Fréttablaðið - 24.12.2008, Blaðsíða 28
24. DESEMBER 2008 MIÐVIKUDAGUR2 ● fréttablaðið ● kirkjan
Sigurbjörn Svavarsson er einn
þeirra eldhuga sem hafa sinnt
sjálfboðastarfi í aðdraganda jóla
til að létta þeim lífið sem þurfa á
aðstoð að halda.
„Ég var í nokkrar vikur ásamt
vösku fólki að undirbúa úthlut-
un á matvælum og öðrum jólag-
laðningi og svo síðustu daga að
sinna henni,“ segir Sigurbjörn og
er að lýsa samstarfsverkefni inn-
anlandsdeildar Hjálparstofnunar
kirkjunnar, Reykjavíkurdeildar
Rauða krossins og Mæðrastyrks-
nefndar.
Hann kveðst hafa misst vinn-
una sína í október og leiðst aðgerð-
arleysið. Því hafi hann ákveðið að
bjóða sig fram í sjálfboðastarf.
„Mig langaði að gera eitthvert
gagn,“ segir hann og lýsir við-
fangsefnunum. „Við byrjuðum
á að undirbúa húsnæðið sem við
fengum lánað hjá Straumi banka.
Þar þurfti að koma fyrir hillum,
skipuleggja vörumóttökuna og
koma upp aðstöðu svo vinnuferl-
ið við úthlutunina gengi sem best.
Síðan hefur vinnan legið í að taka
á móti vörunum, koma þeim fyrir
og svo sinna úthlutuninni sem
hefur gengið mjög vel. Hingað
kemur margt fólk og vörurnar
streyma út aftur. Ég held það séu
um 500 úthlutanir á dag þessa
fimm daga sem þær standa yfir.“
Vörurnar segir hann mest-
megnis gjafir frá einstaklingum
og fyrirtækjum. „Svo er bætt við
og keypt inn í, aðallega matvara
sem er fjármögnuð með fram-
lögum sem hafa borist til þess-
ara þriggja stofnana sem nefndar
voru í upphafi.“
Aðstoðina segir hann mjög vel
skipulagða. Fólk sæki um hjá
einhverri stofnuninni, geti um
fjölskyldustærð og fái svo út-
hlutunardag. „Við merkjum send-
ingarnar í fjölskyldustærð A B
C D og þetta gengur allt snurðu-
laust fyrir sig,“ lýsir Sigurbjörn
og er að lokum spurður hvað sé í
pokunum.
„Það eru nauðsynjar í mat og
drykk. Gjafir handa börnunum og
bara það helsta sem fólk þarf til
að halda jólin og gera sem hátíð-
legast í kringum sig.“ - gun
Vildi gera eitthvert gagn
Jólin eru fjölbreytt
og skemmtileg
Toshiki Toma, prestur innflytj-
enda á Íslandi, segir jólahald
þessa samfélagshóps eins mis-
jafnt og fólkið er margt. Grunn-
stefnu sína sem innflytjenda-
prests Þjóðkirkjunnar segir
hann vera að bjóða innflytjend-
um í messu með Íslendingum.
„Innflytjendur eru ekki eins-
leitur hópur fólks. Margir eru
kristinnar trúar en það fer eftir
fólkinu sjálfu hvort það tekur
þátt í jólahátíðinni eða ekki. Til
dæmis eru margir frá Póllandi
kaþólskir og eins fólk frá Fil-
ippseyjum og taka gjarnan þátt
í messu á jólum hjá sinni kirkju
og halda síðan jólahátíð eftir
sinni hefð frá sínu heimalandi.
