Fréttablaðið - 22.01.2009, Blaðsíða 24
24 22. janúar 2009 FIMMTUDAGUR
UMRÆÐAN
Rósa Guðbjartsdóttir skrifar
um fjármál Hafnarfjarðar
Illa hefur verið haldið á fjármál-um Hafnarfjarðarbæjar á und-
anförnum árum. Dapurlegt er að
meirihlutinn í bæjarstjórn skyldi
ekki haustið 2007 taka tilboði Orku-
veitu Reykjavíkur í eignarhlut bæj-
arins í Hitaveitu Suðurnesja eins og
sjálfstæðismenn lögðu til og sveit-
arfélög á Suðurnesjum höfðu gert.
Þannig hefði verið hægt að lækka
skuldir bæjarins um 7,5 milljarða
króna, en þá voru langtímaskuld-
ir um 10 milljarðar króna. Sam-
fylkingin hikaði og bærinn tap-
aði. Óljóst er á þessari stundu
hvort Orkuveitan geti keypt hlut-
inn enda virðist hún hvorki vilja
það né geta og ekki mega það sam-
kvæmt úrskurði samkeppnisráðs.
Tilboð Orkuveitunnar var auð-
vitað barns síns tíma, sett fram á
hápunkti þenslunnar í þjóðfélaginu.
Synd að Samfylkingin skyldi ekki
hafa borið gæfu til að samþykkja
það strax.
Í stað þess að Hafnarfjörður
hefði grætt 7,5 milljarða króna á
sölunni sem hægt hefði verið að
nýta í niðurgreiðslu erlendra lána á
meðan krónan var enn sterk, þá var
tekið 3 milljarða erlent lán. Margir
muna þegar bæjarstjórinn hreykti
sér af því í fjölmiðlum hve hagstætt
lánið hefði verið. Þetta lán stend-
ur nú í 6 milljörðum. Í stað þess að
vera með hóflega skuldsettan bæj-
arsjóð nema heildarskuldir Hafnar-
fjarðar nú um 34 milljörðum króna.
Í stað þess að vera í hvað sterkastri
stöðu sveitarfélaga á höfuðborg-
arsvæðinu á bæjarsjóður í vand-
ræðum með að
greiða reikn-
inga.
Mikil er fjár-
málasnilld
meirihluta Sam-
fylkingarinnar
sem stærði sig af
því að árið 2008
hafi verið mesta
framkvæmda-
ár í sögu Hafn-
arfjarðarbæjar.
Við sjálfstæðismenn vöruðum við
þessari framkvæmdagleði á þenslu-
tímum og nú er því miður lítið svig-
rúm til að fara í framkvæmdir.
Bæjarstjórinn segir í sjónvarps-
fréttum að allar framkvæmdir árs-
ins 2008 hafi verið fjármagnaðar af
eigin fé. Reikningar bæjarins sýna
annað.
Fyrsta verk meirihluta Samfylk-
ingarinnar nú á nýju ári var að taka
nýtt 400 milljóna króna lán. Það lán
fæst hjá Nýja Kaupþingi og er verð-
tryggt með 9,8% vöxtum! Athyglis-
vert er að til þess að fá lánið þurfti
Hafnarfjarðarbær að veðsetja tvær
af fasteignum sínum. Þessi lántaka
og lánakjör segja meira en mörg
orð um stöðu bæjarsjóðs Hafnar-
fjarðar í dag.
Höfundur er bæjarfulltrúi
í Hafnarfirði.
UMRÆÐAN
Ellert B. Schram skrifar um
samfélagsástandið
Fólk heldur áfram að efna til mótmæla, sem ég skil vel.
Hef jafnvel mætt á suma þess-
ara funda og klappað fyrir ræðu-
mönnum. Enda af nógu að taka
og margt mætti betur fara. Fólk
kallar eftir kosningum og ég tek
undir þá kröfu að þjóðin veiti
Alþingi nýtt umboð til að takast á við vandann. Þess
vegna sömu flokkum og nú stjórna. Það ræðst af
því sem kemur upp úr kjörkössunum. Þetta snýst
um lýðræði.
