Fréttablaðið - 06.12.2008, Blaðsíða 72

52 6. desember 2008 LAUGARDAGUR
Hvenær varstu hamingjusamast-
ur? Nú síðast í morgun er ég
vaknaði með fjölskyldunni minni.
Ef þú værir ekki tónlistarmað-
ur, hvað myndirðu þá vera? Ég
myndi vilja skrifa áramótaskaup-
ið, eða vera atvinnukokkurinn
sem skrifaði áramótaskaupið.
Hvað er það dýrasta sem þú
hefur nokkurn tímann keypt þér?
Fasteign, og það sér víst ekki
fyrir endann á þeim brandara enn
þá.
Hvað er það versta sem nokkur
hefur sagt við þig? Sekur.
Ef þú byggir ekki í Reykjavík,
hvar myndirðu vilja búa? The Big
Rock Candy Mountain.
Uppáhaldslistamaður allra tíma
og af hverju? Stevie Wonder,
textalega, lagalega, spilalega og
sönglega séð fullkominn tónlist-
armaður, hann datt reyndar úr
sambandi upp úr ́ 84. En var búinn
að skila sínu og vel það.
Draumahelgin þín í einni setn-
ingu? Ekkert vesen og gott
veður.
Hvert er versta starf sem þú
hefur nokkurn tímann gegnt? Þau
er allnokkur sem ég get ekki gert
upp á milli, svo er spurning um
erfiði og leiðindi. Loðnuvertíð á
færibandi. Að grafa skurði. Að
glerja í roki á 15. hæð fastur í
körfu sem hangir í stálvír, hopp-
andi til að vekja sofandi kranabíl-
stjórann fyrir neðan mig. Eða að
ganga á eftir útsöluóðum hús-
mæðrum og brjóta saman sömu
fötin endalaust á fatamarkaði 5
daga vikunnar í Kolaportinu. List-
inn er langur og furðulegur.
Uppáhaldsstaðurinn þinn á
jörðunni? Galtarviti.
Hvers konar tónlist hefur mest
áhrif á þig og hvaða lag hlustarðu
mest á í dag? Ég hlusta satt best
að segja frekar lítið á tónlist, staf-
ar líklega af því að ég er alltaf að
búa til tónlist en leiðinleg tónlist
hefur óneitanlega mest áhrif á
skapið. Og ég er búinn að vera
með The Boy in the Bubble eftir
Paul Simon á heilanum í nokkrar
vikur.
Ef þú ættir tímavél, hvert
myndirðu fara og af hverju? Ég
þori ekki að segja það. Þá eyði-
legg ég alla framtíðarmöguleika
mína um að njóta þeirrar ánægju
í framtíðinni … eða fortíðinni.
Er eitthvað sem heldur fyrir
þér vöku á nóttunni? Vinnan mín.
Ef þú gætir breytt einhverju í
fortíð þinni, hvað myndi það
vera? Tekið meira lýsi og hlustað
betur á foreldra mína.
Hvenær fékkstu síðast hláturs-
kast? Ég fékk vægt hláturskast
nú rétt áðan bara.
Áttu þér einhverja leynda
nautn? Þú færð aldrei rétt svar
við þessari spurningu.
Uppáhaldsbókin þessa stund-
ina? Hegemony or Survival:
America´s Quest for Global Dom-
inance eftir Noam Chomsky.
Hvaða núlifandi manneskju
lítur þú mest upp til? Hennar
Hrafnhildar, fósturdóttur minn-
ar.
En hvaða núlifandi manneskju
þolirðu ekki? Þórarin Hugleik
Dagsson, hann er gjörsamlega
óþolandi.
Uppáhaldsorðið þitt? Gúmmu-
laði.
Hvaða eitt atriði myndi full-
komna lífsgæði þín? Þessu er
ómögulegt að svara, en botnlaus
peningagjá og sálarró myndu
óneitanlega koma sér vel.
Hvaða eitt lag verður þú að
taka „cover“ af áður en þú deyrð?
Perfect Day eftir Lou Reed.
Hver verða þín frægu hinstu
orð? Einn miða til Big Rock Candy
Mountain, takk.
Hvað er næst á dagskrá? Alvara
lífsins, og svo listin að ballansera
það góða og slæma við jólin.
Einn miða til Big Rock
Candy Mountain, takk!
Kristinn Gunnar Blöndal, sem lengi hefur verið þekktur sem skífuþeytirinn KGB, gefur nú út sína
fyrstu plötu undir aukasjálfinu Bob Justman. Hún nefnist Happiness and Woe og kemur í búðir í dag.
Anna Margrét Björnsson tók Kristin í þriðju gráðu yfirheyrslu.
KRISTINN GUNNAR BLÖNDAL AKA BOB JUSTMAN „Leiðinleg tónlist hefur mest áhrif á skapið.“ FRÉTTABLAÐIÐ /VILHELM
■ Á uppleið
Saumavélar Nú er ekki lengur halló
að vera í bættum fötum, það er bara
flott. Svo er líka hægt að nota vélarn-
ar til þess að breyta og bæta gömul
föt sem hanga lengst inni í
skáp engum til gagns og
gleði.
Netsokka-
buxur Helst
dálítið rifnar og
sjúskaðar ef marka má
tískuhönnuðina. Í takt við svarta goth-
málningu og drungalega kreppu-
stemningu vetrarins.
Kaffi Kaffihúsa-
setur aukast í
kreppunni,
enda ekki svo
dýrt að sitja
og spjalla yfir
kaffibolla.
Íslenskur klósett-
pappír og eldhúsrúllur Þetta er
400 kr. ódýrara en innflutt. Það er
ekki öll íslensk framleiðsla að stökkva
á verðbólguvagninn.
■ Á niðurleið
Netverslun Sá tími er liðinn að
hægt sé að gera góð kaup á netinu.
Ómögulegt er að vita hvað góssið
kostar þegar það er komið í hús og
því alls ekki hægt að stóla á að kaup-
in verði góð þegar upp er staðið.
Forstjórar Sumir ákveðnir forstjórar
á Íslandi mættu taka starfsbræður
sína hjá bílafyrirtækjunum í USA
sér til fyrirmyndar og lækka laun
sín niður í dollar á ári. Á Íslandi sitja
þeir hins vegar sem fastast, halda
jeppunum og reka bráðnauðsynlegt
starfsfólk og það hjá ríkisfyrirtækjum.
Líkamsrækt-
arstöðvar Hver
þarf ræktina
þegar matur er
orðinn munaðar-
vara? Segjum
upp kortunum,
kaupum bara
haframjöl og allir
verða mjórri fyrir
jólin – og ríkari.
Innfluttar gúrmevörur Það er
engan veginn málið að eyða miklu
í mat núna þegar enginn ætlar að
láta jólahaldið fara úr böndunum,
lambakjöt á diskinn, hangið, soðið
eða steikt.
MÆLISTIKAN
ÞRIÐJA GRÁÐAN
FULLT NAFN: Kristinn Gunnar
Haraldsson Blöndal.
STARFSFERILL Í HNOTSKURN:
Sonur, bróðir, kærasti, hirðfífl
og faðir.
FÆÐINGARÁR OG HVAÐ GERÐ-
IST MARKVERÐAST Á ÞVÍ ÁRI:
Það markverðasta við árið 1976
var að Davíð Örn Halldórsson
vinur minn fæddist.