Fréttablaðið - 07.12.2008, Blaðsíða 33

matur 9
Þótt Íslendingar hafi veitt síld í stórum stíl um árin þá voru nágrannaþjóðir
okkar í norðrinu talsvert á
undan okkur að kunna með
hana að fara, til dæmis Svíar,
Danir og Finnar. Þjóðsagan
segir að finnskar stúlkur hafi
þurft að kunna 25 til 30 síldar-
rétti til að teljast gjaldgengar
sem húsfreyjur. Langt er nú
síðan við komumst á bragðið.
Kokkarnir á Vox-restaurant
á Hilton-hóteli eru í fremstu
röð þegar kemur að því að við-
halda norrænum matarhefðum
og vinna úr heimafengnu hrá-
efni. Sigurður Rúnar Ragnars-
son lét okkur í té stórgóða
útgáfu af síldarsalati og síldar-
ís bornu fram með rauðrófum,
sólselju og hverabökuðu rúg-
brauði. -gun
SælkeramaturFORRÉTTIR FYRIR JÓLIN
Sigurður Rúnar Ragnarsson leggur lokahönd á forréttinn sem
ljósmyndarinn fékk síðan að gæða sér á að lokinni myndatöku.
Þjóðlegt
hollt og ljúffengt
Síldin er sælkeramatur sem passar vel sem forréttur á jólaborð enda
er hún allt í senn auðfengin, holl og ljúffeng. Þetta vita kokkarnir á
Vox restaurant sem eru lagnir við að framreiða forláta síldarrétti.
SÍLDARSALAT
1 krukka, veljið ykkar
uppáhalds lauksíld
1 stk. grænt epli skorið
í teninga
2 meðalstórar kartöflur
skrældar, skornar í jafna
teninga og soðnar
3 greinar dill, saxað
½ saxaður shallotlaukur
Sinneps- og rjómaosta-
sósa
Hverabakað rúgbrauð í
sneiðum
Íslenskt smjör. þetta
eina sem not eru af með
síldinni.
Skerið síldina í litla bita
og blandið öllu varlega
saman með skeið ásamt
hæfilegu magni af
sinnepssósunni. Munið
svo að smakka salatið til
áður en það er borið
fram, til dæmis með
sítrónusafa, salti og pipar.
Smyrjið rúgbrauðið með
lystuglegu magni af
smjöri og skerið út kökur
með útstungunarformi.
Setjið svo salatið ofan í
formið og þrýstið
léttilega ofan á. Þetta er
hægt að undirbúa áður
en gestir koma og ýta
svo öllu saman bara úr
formunum þegar bera á
réttinn fram.
SINNEPS- OG
RJÓMAOSTASÓSA
100 g rjómaostur
50 g sýrður rjómi
2 msk. gott sterkt
sinnep, til dæmis
Kofoed’s sinnep
1 tsk. fljótandi hunang
Salt og sítróna
Setjið allt í hrærivélaskál
og þeytið þar til sósan er
silkimjúk. Smakkið til með
salti og sítrónu. Sósuna
er svo hægt að geyma í
kæli og nota aftur daginn
eftir.
SÍLDARÍS
200 ml rjómi
1 stk. eggjahvíta
50 g sykur
110 g lauksíld með
leginum, lauknum,
kryddinu og öllu
1 matarlímsblað
Matarlím er sett í kalt
vatn til að mýkja það
upp. Egg og sykur er
hitað saman í potti að
55°C og matarlími brætt
út í. Því næst er það
þeytt í hrærivél uns það
er orðið kalt aftur.
Lauksíldin er sett í
matvinnsluvél með
safanum, lauknum,
kryddinu og öllu gúmmel-
aðinu og unnið þar til
það er eins og þunnt
mauk, þá er það sigtað í
gegnum fínt sigti.
Rjóminn er léttþeyttur og
hafður í skál yfir ísbaði til
að halda honum köldum.
Þá er síldinni og eggja-
blöndunni velt saman
með sleikju. Þá er
léttþeytta rjómanum
blandað varlega saman
við með sleikjunni og
ísblandan er klár. Svo er
hægt að frysta ísinn í
stóru formi og skera hann
niður eða frysta í litlum
formum.
Rauðrófuteningar, mauk
og gljái
2 stk. stórar rauðrófur
2 dl eplaedik frá Claus
Meyer eða annað gott
edik
2 dl rauðrófusafi ferskur
eða úr flösku (fæst í
Heilsuhúsinu)
1 dl sykur
1 rósmaríngrein
1 lárviðarlauf
1 msk. Bornholm-
rapsolía
Skrælið rófurnar og
skerið úr annarri þeirra
jafna og fallega kubba og
setjið til hliðar. Notið
endana og afskurðinn af
þeirri rófu og skerið hina
rófuna niður í bita og
setjið í pott ásamt
edikinu, safanum,
sykrinum og lárviðarlaufi.
Sjóðið þar til það er
meyrt og fullsoðið. Sigtið
þá rauðrófusafann frá í
annan pott. Maukið
soðnu rófurnar í mat-
vinnsluvél, vinnið þar til
þær eru orðnar að fínu
mauki og smakkið til með
smá salti og örlítilli
kornolíu. Kælið.
Sjóðið fallegu teningana í
sama safanum en passið
að mauksjóða þá ekki.
Sigtið þá frá og kælið.
Sjóðið nú safann þar til
hann er orðinn að
hæfilega þykkum gljáa til
að geta hjúpað tening-
ana, setjið rósmaríngrein-
ina út í gljáann og látið
pottinn standa með loki í
10 mínútur, veiðið þá
greinina og lárviðarlaufið
upp úr. Athugið þykktina
með því að setja smá
dropa á kaldan disk því
gljáinn er þykkari þegar
hann er kaldur.
Svo er gott að skreyta
réttinn með nokkrum
sólseljutoppum (dill). Ekki
skemmir að gæða sér á
svo sem einu litlu staupi
af frosnu brennivíni með,
sem er jafnvel hægt að
krydda með nokkrum
hráum rauðrófubitum og
dillgreinum kannski
nokkrum dögum áður en
það er drukkið. Það er
gert með því að troða því
ofan í flöskuna.
SÍLDARSALAT, ÍS, RAUÐRÓFUR OG HVERABRAUÐ
Rúgbrauð, síld
og rauðrófur
eru frábært tríó
og hér borið
fram á ferskan
hátt .
F
FR
ÉT
TA
B
LA
Ð
IÐ
/G
VA
S k e i f u n n i 3 j · S í m i 5 5 3 8 2 8 2 · w w w . h e i l s u d r e k i n n . i s
heilsumeðferð · heilsuvörur · dekur · leikfimi
Jafnvægi fyrir líkama og sál
veittu vellíðan
gefðu
gjafabréf