En um leið og ég segi þetta, verða Íslendingar að
horfast í augu við þá staðreynd, að hver svo sem
stýrir stjórnarskútunni næstu misserin, kemst ekki
hjá því að takast á við ástandið og þar er brýnast að
koma á stöðugleika og draga úr halla fjárlaganna.
Sníða sér stakk eftir vexti. Það verkefni verður ekki
umflúið.
Mótmælin gegn niðurskurði í heilbrigðismálum
eru skiljanleg en því miður, sá niðurskurður er óhjá-
kvæmilegur. Þar sem annars staðar í ríkisrekstrin-
um. Og hann þarf að vera meiri og dýpri við gerð
næstu fjárlaga. Það er hinn napri veruleiki. Á öllum
sviðum. Við getum auðvitað haft okkar skoðanir á
því hvernig staðið er að niðurskurði í heilbrigðis-
kerfinu og annars staðar, en eftir stendur að það
er eins og fólk vilji ekki horfast augu við veruleik-
ann. Við stöndum nefnilega á þeim krossgötum að
fylleríinu er lokið. Timburmennirnir eru að koma
í ljós.
Þar með er ekki sagt að menn eigi að leggja upp
laupana. Þjóðin hefur áður gengið í gegnum kreppur
og lifað það af. Íslendingar voru raunar fátæk þjóð
allt fram á miðja síðustu öld. Fólk bjó í bröggum,
engir lífeyrissjóðir og ömmur og afar minnar kyn-
slóðar komust aldrei til útlanda. Áttu hvorki ísskápa
né ryksugur. Þau lifðu samt. Ég er nógu gamall til
að muna, þegar ég var í sveit sem unglingur, að þar
á bæ var ekki að finna hreinlætistæki, önnur en þau
að kamarinn stóð á hlaðinu og lækurinn var baðher-
bergið. Samt leið mér vel í sveitinni.
Með þessu er ég ekki að segja að við hverfum
aftur til þessara sultarára, síður en svo. Heldur hitt
að við getum og verðum að draga saman seglin um
stundarsakir og getum samt lifað það af.
Á umliðnum áratugum hafa lífskjör batnað og við
höfum búið við velmegun. Við erum orðin góðu vön.
Og allt gott um það að segja. En við hljótum líka að
hafa þann arf og það þrek að geta tímabundið dreg-
ið úr kröfunum og yfirbyggingunni og séð á eftir
ýmissi þjónustu hins opinbera, án þess að líta á það
sem heimsendi. Og neitað okkur um ýmsa þá neyslu
og aðstöðu, sem við höfum gengið út frá sem sjálf-
sagðri í seinni tíð. Það er nefnilega ekkert sjálfgef-
ið og lífið þarf ekki að verða óbærilegt, þótt ekki
sé allt til alls.
Það er þetta sem verið er að gera og þarf að gera,
hvort sem okkur líkar betur eða verr. Og hver svo
sem stjórnar þeirri ferð. Og til þess þarf að setja
undir sig hausinn, ekki bara vondir kallar í ríkis-
stjórn, heldur við öll.
Svo er það hitt, hvort við viljum halda okkur við
krónuna. Sem auðvitað er þá umræðan um aðild
að Evrópusambandinu og evrunni eða ekki. Margt
hefur verið upplýst að undanförnu um kosti og galla
Evrópuaðildar. En enginn, hversu fróður sem hann
er um ESB eða hversu hann er mikið með eða á móti
ESB aðild, veit í rauninni hvað felst í aðild, fyrr
en það liggur á borðinu. Þess vegna eiga menn að
leggja þessar deilur niður, ganga strax til aðildar-
viðræðna og leggja þau spil á borðið, sem gefin eru.
