Fréttablaðið - 24.12.2008, Blaðsíða 50

34 24. desember 2008 MIÐVIKUDAGUR
„Jólin koma bara ekkert hjá mér
fyrr en þetta gigg rennur upp,“
segir Páll Óskar Hjálmtýsson um
sína sjöttu miðnæturmessu sem
hann heldur með hörpuleikaran-
um Moniku í Fríkirkjunni í kvöld
klukkan 23.30. Njóta þau aðstoðar
kórs og strengjakvartetts á
tónleikunum.
„Þetta er ekki messa heldur
meira svona hugvekja,“ segir Páll
og hvetur fólk til að láta sjá sig
enda sé aðgangur ókeypis. Séra
Hjörtur Magni flytur hugvekju
og Anna Sigríður flytur jólasálma
ásamt kór. Allir syngja síðan
saman Heims um ból í lokin áður
en þeir ganga út í jólanóttina.
Páll Óskar í
Fríkirkjunni
PÁLL OG MONIKA Páll Óskar og Monika
koma fram á miðnæturmessu í Fríkirkj-
unni í kvöld.
Söngkonan Heiða og Guffi,
gítarleikari For a Minor Reflect-
ion, hafa gefið út jólalagið
Kertaljós á jólanátt. Fyrir
tveimur árum sameinuðust þau
um að búa til jólalag en það lá í
dvala þangað til ákveðið var að
taka það upp fyrir þessi jól.
Þótt lagið sé samið árið 2006 á
toppi góðærisins á það vel við í
dag, enda er sungið um að allir fái
yfirdrátt í viðlaginu.
Heiða hefur sungið með
hljómsveitunum Unun og Hellvar.
Einnig hefur hún tekið þátt í
undankeppnum Eurovision hér á
landi. Hljómsveit Guffa, For a
Minor Reflection, gaf út frum-
raun sína Reistu þig við, sólin er
komin á loft, undir lok síðasta árs
og fékk hún góðar viðtökur.
Jólalag um
yfirdrátt
RAGNHEIÐUR EIRÍKSDÓTTIR Heiða og
Guffi úr For a Minor Reflection hafa
gefið út jólalagið Kertaljós á jólanátt.
FRÉTTABLAÐIÐ/ANTON
Leikstjórinn Robert Mulligan er
látinn, 83 ára að aldri. Ferill Mulli-
gans nær yfir fjörtíu ára tímabil
en þekkastur er hann sennilega
fyrir meistaraverkið To Kill a
Mockingbird. Mulligan lést úr
hjartaáfalli á laugardaginn.
Myndin To Kill a Mockingbird
er klassík í bandarískri kvik-
myndagerð og í hávegum höfð
meðal kvikmyndaunnenda. Mulli-
gan fékk fyrir hana sína einu til-
nefningu til Óskarsverðlauna en
lögfræðingurinn Atticus, leikinn
af Gregory Peck, var meðal ann-
ars valinn mesta hetja hvíta tjalds-
ins af AFI, bandarísku kvikmynda-
stofnunni.
Ferill Mulligans var nokkuð
skrykkjóttur í þau fjörutíu ár sem
hann sat í leikstjórastólnum. Hans
verður þó alltaf minnst fyrir að
hafa gefið bók Harper Lee líf árið
1962. Síðasta mynd Mulligans var
kvikmyndin The Man in the Moon
frá árinu 1991 en í henni þreytti
Reese Witherspoon sína frumraun
í kvikmyndum sem Dani Trant.
Leikstjóri Mockingbird allur
LEIKSTJÓRINN LÁTINN Robert Mulligan, leikstjóri To Kill a Mockingbird, er látinn, 83
að aldri.
Barack Obama bíður þess nú að
sverja hollustueið sem næsti for-
seti Bandaríkjanna. Eftir nær
linnulausa tveggja
ára kosningabar-
áttu reynir Obama
nú að safna kröft-
um enda mikið verk
sem bíður hans
eftir átta ára for-
setatíð George
W. Bush. Obama
er mikill aðdá-
andi golfíþróttar-
innar og stundar
hana nú af miklum þrótti í
sumarleyfi sínu á Hawaii.
Blaðamenn fylgja honum
að sjálfsögðu við hvert fótmál og
engum sögum fer af hæfni forset-
ans á vellinum. Hann ku hins
vegar vera hinn rólegasti
og bauð meðal annars
fjölmiðlamönnum upp
á bjór. Sem þeir þáðu
ekki.
Afslappaður Obama
GOLFARI Barack
Obama er forfallinn
golfari en hæfileik-
arnir þykja víst ekki
alveg í samræmi
við áhugann.
Veðmálafyrirtækið Betsson
afhenti á dögunum Mæðrastyrks-
nefnd og kaffistofu Samhjálpar
ávísun upp á hundrað þúsund
handa hvoru fyrir sig. Hans-Mart-
in Nakkim, markaðsstjóri Bets-
son, þvertekur fyrir að fyrirtækið
sé með þessu að slá ryki í augu
landans en gerir sér fyllilega grein
fyrir því að einhverjir kunni að
hafa horn í síðu gjafanna í ljósi
eðli fyrirtækisins. „Við erum ekk-
ert að hreinsa okkur af einhverri
sök heldur langar einfaldlega að
leggja okkar af mörkunum,“ segir
Hans -Martin.