Margir frá Austur-Evrópu eru
í rétttrúnaðarkirkjunni og jólin
þeirra eru 7. janúar.“
Spurður hvort jólin séu ein-
manalegur tími fyrir þenn-
an hóp segir Toshiki það líka
misjafnt. „Þetta var oft sagt
fyrir nokkrum árum, að jólin
væru frekar einmanalegt tíma-
bil fyrir innflytjendur þar sem
þeir hafa kannski engan stað til
að fara á, meðan Íslendingar
fara í fjölskylduboðin. En þetta
fer líka eftir því hvort viðkom-
andi sé nýkominn til lands-
ins eða búinn að eyða mörgum
árum hérlendis.“
Toshiki segir enga messu
haldna sérstaklega fyrir inn-
flytjendur á jólum en ólíkt
hinum Norðurlöndunum hefur
innflytjendasöfnuður ekki
mótast sérstaklega hér á landi.
Þó verður messað á ensku í
Hallgrímskirkju 28. desem-
ber og í framtíðinni gæti orðið
meira um guðsþjónustur á er-
lendum tungumálum en óskum
um það hefur fjölgað. Spurður
hvort það geti tengst ástandinu
í þjóðfélaginu í dag vill Toshiki
ekki fullyrða um.
„En eftir því sem ég heyri
frá Hjálparstarfi kirkjunn-
ar jókst fjöldi umsókna um
jólaaðstoð mjög mikið og þar
á meðal eru margir útlend-
ingar. Mér finnst jólin mikil-
væg hátíð fyrir kristið fólk.
En einnig eru jólin þýðing-
armikil menningarleg hátíð
fyrir alla landsmenn. Því lang-
ar mig að hvetja innflytjendur
sem eru ekki í kristinni trú að
taka þátt í jólahaldi á sinn hátt.
Fjölbreytt jól eru skemmtileg
og ég óska að slíkur fjölbreyti-
leiki eigi samleið með hefð-
bundnu jólahaldi.“ - rat
Toshiki Toma, prestur innflytjenda, segir innflytjendur ekki einsleitan hóp
fólks. Jólahald sé því eins fjölbreytt og fólkið er margt. FRÉTTABLAÐIÐ/ANTON
Sigurbjörn ásamt fleiri sjálfboðaliðum að tína til jólaglaðning í körfur. FRÉTTABLAÐIÐ/GVA
Jólahugvekja Karls Sigur-
björnssonar biskups íslands.
Ég kom á dögunum í Borgartún í
Reykjavík þar sem jólaúthlutun
Hjálparstarfs kirkjunnar, Mæðra-
styrksnefndar og Rauða kross Ís-
lands stóð yfir. Fjöldi sjálfboða-
liða var þar á þönum við að fylla á
poka og aðstoða fólk sem þurfti á
aðstoð að halda fyrir þessi jól.
Hjálparumsóknir frá 2.300 fjöl-
skyldum höfðu þá borist, fleiri en
nokkru sinni og enn var að bæt-
ast við. Það var í senn dapurlegt
og ánægjulegt að verða vitni að
þessu. Og það gaf von. Dapurlegt
er að vita af öllum þeim fjölda
fólks sem neyðist til að leita sér
hjálpar. Ekki síst að sjá unga for-
eldra með lítil börn, og skynja þá
neyð sem að baki býr. En gleði-
legt að vita til að hægt er að koma
til móts við þá neyð vegna svo
ótrúlegrar velvildar og örlætis
einstaklinga og fyrirtækja. Sjálf-
boðaliðarnir eru úr ýmsum áttum
og á ýmsum aldri, unglingar úr
æskulýðsstarfi kirkjunnar þar á
meðal, og starfsfólk Símans og
Straums sem fékk frí til að taka
þátt í úthlutuninni. Það var mikið
að gera, ys og erill, en ánægja og
þakklæti í ásjónum fólksins. Jóla-
gleði er gleði gjafmildinnar, um-
hyggjunnar, kærleikans, sem
lýkur upp hliðum vonarinnar um
tíð og tíma þar sem þeir þættir fá
að ráða í mannlífinu.