Og kjósa síðan um það hvort við sættum okkur við
þá stöðu eða ekki.
Segja já eða nei. Þetta eru engin trúarbrögð.
Þetta snýst um hagsmuni íslenskrar þjóðar, fram-
tíðina, börnin okkar.
Höfundur er alþingismaður.
Hvað er fram undan?
ELLERT B. SCHRAM
En við hljótum líka að hafa þann arf og það
þrek að geta tímabundið dregið úr kröfunum
og yfirbyggingunni og séð á eftir ýmissi þjón-
ustu hins opinbera, án þess að líta á það sem
heimsendi.
RÓSA
GUÐBJARTSDÓTTIR
Slæm staða
Hafnarfjarðar
Margir muna þegar bæjarstjór-
inn hreykti sér af því í fjölmiðl-
um hve hagstætt lánið hefði
verið. Þetta lán stendur nú í 6
milljörðum
Brimborg Reykjavík: Bíldshöfða 6, sími 515 7000 | Brimborg Akureyri: Tryggvabraut 5, sími 462 2700 | notadir.brimborg.is
*Þessi bifreið er visthæf og fær frítt í stæði í Reykjavík í 90 mín. í senn. Nánari upplýsingar veita söluráðgjafar Brimborgar.
C
ohn &
W
olfe P
ublic R
elations Íslandi
Eingöngu bílar sem sérfræðingar Ford mæla með
Farðu á netið og skoðaðu Ford á notadir.brimborg.is
Skoðaðu notaða úrvalsbíla í sýningarsal Ford, Bíldshöfða 6, í dag.
Komdu í kaffi í sýningarsal Ford, Bíldshöfða 6.
Nýtum notaðan Ford
Nýtum notaðan Ford
Nýtum notaðan Ford
Nýtum notaðan Ford
Nýtum notaðan Ford
Nýtum notaðan Ford
1,4 dísil beinskiptur 5 dyra
Visthæfur fyrir frí bílastæði*
Fast númer VU763
Skrd. 08/2007. Ek. 6.300 km.
Ásett verð 2.260.000 kr.
Afsláttur 270.000 kr.
Tilboðsverð 1.990.000 kr.
5,4 V8 bensín sjálfskiptur 8 manna
Leður, loftp.fjöðrun, rafdr.afturhleri ofl.
Fast númer JSZ84
Skrd. 06/2008. Ek. 17.000 km.
Ásett verð 8.690.000 kr.
2,3 bensín sjálfskiptur
15” álf, þverbogar, dráttarbeisli ofl.
Fast númer RM450
Skrd. 07/2005. Ek. 24.000 km.
Ásett verð 2.650.000 kr.
Afsláttur 260.000 kr.
Tilboðsverð 2.390.000 kr.
1,6 bensín sjálfskiptur 5 dyra
Fast númer TX587
Skrd. 12/2005. Ek. 7.200 km.
Ásett verð 2.250.000 kr.
2,3 bensín sjálfskiptur 7 manna
Fast númer YFE11
Skrd. 06/2008. Ek. 12.000 km.
Ásett verð 5.900.000 kr.
Afsláttur 300.000 kr.
Tilboðsverð 5.600.000 kr.
2,0 bensín sjálfskiptur 5 dyra
Leður, 16” álf, tölvust. miðstöð ofl.
Fast númer LL191
Skrd. 06/2007. Ek. 12.000 km.
Ásett verð 3.250.000 kr.
Afsláttur 370.000 kr.
Tilboðsverð 2.880.000 kr.
Ford Galaxy Trend Ford Escape XLS Ford Focus Trend
Ford Fiesta TrendFord Expedition Limited EL Ford Mondeo Ghia
Ford Genuine Design.
Ford leggur áherslu á fjölskyldugildin,
gegnheila og einlæga hönnun. Vertu í hópi
þeirra bestu. Veldu Ford. Spurðu um
Fyrirmyndarþjónustu Brimborgar.