fundinn í Háskólabíói og heyrði
fullorðið fólk tala um hvað fram-
tíðin væri vonlaus. Ég fór bara
heim og hugsaði: krakkarnir eru
æðislegir, þeir redda þessu.“
Alltaf á skíðum
Ef þið ættuð að lýsa fullkomnum
sunnudegi hjá hvort öðru hvernig
væri hann?
D: „Þú myndir vakna, ekki allt of
snemma.“
K: „Hmmm, ekki alveg rétt, ég
vakna alltaf snemma.“
D: „Ó, þá verð ég að hugsa
aðeins.“
K: „Þú myndir sofa fram eftir, þú
værir í Borgarfirði og færir að
veiða eftir hádegi og síðan heim
að grilla aflann.“
D: „Eða gera hann að sushi, þetta
er nokkuð gott.“
K: „Svo myndir þú lesa stjórnar-
skrána og Kommúnistaávarpið.“
D: „Ókei. Þú myndir vakna
snemma, eiga friðarstund, vekja
svo liðið og fara í göngutúr. Eða
kannski taka kallinn í bröns og
undirbúa svo ræðuna sem þú ætl-
aðir að messa yfir okkur hinum,
endaðir kannski í bíó.“
K: „Ég fer reyndar aldrei í bíó.
Þetta hljómar rosa vel, en veistu,
á veturna fer ég bara á skíði,
vakna, smyr nesti og svo á
skíði.“
Bólgu í munni og hálsi má lina með því að...
Stíflaðar nasir má lina með því að...
Þegar maður er með kvef og særindi í hálsi er almennt gott að...
Otrivin auðveldar þér andardrátt
þegar þú ert með kvef!
Strepsils, við særindum í hálsi!