Fréttablaðið - 29.11.2008, Blaðsíða 94
82 29. nóvember 2008 LAUGARDAGUR
FÓTBOLTI Á enska vefmiðlinum
This is Lancashire var í gær
greint stuttlega frá heimsókn
heimildarmyndagerðarmanna á
heimili landsliðsmannsins
Grétars Rafns Steinssonar hjá
Bolton og er þar átt við upptökur
á nýju sjónvarpsþáttaröðinni
Atvinnumennirnir okkar sem
Stöð 2 Sport mun sýna snemma á
næsta ári.
„Tekin voru upp myndbrot af
varnarmanninum að slappa af á
heimili sínu, að kaupa nýjan bíl
og við æfingar með Bolton.
Einnig var Grétar Rafn myndað-
ur ásamt nokkrum liðsfélögum
sínum hjá Bolton í keppni í
GoKartbílaakstri. Í þættinum
mun svo einnig koma fram að
Grétar Rafn og eiginkona hans
ætli að endurnýja hjúskaparheit-
in á Íslandi næsta sumar,“ segir
meðal annars í fréttinni.
Kvikmyndatökumaðurinn
Hannes Þór Halldórsson,
markvörður Fram, er leikstjóri
þáttanna.
„Við erum afar þakklátir
Grétari og eiginkonu hans fyrir
að bjóða okkur velkomna á
heimili sitt og fyrir alla hjálpsem-
ina við tökur á þættinum,“ segir
Hannes. - óþ
Atvinnumennirnir okkar:
Grétar Rafn
heimsóttur
GRÉTAR RAFN Var nýlega heimsóttur
vegna sjónvarpsþáttaraðarinnar Atvinnu-
mennirnir okkar. NORDIC PHOTOS/GETTY
FÓTBOLTI Eiður Smári Guðjohnsen
gaf það út í vikunni í viðtali á
Spáni að hann ætlaði að velja sér
þá landsleiki sem hann spilar í
framtíðinni. Fréttablaðið komst
hins vegar af því að það er ekkert
nýtt að besti knattspyrnumaður
þjóðarinnar sleppi ákveðnum
landsleikjum þegar farið var yfir
þá leiki sem hann hefur spilað og
sleppt undanfarin átta ár. Eiður
Smári hefur aðeins spilað 12 af 38
vináttulandsleikjum A-landsliðs
karla síðan hann kom inn í lands-
liðið haustið 1999.
Eiður Smári hefur ekki látið sig
vanta í alvörulandsleiki Íslands á
þessum átta árum. Eiður Smári
hefur spilað 42 af 47 leikjum
Íslands í undankeppnum á þessum
tíma sem gera 89 prósent leikj-
anna.
Eiður hefur verið í leikbanni í
tveimur þessara leikja sem hann
hefur misst af og var meiddur í
öðrum tveimur leikjum. Það er
aðeins leikurinn á móti Dönum
sem sker sig úr en Eiður Smári
dró sig út úr hópnum af persónu-
legum ástæðum í fyrsta leiknum
undir stjórn Ólafs Jóhannessonar.
Eiður Smári fær því A fyrir mæt-
ingu þegar leikirnir skipta máli.
Eiður Smári hefur stærsta hluta
þessa tíma átti í harðri samkeppni
í sínu félagsliði hvort sem það var
hjá Chelsea eða Barcelona. Mæt-
ingin hjá Eiði er því enn verri í
vináttulandsleiki sem eru spilaðir
þegar keppnistímabilið er í fullum
gangi - frá september til apríl.
Eiður Smári hefur aðeins komið í
5 af 25 vináttulandsleikjum á þeim
tíma ársins eða aðeins 20 prósent
leikja í boði.
Það er ekki bara mætingatöl-
fræðin sem er athyglisverð heldur
virðist vera að framlag hans í
æfingaleikjunum sé ekki nærri
því það sama og þegar eitthvað er
undir í landsleikjum.
