Fréttablaðið - 24.12.2008, Blaðsíða 44

28 24. desember 2008 MIÐVIKUDAGUR
Kristinn Helgi Magnússon Schram
þjóðfræðingur deilir afmæli sínu með
Jesú Kristi. Þótt honum hafi alltaf fund-
ist það eðlilegt varð hann þess snemma
áskynja að mörgum þótti afmælisdag-
urinn skrítinn enda ákveðnir þættir
frábrugðnir. Til dæmis var þennan dag
iðulega rifjuð upp sagan af jólunum
sem Kristinn Helgi kom í heiminn.
„Það fór allt úr skorðum, mamma fór
á fæðingardeildina á svipuðum tíma og
steikin fór í ofninn, og pabbi söng með
kirkjukórnum í messu klukkan ellefu,
um það leyti sem ég kom í heiminn,“
segir Kristinn Helgi, sem er yngstur
margra barna.
„Fyrstu árin drakk ég í mig athygl-
ina með trúðslátum og vitleysislegum
tilsvörum og átti megnið af pökkun-
um undir trénu,“ segir Kristinn Helgi,
sem með árunum fór að átta sig betur
á merkingu jólanna og að þau snerust
um allt annað en hann sjálfan. „Ég held
ég hafi gert nokkurs konar samkomu-
lag við þennan keppinaut minn að ég
fengi að eiga fyrri part aðfangadags
og hann seinni,“ segir hann glettinn
en að morgni aðfangadags fékk hann
afmælisgjafirnar. „Svo leit ég stórt á
mig fyrri hluta dags en jólahelgin kom
síðan yfir mann seinni partinn.“
Með árunum fór afmælishaldið að
færast yfir á Þorláksmessu. „Þá fór ég
að fá afmælisóskir og skálaði í jólaöli
á miðnætti Þorláksmessu,“ segir hann
og hefur enn þann háttinn á að gerast
sjálfselskur að morgni aðfangadags.
„Ég fæ morgungjöf, eða gef mér hana
sjálfur ef enginn hefur haft fyrir því
að hafa hana til og svo fer ég kannski í
langan göngutúr,“ segir Kristinn Helgi,
sem starfar sem forstöðumaður Þjóð-
fræðistofu á Hólmavík.
Kristinn Helgi heitir svolítið sér-
stöku nafni með tilliti til afmælis-
dagsins. Var hann skírður því að yfir-
lögðu ráði? „Ég held að ég hafi nú átt
að heita öðru nafni en pabba þótti það
of væmið þannig að þau duttu niður á
þetta nafn, sem þótti tilvalið af því ég
fæddist á þessum helga degi,“ útskýr-
ir hann og segir að nafnið hafi ekki
leitt til mikillar stríðni af hálfu jafn-
aldra. „Menn sáu færi á að gera grín
að Schram-nafninu miklu fyrr en að
Kristni Helga,“ segir hann og minnist
þess að hafa meðal annars verið kall-
aður skran og skrambinn.
Kristinn Helgi fer í kirkju á jólum
þegar færi gefst en annars notar hann
jólin og jólaguðspjallið sem tækifæri
til að hugleiða það sem máli skiptir:
trú, von og kærleika. „Þetta er tíminn
til að trúa á kraftaverk og algeran við-
snúning frá myrkri og kulda til birtu
og yls.“ solveig@frettabladid.is
KRISTINN HELGI SCHRAM ÞJÓÐFRÆÐINGUR : DEILIR AFMÆLI SÍNU MEÐ JESÚ
NAFNIÐ ÞÓTTI TILVALIÐ
AFMÆLISBARN Jólasagan af því hvernig Kristinn Helgi kom í heiminn á aðfangadag hefur oft verið rifjuð upp af fjölskyldunni á þessum árstíma.
MYND/KATLA KJARTANSDÓTTIR
AVA GARDNER FÆDDIST ÞENNAN
DAG ÁRIÐ 1922
„Ég held að meginástæð-
an fyrir því að hjónabönd
mín mistókust hafi verið að
ég elskaði ávallt mikið en
aldrei skynsamlega.“
Ava Gardner var bandarísk
leikkona sem nokkrum sinn-
um var tilnefnd til Óskarsverð-
launa. Hún lést árið 1990.
Á aðfangadag árið 1818 var
frumfluttur sálmur í bænum
Oberndorf í Austurríki, í ná-
munda við Salzburg. Lík-
lega hefur fáa rennt í grun
að þessi sálmur, sem á ís-
lensku ber heitið Heims um
ból í þýðingu Sveinbjarnar
Egilssonar, myndi næstu tvö
hundruð árin sameina fólk
um jólahátíðina um allan
heim.
