Fréttablaðið - 06.12.2008, Blaðsíða 12
12 6. desember 2008 LAUGARDAGUR
ALÞINGI Meirihluti þingmanna er
samþykkur þingsályktunartillögu
ríkisstjórnarinnar um fjárhags-
lega fyrirgreiðslu hjá Alþjóða-
gjaldeyrissjóðnum (AGS).
Forsætisráðherra sagði við fyrri
umræðu málsins fyrir tveimur
vikum að það væri þá þegar komið
í höfn. Ríkisstjórnin hefði ein
getað afgreitt málið en ákveðið að
leggja fram þingsályktunartillögu
til umræðu og afgreiðslu. Önnur
umræða fór fram í gær.
Utanríkismálanefnd fjallaði efn-
islega um málið og vísaði tiltekn-
um þáttum þess til viðeigandi
nefnda. Ýmis sjónarmið komu
fram en þingmenn stjórnarflokk-
anna í nefndinni lögðu til að þings-
ályktunartillagan yrði samþykkt
óbreytt.
Stjórnarandstöðuflokkarnir skil-
uðu hver sínu nefndarálitinu. Í
þeim öllum er málsmeðferð ríkis-
stjórnarinnar gagnrýnd auk þess
sem margvíslegar athugasemdir
eru gerðar.
Steingrímur J. Sigfússon, for-
maður VG, sagði að við þær
aðstæður sem uppi væru í samfé-
laginu væri það frumskylda stjórn-
valda að halda þjóð og þingi vel
upplýstu, leita víðtæks samráðs og
fylgja lýðræðislegum, opnum og
gagnsæjum vinnubrögðum. „Í
þessum efnum hafa stjórnvöld
alfarið brugðist og með pukri og
leynd leitt þjóðina inn í öngstræti
þess eina úrræðis sem boðið hefur
verið upp á – áframhaldandi skuld-
setningu upp á annað þúsund millj-
arða í gegnum Alþjóðagjaldeyris-
sjóðinn og skilmála hans.“
Magnús Stefánsson, Framsókn-
arflokki, sagði það hafa verið rétt
mat af hálfu stjórnvalda að leita
eftir samstarfi við AGS. Jafnvel
hafi verið tilefni til að leita eftir
því fyrr en gert var. Hann átaldi
hins vegar málsmeðferð stjórn-
valda og sagði alvarlegt hvernig
Alþingi hefði verið sniðgengið.
Ríkisstjórnin hefði sýnt löggjafar-
valdinu yfirgang með því að undir-
rita samkomulagið við AGS og láta
svo þingið staðfesta orðinn hlut.
„Öll ábyrgð málsins og meðferð
þess hvílir á herðum ríkisstjórnar-
innar enda Alþingi ekki upplýst
um málatilbúnað,“ sagði Guðjón A.
Kristjánsson, formaður Frjáls-
lyndra. Alþingi stæði frammi fyrir
orðnum hlut og málið þannig unnið
af hálfu ríkisstjórnar og Seðla-
banka að ekki verði aftur snúið.
bjorn@frettabladid.is
Stjórnvöld brugðust
með pukri og leynd
Formaður VG vandaði ríkisstjórninni ekki kveðjurnar í umræðum um sam-
komulagið við Alþjóðagjaldeyrissjóðinn á Alþingi í gær. Margt var fundið að
samkomulaginu og málsmeðferðinni. Stjórnarþingmenn hafa einnig efasemdir.
FÁMENNT Hvorki ráðherrar né þingmenn lögðu sig sérstaklega eftir umræðum gærdagsins. Ásta R. Jóhannesdóttir virðist þó
hlusta af athygli. FRÉTTABLAÐIÐ/PJETUR
ÚR NEFNDAÁLITUM
Meiri hluti fjárlaganefndar
Gera þarf ráð fyrir því í áætlunum stjórnvalda að vegna
almennt verri efnahagshorfa í helstu viðskiptalöndum
Íslands geti tekið lengri tíma en tvö til þrjú ár að vinna
þjóðina upp úr efnahagsörðugleikunum.
Gert er ráð fyrir að lífeyrissjóðir kaupi ríkisskuldabréf og
þannig dragi úr þrýstingi á fjármagnsmarkaði. Hafa verð-
ur hugfast að lífeyrissjóðirnir fjárfesta þá ekki í öðrum
skuldabréfum eða verðbréfum fyrir sama fé.
Hið opinbera ætlar ekki að taka á sig frekari skuldbind-
ingar vegna bankanna. Meiri hluti fjárlaganefndar telur
að einhverjar líkur séu á að slíkt gæti þó verið skynsam-
legt við ákveðnar aðstæður.
Minni hluti fjárlaganefndar
Ekki liggur fyrir endurskoðuð þjóðhagsspá sem þó ætti
að vera grundvöllur þessarar áætlunar.
Óskað var eftir ýmsum upplýsingum sem fengust ekki.
Útborganir láns AGS verða háðar því að árangurstengd
markmið í ríkisfjármálum náist. Óskað var eftir upplýs-
ingum um hver þessi árangurstengdu markmið væru.
Þær fengust ekki.
Ekki fengust upplýsingar um kjör lána frá öðrum en AGS.
Gagnrýnt er að ríkisstjórnin hafi ekki haft samráð við
sveitarfélögin þó í samkomulaginu sé fjallað um fjármál
þeirra.
Fjármálaráðuneytið er strax farið að beita ákvæðum í
samkomulaginu án þess að þau hafi verið samþykkt á
Alþingi.
EFNAHAGSÖRÐUGLEIKARNIR GETA VARAÐ LENGUR
tökum notuð barnaskíði og skó upp í ný
SKÍÐASKIPTIMARKAÐUR
Auglýsingasími
– Mest lesið
LÖGREGLUMÁL Lögreglan lagði
hald á nokkuð af fíkniefnum við
húsleit í Vesturbæ Reykjavíkur
síðdegis í fyrradag. Um var að
ræða tuttugu kannabisplöntur,
tuttugu e-töflur, þrjátíu grömm
af hassi og tuttugu og fimm
grömm af öðru efni, hvítu. Á
sama stað fundust einnig sterar.
Við aðgerðina sem er liður í að
hamla gegn sölu og dreifingu
fíkniefna naut lögreglan á höf-
uðborgarsvæðinu aðstoðar fíkni-
efnaleitarhunds frá tollgæsl-
unni. Eftir húsleitina, þegar
nýbúið var að yfirgefa vettvang,
tók hundurinn á rás og hljóp að
manni á þrítugsaldri, sem átti
þar leið hjá. Maðurinn reyndist
vera með þrjátíu grömm af mar-
ijúana í fórum sínum. Í kjölfarið
var farið til leitar á tveimur
öðrum stöðum sem tengjast
þessum einstaklingi. Á öðrum
þeirra fannst enn meira af mari-
júana, eða rúmlega hundrað
grömm.
Lögreglan minnir á fíkniefna-
símann 800-5005. Í hann má
hringja nafnlaust til að koma á
framfæri upplýsingum um fíkni-
efnamál. Fíkniefnasíminn er
samvinnuverkefni lögreglu og
tollyfirvalda og er liður í barátt-
unni við fíkniefnavandann.
- jss
KANNABISRÆKTUN Kannabisræktun,
e-töflur og hvítt fíkniefni fundust í húsi í
Vesturbænum.
Fíkniefnaleitarhundur tollgæslunnar stóð fyrir sínu í Vesturbænum:
Ræktun, fíkniefni og sterar