Fyrir ýmsum eru jólin tími
streitu og spennu, öðrum eru þau
tími einsemdar og sorgar. Afar
mörgum eru þau tími eyðslu og
neyslu. En umfram allt eru jólin
tími umhyggju um eigin dýpstu
þarfir, um náungann og þau sem
með einum eða öðrum hætti fara
halloka í lífinu. Jólin hræra við
innstu hjartastrengjum með löng-
un eftir friði, gleði og góðvild. Sál
og andi sér og skynjar þar ótal
tákn hins góða og fagra, vonar
og gleði þar sem fólk er að leit-
ast við að gera öðrum gott, gleðja,
styðja, líkna, hjálpa. Þess vegna
eru jólin engu lík. Það er engin til-
viljun. Það er vegna jólabarnsins,
barnsins í jötunni, frelsarans Jesú
Krists.
Öll finnum við undrun og lotn-
ingu er við lítum nýfætt barn.
Jólamyndin af barninu í jötunni
snertir við þann streng í sálu
okkar. Og er hann ómar þá er vit-
und okkar beint til þess sem er
handan við það sem augun sjá
og sálin skynjar, það er Guð sem
gefur allt sem er gott og fagurt.
Hann er að lækna þennan heim
og lífið allt. Leyfðu orði hans að
snerta þig og ljósi hans anda að
leiða og blessa þig.
Gleðileg jól,
Karl Sigurbjörnsson
biskup Íslands
Ljós og andi jólanna
„En umfram allt eru jólin tími umhyggju um eigin dýpstu þarfir, um náungann og þau sem með einum eða öðrum hætti fara
halloka í lífinu,“ segir Karl Sigurbjörnsson, biskup Íslands, meðal annars í jólahugvekju sinni. FRÉTTABLAÐIÐ/PJETUR
Útgefandi: Biskupsstofa, Kjalarnesprófastsdæmi, Reykjavíkurprófastsdæmi eystra og vestra
l Vefsíða: www.kirkjan.is, www.kjalarpr.is, www.kirkjan.is/eystra og www.kirkjan.is/vestra
Sími: 528 4000 l Ritstjóri: Roald Eyvindsson l Ábyrgðarmaður: Steinunn A. Björnsdóttir For-
síða: Gunnar V. Andrésson l Auglýsingar: Fréttablaðið/Bjarni Þór Sigurðsson Sími: 512 5471.
Aðfangadagur 24. desember 2008
Kl. 18 Aftansöngur sr. Anna Sigríður Pálsdóttir
prédikar sr. Hjálmar Jónsson þjónar fyrir altari.
Dómkórinn syngur,organisti er Marteinn
Friðriksson
Aðfangadagur 24. desember 2008
Kl. 15, Dönsk jólaguðsþjónusta sr. Þórhallur
Heimisson prédikar
Aðfangadagur 24. desember 2008
Kl. 23.30 Miðnæturguðsþjónusta , biskup
Íslands prédikar sr. Árni Svanur Daníelsson
þjónar fyrir altari. Hamrahlíðarkórinn syngur
undir stjórn Þorgerðar Ingólfsdóttur
Jóladagur 25. desember 2008
Kl. 11 messa, sr. Hjálmar Jónsson prédikar,
Anna Sigríður Pálsdóttir þjónar fyrir altari Dóm-
kórinn syngur organisti er Marteinn Friðriksson
Annar í jólum 26. desember 2008
Kl. 11 ,messa , sr. Þorvaldur Víðisson prédikar,
Dómkórinn syngur organisti er Marteinn
Friðriksson
28. desember 2008
Kl. 11 messa sr. Steinunn Arnþrúður Björnsdót-
tir prédikar, sr. Anna Sigríður Pálsdóttir þjónar
fyrir altari. Dómkórinn syngur organisti er
Marteinn Friðriksson
31. desember 2008
Kl. 18 Aftansöngur sr. Hjálmar Jónsson
prédikar, sr. Anna Sigríður Pálsdótir þjónar
fyrir altari
1. janúar 2009
KL. 11 Nýársmessa biskup Íslands prédikar,
Dómkirkjuprestar þjóna fyrir altari, Dómkórinn
syngur organisti er Marteinn Friðriksson
Messuhald í Dómkirkjunni
í Reykjavík jól og áramót