Fréttablaðið - 05.12.2008, Qupperneq 66

44 5. desember 2008 FÖSTUDAGUR
Það er ekki ofsögum sagt að
Páll Óskar sé maður árs-
ins í poppinu. Platan hans
Allt fyrir ástina gerði allt
vitlaust fyrir síðustu jól
og lifði langt fram eftir ári
og nú er glæsilegi þrefaldi
ferilspakkinn, Silfursafnið,
vinsælasta platan á landinu.
Palli er elskaður og dáður
um allt land og hæfingar-
stöðin Bjarkarás er þar
engin undantekning.
„Páll Óskar er langbestur!“ er
einfalt einróma álit starfsmanna
á Bjarkarási þegar þeir eru spurð-
ir um hvaða poppari sé í uppá-
haldi.
Á föstudögum er partíball á
vinnustaðnum og Silfursafnið
hans Páls hefur ekki farið af spil-
aranum síðan það kom út. Það er
Hlynur Svansson sem kemur með
diskinn í vinnuna. Hann er mikill
tónlistaráhugamaður. „Mér finnst
Raggi Bjarna líka góður og Magn-
ús Eiríksson og Björgvin Hall-
dórsson. Páll Óskar er samt best-
ur,“ segir hann ákveðinn. „Allt
fyrir ástina er uppáhaldslagið
mitt. Ég hef séð Pál Óskar á Stöð
2!“
Úlfar Bjarki Hjaltason vonar
að hann fái Silfursafnið í jólagjöf.
„Raggi Bjarna er líka góður,“
segir hann. Garðari Hreinssyni
finnst Páll líka bestur. „Hann er
með svo mikið af skemmtilegum
lögum,“ segir hann. „Bubbi
Morthens er samt ágætur líka.“
„Ég á tíu diska með Páli Ósk-
ari,“ segir Helga Matthildur Við-
arsdóttir. „Ég er búinn að fá nýja
diskinn og er meira að segja búin
að fá hann áritaðan.“ Þegar Helga
er innt eftir öðrum uppáhaldstón-
listarmönnum verður lítið um
svör. „Nei, bara Páll Óskar,“ segir
hún loks eftir smá umhugsun,
harðákveðin og handviss.
drgunni@frettabladid.is
Allir elska Pál Óskar á Bjarkarási
PÁLL ÓSKAR ER LANGBESTUR! Einróma álit starfsmanna á Bjarkarási. FRÉTTABLAÐIÐ/GVA
HLYNUR SVANSSON ÚLFAR BJARKI HJALTASON GARÐAR HREINSSON HELGA MATTHILDUR VIÐARSDÓTTIR
Í janúarhefti enska Tatler-
tímaritsins má finna nektar-
myndir af dætrum rokkaranna
Rods Stewart, Ronnies Wood
og Bobs Geldof. Þetta eru þær
Kimberley Stewart, Leah Wood
og Peaches Geldof og er þetta
talið hálf örvæntingarfull
tilraun hjá stúlkunum til að
komast úr hópi C-frægra í hóp
B-frægra. Það var kanadíska
rokkstjarnan fyrrverandi,
Bryan Adams, sem tók
myndirnar. Bryan gerði það
gott á síðustu öld með lögum
eins og „(Everything I Do) I
Do It for You“ og „Summer of
69“ en hefur á síðustu árum
meira fengist við ljósmyndun
en rokktónlist. Tatler er fornt
menningarblað stofnað árið
1709. Forsetafrúin Dorrit
Moussaieff er í ritstjórn
blaðsins.
Naktar
rokkara-
dætur
FORSÍÐA TATLER Dætur Rods Stew-
art, Ronnies Wood og Bobs Geldof á
evuklæðum.
Stefnt er að því að fá þau Jake
Gyllenhaal, Natalie Portman og
Toby Maguire til að vera viðstödd
frumsýningu kvikmyndarinnar
Brothers hér á landi. Framleið-
andi kvikmyndarinnar er Sigurjón
Sighvatsson og staðfesti hann
þetta í samtali við Fréttablaðið.
Tökum á kvikmyndinni er nú lokið
og segir Sigurjón að stefnan sé
sett á kvikmyndahátíðina í Cannes
hvað heimsfrumsýningu varðar.
„Tökurnar gengu ótrúlega vel og
hún virðist líta vel út,“ segir Sig-
urjón. Efni myndarinnar ætti að
eiga vel upp á pallborðið hjá
bandarískum áhorfendum. Mynd-
in segir frá því hvernig líf tveggja
bræðra tekur stakkaskiptum eftir
að annar þeirra er sendur í stríðið
gegn hryðjuverkum í Afganistan.
Meðal annarra leikara er Sam
Shepard en hann leikur einmitt
líka stórt hlutverk í kvikmynd
Baltasars Kormáks, Inhale.
Sigurjón hefur unnið ötullega að
því að koma fatamerkinu sínu 66°
Norður að í Hollywood. Gyllen-
haal hefur verið myndaður í fatn-
aði frá fyrirtækinu, Anita Briem
klæddist flísfatnaðinum í The
Journey to the Center of Earth og
ekki þarf að hafa mörg orð um ást
bandaríska leikstjórans Quentins
Tarantino á vörumerkinu. Það þarf
því ekki að koma neinum á óvart
að 66° Norður kemur einnig við
sögu í Brothers. „Natalie Portman
er vel dúðuð í fatnaði frá 66° Norð-
ur í tveimur skautasenum sem er
að finna í myndinni,“ segir Sigur-
jón. Ráðgert er að kvikmyndin
verði frumsýnd í Bandaríkjunum
á næsta ári. Leikstjóri
myndarinnar er Jim
Sheridan. - fgg
Stefnir stórstjörn-
um til Íslands
STJÖRNUFLOTI TIL ÍSLANDS
Stefnt er að því að fá aðalleikarana úr kvikmynd-
inni Brothers til Íslands en stjörnuflotinn
samanstendur af Natalie Portman, Jake
Gyllenahaal og Toby Maguire sem sjást
hér á myndum, auk Sam Shepard.