Fréttablaðið - 07.12.2008, Qupperneq 56

GÓÐAN DAG!
Sólarupprás Hádegi Sólarlag
Reykjavík
Akureyri
Heimild: Almanak Háskólans
SÍMANÚMER FRÉTTABLAÐSINS: 512 5000, fax: 550 5099 Ritstjórn: 512 5313, fax: 512 5301, ritstjorn@frettabladid.is
DREIFING: dreifing@posthusid.is Auglýsingadeild: auglysingar@frettabladid.is Veffang: visir.is EF BLAÐIÐ BERST EKKI: 512 5060
VIÐ SEGJUM FRÉTTIR SMÁAUGLÝSINGASÍMINN ER 512 5000
BAKÞANKAR
Davíðs Þórs
Jónssonar
Tungumálið er sennilega hættulegasta vopnið sem
maðurinn hefur fundið upp. Með
því virðist nefnilega vera hægt að
svipta venjulegt fólk heilbrigðri
skynsemi og telja því trú um
nánast hvaða himinhrópandi
vitleysu sem er. Einkum virðast
mér þó Íslendingar berskjaldaðir
fyrir áhrifum tungumálsins. Ef
setning er sett fram í formi
algildra sanninda eða spekiyrða
og þulin nógu oft fer fólk sjálfkrafa
að álíta hana rétta. Gildir þá einu
hve miklum dómadags þvættingi
hefur verið komið fyrir í henni.
Dæmi um þetta gæti verið
setningin: „Sjaldan lýgur
almannarómur.“ Þeir sem
almannarómur hefur tekið til
umfjöllunar vita ósköp vel að
hraðlygnara fyrirbæri er
vandfundið, ef það á annað borð er
til.
ANNAÐ dæmi gæti verið
setningin: „Það sem drepur mann
ekki gerir mann sterkari.“ Þessi
setning lýsir óskiljanlegu hugsunar-
og tillitsleysi. Hvað með alla þá
sem orðið hafa fyrir hremmingum
sem marka þá fyrir lífstíð og gert
hafa þá veikari fyrir? Hvað með
bæklandi og limlestandi sjúkdóma,
áföll og harm sem aldrei hverfur?
Vissulega er hægt að lifa af sorg og
kvöl og jafnvel að eflast við ágjöf.
En margir lenda einnig í raunum
sem veikja þá til muna það sem
þeir eiga eftir ólifað, þótt þær
dragi þá ekki beinlínis til dauða.
SÖMULEIÐIS veit ég ekki hvaða
húmorslausi þurs mælti fyrstur:
„Öllu gamni fylgir nokkur alvara.“
Þetta er einhver mesta endemis
þvæla sem ég hef nokkru sinni
heyrt. Mörgu gríni fylgir hreint
engin alvara. Fullt af gamni er
sett fram í þeim tilgangi einum að
kalla fram brosviprur og er ekki
ætlað að hafa neina tengingu við
neitt sem á nokkurn hátt má flokka
undir alvöru. Með því að telja öllu
gamni fylga einhver alvara er
gamansömu fólki gerðar upp
annarlegar hvatir, meiningar eru
lesnar inn í fullkomlega
græskulaust glens og ánægjan af
hreinræktuðu og tæru gríni
eyðilögð fyrir öllum.
ÁSTÆÐA þess að ég er að vekja
máls á þessu er að um þessar
mundir virðist mér enn ein
lygamantran af þessu tagi vera að
fara á kreik. Sú setning hlýtur
auðvitað að ofbjóða réttlætiskennd
hvers manns og nísta hann í
raunveruleikaskynið. Því má þessi
blekking alls ekki verða að
viðurkenndri staðreynd í huga
nokkurs manns. Setningin er
svona: „Við tókum öll þátt í
þessu.“
Lygamöntrur
Ef bókað er fyrir 1. febrúar 2009:
Flugsæti, með sköttum og öðrum greiðslum, sem gildir
fram og til baka til Köben, London eða Berlínar.
Bókunartímabil: 26. desember 2008 –31. janúar 2009.
Ferðatímabil: 15. janúar–15. maí 2009.
Takmarkað sætaframboð.
Ef bókað er eftir 1. febrúar 2009:
Jólagjafabréfið verður inneign að upphæð 25.900 kr.
Gildir til allra áfangastaða og gildir í tvö ár frá útgáfudegi.
Jólagjöf handa þeim
sem elska að ferðast!
F
í
t
o
n
/
S
Í
A

með ánægju
Áttu vini og ættingja sem hafa gaman af ferðalögum? Jólagjafabréf
Iceland Express er skemmtileg leið til að gleðja þína nánustu um jólin.
Bókaðu vel heppnaða jólagjöf á www.icelandexpress.is
Jólagjafabréf Iceland Express hittir beint í mark
25.900 kr.
Verð:
Sölutímabili lýkur kl. 18.00, 24. desember 2008.
Ferðatímabilið er
frá 15. janúar
til 15. maí
2009
Tveggja manna herbergi
á kr. 5.000 nóttin
Uppbúið rúm
í svefnpokaplássi
kr. 2.000 nóttin
Gesthús Dúna
Gesthús Dúna - Suðurhlíð 35 - 105 Reykjavík
Pantanir: 588-2100 / duna@islandia.is
Í dag er sunnudagurinn 7.
desember, 342. dagur ársins.
11.02 13.19 15.36
11.14 13.04 14.54