Textann við Heims um ból samdi Joseph Mohr 1816, en hann var
þá prestur í Mariapfarr, afskekktu þorpi í Austurríki. Hann varð síðan
aðstoðarprestur í Oberndorf, og að morgni aðfangadags árið 1818 á
hann að hafa komið að máli við Franz Gruber, sem var tónlistarkenn-
ari á staðnum, og beðið hann að semja lag við textann fyrir tvo ein-
söngvara, kór og gítar. Þeir fluttu svo lagið ásamt öðrum við messu í
Nikulásarkirkjunni um kvöldið.
ÞETTA GERÐIST: 24. DESEMBER 1818
Heims um ból, helg eru jól
SÖNGUR Jólasálmurinn hljómar í kirkj-
um landsins í kvöld. FRÉTTABLAÐIÐ/ANTON
Okkar kæri,
Þorsteinn Oddsson
bóndi frá Heiði,
lést á Dvalarheimilinu Lundi, föstudaginn
19. desember. Útförin fer fram frá Keldnakirkju á
Rangárvöllum laugardaginn 3. janúar kl. 13.00.
Helga Þorsteinsdóttir Sigurgeir Bárðarson
Birna Þorsteinsdóttir Rúnar Bjarnason
Reynir Þorsteinsson Jóna María Eiríksdóttir
barnabörn og langafabörn.
Okkar ástkæri,
Björgvin Jósteinsson
kennari, Grandavegi 45, Reykjavík,
verður jarðsunginn frá Neskirkju mánudaginn
29. desember kl. 13.00.
Guðrún Steingrímsdóttir
Dóra Björgvinsdóttir
Ingi Steinn Björgvinsson Vera Buus-Nilsen
Dagný Björgvinsdóttir Jóhann S. Bogason
Bryndís Björgvinsdóttir Brjánn Ingason
og barnabörn.
Ástkær eiginmaður minn, faðir okkar,
tengdafaðir, afi og langafi,
Adolf Óskarsson
pípulagningameistari, Hrafnistu,
Hafnarfirði,
sem andaðist mánudaginn 15. desember, verður jarð-
sunginn frá Hafnarfjarðarkirkju mánudaginn
29. desember kl. 13.00.
Ásta Vigfúsdóttir
Hörður Adolfsson Nanna M. Guðmundsdóttir
Erla Adolfsdóttir Jóhann Pétur Andersen
Hilmar Adolfsson Ólöf S. Sigurðardóttir
Adolf Adolfsson Júlía Henningsdóttir
barnabörn og langafabörn.
Móðir okkar, tengdamóðir og amma,
Hanna M. Jóhannsdóttir
Austurbrún 6,
lést af slysförum á heimili sínu fimmtudaginn
11. desember sl. Útför hennar fór fram í kyrrþey
22. desember. Hún verður jarðsett með vorinu
og verður það auglýst síðar.

Rósa Mikaelsdóttir
Bjarndís H. Mitchell
Hallgrímur Stefánsson
Jóhann D. Jimma
Samantha R. Jimma
Einar Jimma
Stefán M. Þ. Mitchell
Tristan H. Mitchell
Fannar D. Hallgrímsson
Hjartkær bróðir okkar,
Ari Arason
frá Skuld, Blönduósi,
lést mánudaginn 22. desember.
Jarðarförin verður auglýst síðar.
Systkinin frá Skuld og fjölskyldur þeirra.
Þökkum auðsýnda samúð og hlýhug við
andlát og útför móður minnar, tengda-
móður, ömmu og langömmu,
Guðrúnar Zakaríasdóttur.
Sérstakar þakkir til starfsfólks hjúkrunarheimilisins
Sunnuhlíðar.
F.h. barnabarna og barnabarnabarna,
Svavar Sölvason Valborg Sigurðardóttir.
Tilkynningar um merkis atburði, stórafmæli og
útfarir má senda á netfangið timamot@frettabladid.is.
timamot@frettabladid.is
100 ára afmæli
Svanlaug Einarsdóttir
til heimilis að Birkimörk 8, Hveragerði,
áður Fannborg 1, Kópavogi,
verður 100 ára á jóladag.
Svanlaug dvelur núna á Sjúkrahúsinu
á Selfossi vegna lasleika.
Hún vill koma bestu kveðju til
allra vina og vandamanna.