Þetta kemur í ljós þegar marka-
skor Eiðs Smára í vináttulands-
leikjum er borið saman við marka-
skor hans í leikjum í undankeppnum
HM og EM. Eiður Smári hefur
skorað 3 mörk í 12 vináttuleikjum
sínum frá 2000 eða 0,25 mörk að
meðaltali í leik. Hann hefur aftur
á móti skorað 19 mörk í 42 alvöru-
landsleikjum eða 0,40 mörk að
meðaltali í leik sem frábær töl-
fræði fyrir þennan hæfileikaríka
leikmann.
Þessi munur kemur kannski enn
betur í ljós þegar þessar tölur eru
reiknaðar út frá spilatíma. Það
hafa nefnilega liðið 338,7 mínútur
á milli marka hjá Eiði Smára í
þessum tólf vináttulandsleikjum
en sá biðtími er kominn niður í
181,6 mínútu í alvörulandsleikjun-
um. Hér munar því 157 mínútum
eða rétt tæpum tveimur leikjum á
framlagi Eiðs Smára eftir því
hvort leikirnir skipta einhverju
máli eða ekki.
Eiður Smári er líka að taka hlut-
fallslega miklu minni þátt í marka-
skorun íslenska liðsins í vináttu-
landsleikjum miðað við
alvörulandsleiki. Eiður Smári
hefur aðeins skorað 17,6 prósent
marka Íslands í þeim tólf vináttu-
landsleikjum sem hann hefur spil-
að undanfarin átta ár en hefur
hins vegar skorað 32,8 prósent
marka Íslands í leikjum í undan-
keppnum HM og EM frá haustinu
1999.
Ólafur Jóhannesson hefur nú
stjórnað íslenska landsliðinu í
þrettán leikjum og Eiður Smári
hefur mætt í sex þessara leikja
eða minna en helming. Hann hefur
ennfremur aðeins mætt í 2 af 8
æfingaleikjum undir stjórn Ólafs.
Ólafur tók fyrirliðabandið af Eiði
og hefur neitað að gera eitthvað
mál úr þessu viðtali hans við
spænska blaðið Sport. Það verður
hins vegar fróðlegt að fylgjast
með næstu verkefnum landsliðs-
ins og hvort yfirlýsing Eiðs Smára
eigi jafnvel eftir að þýða það að
mæting hans á alvöruleiki eigi
eftir að breytast. ooj@frettabladid.is
Hefur misst af 68 prósent leikjanna
Það er ekkert nýtt að Eiður Smári Guðjohnsen taki sér frí frá vináttulandsleikjum. Eiður Smári skorar líka
minna í vináttulandsleikjum sem hann spilar en hann gerir í landsleikjum í undankeppnum HM og EM.
BETRI Í ALVÖRULEIKJUM Eiður Smári
hefur skorað 19 af 22 mörkum sínum
fyrir A-landsliðið í leikjum í undan-
keppnum HM og EM. NORDICPHOTOS/AFP
MÆTINGIN HJÁ EIÐI
SMÁRA Í VINÁTTULEIKI
(Æfingaleikir frá 2000 til 2008)
2000 2 af 6 leikjum (33% leikja)
2001 0 af 4 (0%)
2002 2 af 7 (29%)
2003 1 af 2 (50%)
2004 3 af 5 (60%)
2005 1 af 3 (33%)
2006 1 af 2 (50%)
2007 0 af 1 (0%)
2008 2 af 8 (25%)
Samtals 12 af 38 (32%)
MUNUR Á MARKASKORUN
EIÐS EFTIR LEIKJUM
Alvöruleikir (HM og EM)
Leikir 42
Mínútur 3450
Mörk 19
Hlutfall marka Íslands 32,8%
Mínútur milli marka 181,6
Vináttlandsleikir
Leikir 12
Mínútur 1016
Mörk 3
Hlutfall marka Íslands 17,6%
Mínútur milli marka 338,7
70
Mamma Mia!
Ein vinsælasta mynd allra
tíma er komin í Höllina.
Ef hún er ekki inni þegar þú
kemur, leigirðu aðra mynd
- FRÍTT
Höllin, Lágmúla 7.
100%
ÖRYGGI
Lágmúla 7