Betsson styrkir margvísleg góð
málefni í öðrum löndum. Hins
vegar hefur staðið nokkur styrr
um starfsemi fyrirtækisins á
Íslandi og Íslensk getspá kærði
fyrirtækið fyrir auglýsingar í maí
á þessu ári. Samkvæmt íslenskum
lögum má aðeins reka happdrætti
hér á landi til þess að afla fjár til
almannaheilla en Betsson hefur
auglýst fjárhættuspil sem hægt er
að stunda á vefsíðu fyrirtækisins
frá árinu 2006. Betsson er starf-
rækt í Svíþjóð, er skráð í sænsku
kauphöllina og hefur öll tilskyld
leyfi samkvæmt EES. Hans-Mart-
in er sér fyllilega meðvitaður um
það hornauga sem fyrirtækið er
litið af mörgum hér á landi. „Við
höfum verið að reyna að brjóta á
bak aftur þá einokunarstefnu sem
ríkir um happdrætti og annað
tengt því,“ útskýrir Hans-Martin
sem vonast til að stjórnvöld komi
til móts við óskir fyrirtækisins um
að hleypa því af fullum krafti inn
á þennan markað.
Hans-Martin segir að verði þeim
að ósk sinni muni þeir láta enn
frekar til sín taka í góðum málefn-
um. Og nefnir þar sérstaklega
íþróttalið. Ekki ætti að vera van-
þörf á enda hafa ansi mörg íþrótta-
félög þurft að horfa á eftir háum
fjárhæðum þegar bankarnir
hrundu. „En þessi stefna sem ríkir
á Íslandi og reyndar víða kemur í
veg fyrir það,“ segir Hans-Martin.
- fgg
Betsson gerir góðverk
GÓÐ GJÖF Aðalheiður Frantzdóttir tekur við hundrað þúsund krónum frá fulltrúa
Betsson, Jórunni Steinson.
Á annan í jólum verður nóg
um að vera í höfuðborginni,
þar á meðal útgáfutónleikar
og tveir jóladansleikir.
Hljómsveitirnar FM Belfast,
Sprengjuhöllin, Hjaltalín og Retro
Stefson ætla að leika saman á jóla-
balli á Nasa 26. desember. „Við
viljum bara fagna jólunum,“ segir
Atli Bollason, hljómborðsleikari
Sprengjuhallarinnar. Hann segir
að hljómsveitirnar séu líka að
vissu leyti að gera upp árið í
leiðinni. „Allar þessar hljómsveit-
ir eru búnar að eiga fínt ár. Við
viljum bara fagna hækkandi sól
og fá fólk til þess að sletta úr
klaufunum.“
Dóri DNA hefur verið fenginn
til þess að vera kynnir á tónleik-
unum. Að sögn Atla ætlar Dóri að
ganga undir nafninu Jóli DNA á
tónleikunum og vera í jólasveina-
búningi. Miðar eru seldir í for-
sölu á midi.is, og kosta 1.500 krón-
ur. Það kostar hins vegar 1.800
krónur við innganginn, en við-
skiptavinir Nova fá miðann á
1.000 krónur.
Á Club 101, þar sem Organ var
áður til húsa, verða útgáfutónleik-
ar hljómsveitarinnar Steed Lord.
Þar verður nýútkominni plötu
hljómsveitarinnar, Truth Serum,
fagnað. Ásamt sveitinni munu
plötusnúðarnir Danni Deluxxx og
Dj Rampage koma fram. Miðar á
tónleikana eru seldir á miði.is og
kosta 1.000 krónur. Steed Lord eru
á leið í tónleikaferðalag um Evr-
ópu og Bandaríkin eftir áramót,
og verða þetta því síðustu tónleik-
ar sveitarinnar hér á landi í bili.
Milljónamæringarnir ætla að
blása til jóladansleiks á Hótel
Sögu á annan í jólum. „Þetta er
sextánda árið í röð sem við höld-
um þennan dansleik,“ segir Stein-
grímur Guðmundsson, Milljóna-
mæringur. „Þetta er alltaf jafn
skemmtilegt og spennandi.“ Stein-
grímur segir að aðalsöngvarar
sveitarinnar, þeir Raggi Bjarna,
Bjarni Arason og Bogomil Font,
muni syngja með sveitinni, auk
sérstaks leynigests. Sá er sagður
vera meðal annars í hljómsveit-
inni Hjálmum. Ekki er ólíklegt að
þar sé um að ræða Sigurð Guð-
mundsson, sem einnig hefur sung-
ið og spilað með Memfismafíunni.
Miðaverð á dansleikinn er 2.000
krónur.
Auk þessara atburða verður
Skítamórall með tónleika á Broad-
way, Eurobandið á Players og Sálin
hans Jóns míns á 800 Bar á Sel-
fossi, svo eitthvað sé nefnt.
thorunn@frettabladid.is
Nóg að gerast á annan í jólum
SPRENGJUHÖLLIN Kemur fram ásamt FM Belfast, Retro Stefson og Hjaltalín á jóla-
dansleik á Nasa. MYND/JÓI KJARTANS
STEED LORD Verða með útgáfutónleik-
ana sína á Club 101. Þetta verða einu
tónleikar sveitarinnar á Íslandi í bili.
MILLJÓNAMÆRINGARNIR Halda
jóladansleik sextánda árið í röð á Hótel
Sögu.