Fréttablaðið - 04.12.2008, Page 11

FIMMTUDAGUR 4. desember 2008 11
LÖGREGLUMÁL Lögreglan á höfuðborgarsvæð-
inu hefur stöðvað tæplega átta hundruð
ökumenn, víðs vegar í umdæmi sínu undan-
farna daga í sérstöku umferðareftirliti.
Enginn ökumannanna reyndist ölvaður.
Eftirlitið tengist átaki gegn ölvunarakstri
en markmið þess er að vekja athygli á þeirri
hættu sem stafar af ölvunarakstri og hvetja
fólk til almennrar varkárni í umferðinni. Þá er
minnt á viðvörunarorðin Eftir einn ei aki
neinn. Átakið nær einnig til aksturs undir
áhrifum fíkniefna.
Í tilkynningu frá lögreglunni á höfuðborgar-
svæðinu segir að hún leggi nú áherslu á aukið
sýnilegt eftirlit á og við stofnbrautir í
umdæminu, inni í íbúðahverfum og við
verslunarmiðstöðvar. Með þessu vilji lögregl-
an leggja sitt af mörkum til að íbúar og aðrir
sem dvelja á höfuðborgarsvæðinu geti átt
ánægjulegar stundir við jólaundirbúninginn á
komandi vikum.
Í tilkynningunni er þess og getið að önnur
lögreglulið á Suðvesturlandi haldi einnig úti
sérstöku umferðareftirliti vegna ölvunarakst-
urs en um sameiginlegt átak lögregluembætt-
anna er að ræða. Hinu skipulega eftirliti
verður haldið úti á ýmsum tímum sólarhrings-
ins og á mismunandi stöðum í umdæmunum.
- ovd
Lögreglan á höfuðborgarsvæðinu er með sérstakt átak gegn ölvunarakstri:
Um átta hundruð ökumenn stöðvaðir
ÖLVUNARAKSTUR Í desember heldur lögreglan úti
sérstöku eftirliti vegna ölvunaraksturs.
NORDICPHOTOS/GETTY
NOREGUR, AP Búist er við að meira
en hundrað ríki muni undirrita
bann við notkun klasasprengna
áður en ráðstefnu um málið lýkur
í Noregi í dag. Ráðstefnan hófst í
gær og hafa nú þegar tugir ríkja
undirritað samninginn.
Fulltrúi Noregs varð fyrstu til
að undirrita skjalið, en næst í
röðinni voru Laos og Líbanon.
Hvorki Bandaríkin né Rússland
verða í hópi þeirra ríkja, sem
taka þátt í banninu.
Norðmenn höfðu frumkvæði að
því, fyrir hálfu öðru ári, að ríki
heims gerðu með sér samning um
bann við klasasprengjum.
Samningurinn tekur gildi þegar
30 ríki hafa staðfest hann. - gb
Ráðstefna í Noregi:
Langþráð klasa-
sprengjubann
LEIT AÐ KLASASPRENGJUM Víða um
heim hafa klasasprengjur valdið sak-
lausum borgurum hryllilegu líkamstjóni.
FRÉTTABLAÐIÐ/AP
DANMÖRK, AP Friðrik Danaprins
var í gær á heimleið úr óvæntri
heimsókn til danskra hermanna á
átakasvæðinu í Helmand-héraði í
Afganistan.
Danska varnarmálaráðuneytið
upplýsti í gær að krónprinsinn
hefði dvalið í þrjá daga meðal
dönsku hermannanna þar. Hann
fór til Afganistan á mánudag í
fylgd með varnarmálaráðherran-
um Sören Gade.
700 danskir hermenn þjóna nú í
fjölþjóðaliði NATO í Afganistan,
flestir í Helmand-héraði. Sextán
danskir hermenn hafa fallið í
Afganistan frá því að Danir lögðu
Bandaríkjamönnum lið í innrás-
inni í landið fyrir sex árum. - aa
Átökin í Afganistan:
Friðrik Dana-
prins í Helmand
Á BESSASTÖÐUM Friðrik prins og Mary
Donaldson prinsessa heimsóttu Ísland
síðastliðið vor.
SVEITARSTJÓRNIR Skorað hefur
verið á Ríkisútvarpið að endur-
skoða ákvörðun um lokun
svæðisútsendinga á Austurlandi.
„Svæðisútvarpið flytur íbúum
fréttir af svæðinu og kynnir
mannlíf, menningu og menningar-
atburði. Útsendingar svæðisút-
varpsins gegna því mikilvæga
hlutverki að styrkja tengsl og
auka á skilning og samskipti í
þessum víðfeðma landshluta.
Svæðisútvarpið hefur aflað
verulegra auglýsingatekna með
útsendingum sínum og því er
ákvörðunin lítt skiljanleg sem
sparnaðaraðgerð,“ segir í áskorun
bæjarráðs Fjarðabyggðar. - gar
Lokun svæðisútvarpsins:
Lítt skiljanleg
sparnaðarleið
Nú færðu rjómann frá MS á 20% lægra
verði í næstu verslun.
Gerðu það gott með rjóma frá MS.
Höfum það notalegt í skammdeginu.
H
V
ÍT
A
H
Ú
S
IÐ
/
S
ÍA