Fréttablaðið - 24.12.2008, Blaðsíða 10
10 24. desember 2008 MIÐVIKUDAGUR
Jólagjafir til starfsmanna eru margar og
misjafnar. Kristján, sem vinnur hjá ónefndu
ráðuneyti skrifar: „Ég fékk eina rauðvín og
eina hvítvín í jólagjöf. Fór í gær í ÁTVR og
skilaði en þá upphófst mikið vesen. Starfs-
maðurinn þurfti að finna út „gamla verðið“
og taka af mér flöskurnar á því verði en ég
þurfti að kaupa á verði dagsins. Er þetta
hægt? Þetta er samkvæmt skipun fjármála-
ráðuneytisins til ÁTVR og starfsmennirnir
kunna þeim litlar þakkir. Ég vona bara að ég
fái eðal-timburmenn af þessu koníaki sem
ég keypti dýrum dómum.“
Nei, það vona ég nú ekki enda er fátt
ömurlegra en timburmenn. Segi að lokum
gleðileg jól og höldum áfram að vera
vakandi neytendur!
■ Sendið
umboðsmanni
neytenda
ábendingar eða
sparnaðarráð
á neytendur@
frettabladid.is
DR. GUNNI
neytendur@
frettabladid.is
Neytendur: Skipun fjármálaráðuneytisins
Gamla og nýja verðið
TIMBURMENN Forðumst þá.
...
SVÍÞJÓÐ Sænsk skattyfirvöld hafa
komið upp um skattsvik fjórtán
einstaklinga sem hafa í framhald-
inu fengið að greiða jafnvirði
meira en 300 milljóna íslenskra
króna í skatt, að sögn Dagens
Nyheter. Svíarnir höfðu geymt
peninga sína í bankanum LTG í
Liechtenstein.
Upp um málið komst í vor
þegar þýskur lögreglumaður
keypti upplýsingar frá fyrrver-
andi starfsmanni LTG í Liechten-
stein en þá kom í ljós að margir
Þjóðverjar höfðu svikið undan
skatti með því að geyma peninga
sína í Liechtenstein.
Þegar málið var skoðað í
Svíþjóð kom í ljós að margir ríkir
Svíar höfðu notað sömu aðferð.
- ghs
Ríkir Svíar og skattsvik:
Geymdu pen-
ingana sína í
Liechtenstein
NORÐURLÖND Lönd á norðurslóðum
hafa tekið sig saman um nýtt
þróunarverkefni þar sem
athafnamenn og vísindamenn
vinna saman að því að efla
veiðiferðamennsku í fimm
löndum á norðurslóðum, að sögn
sænska dagblaðsins Dagens
Nyheter.
Verkefnið ber heitið „North
Hunt“ og er markmiðið að þróa
veiðiferðamennsku í dreifbýli
Norður-Evrópu.
Verkefnið mun eiga sér stað á
árunum 2008-2010 í Svíþjóð,
Finnlandi, Skotlandi og á Íslandi,
auk Kanada þótt utan Evrópu sé.
- ghs
Samstarf í norðri:
Efla veiðiferða-
mennsku
NOREGUR Árið í ár er versta brunaárið í Noregi
frá árinu 1979. Í ár hafa 83 einstaklingar dáið í
eldsvoða í landinu en árið 1979 dóu 91 í elds-
voða, þar af margir þegark viknaði í tveimur
hjúkrunarheimilum. Slökkviliðsmönnum í
Noregi stendur ekki á sama um þróunina og
hafa óskað eftir fundi með norska dómsmála-
ráðuneytinu til að ræða mögulegar aðgerðir.
„Við óskum eftir því að hitta pólitíska leiðtoga
í ráðuneytinu til að ræða viðbrögð. Tölurnar eru
svo dramatískar að við verðum að gera
eitthvað,“ segir Havard Kleppe slökkviliðs-
maður.
Fjölmargir eldsvoðar hafa átt sér stað í
Noregi í ár og hafa óvenjumargir þeirra kostað
mannslíf. Nú í desember hefur kviknað í
fjölmörgum húsum og hafa um tuttugu
einstaklingar látið lífið í þessum brunum. Versti
eldsvoðinn varð fyrir hálfum mánuði þegar
kviknaði í húsi í Osló, sex létu lífið og margir
slösuðust. Um þrjátíu íbúar í nágrenninu þurftu
að yfirgefa heimili sín. Þetta er versti bruninn í
Osló í sjötíu ár, að sögn norska ríkisútvarpsins
NRK.
Að meðaltali brenna um 30 hús á viku í
Noregi. Upp á síðkastið hafa brunarnir verið
50-80 talsins á viku. Verið er að rannsaka
hvort brennuvargur standi á bak við brunana í
ár. Ótti við eldsvoða hefur gripið um sig, að
sögn VG, og eru reykskynjarar víða uppseldir.
Fréttablaðið greindi frá því í sumar að sex
manna íslensk fjölskylda hefði misst heimili
sitt í bruna í Noregi meðan hún var í sumar-
fríi erlendis. - ghs
Árið 2008 er mesta brunaárið í Noregi í þrjátíu ár og hafa óvenjumargir brunanna kostað mannslíf:
Yfir áttatíu hafa dáið í brunum
VERSTA BRUNAÁRIÐ Árið 2008 er versta brunaárið í Noregi frá 1979 þar sem meira en 80 hafa dáið í eldsvoðum
þar í landi. NORDICPHOTOS/AFP
KÓPAVOGSKIRKJA Í hönd fer hátíð
ljóss og friðar. Þá mæta margir í
messu. FRÉTTABLAÐIÐ/VILHELM