Fréttablaðið - 22.01.2009, Blaðsíða 32

22. JANÚAR 2009 FIMMTUDAGUR4 ● fréttablaðið ● þorrinn
Þorrinn er að byrja með öll
sín blót. Hann er annatími hjá
skemmtikröftum, bæði þekkt-
um og óþekktum. Jóhannes
Kristjánsson eftirherma
tilheyrir fyrrnefnda hópnum.
Best að heyra í honum.
Jóhannes, ertu að skemmta á
mörgum blótum þetta árið?
„Það er fullt að gera eins og
venjulega á þorranum. Þetta er
loðnuvertíðin. Sum blótin eru
pöntuð með árs fyrirvara og
önnur klukkutíma. Maður er við
öllu búinn.“
Undirbýrðu þig þá sérstaklega
fyrir þennan árstíma?
„Já. Eitthvað sérsníðir maður
fyrir hvert og eitt tilefni. Það kost-
ar yfirlegu, setu og taugastríð.
Stundum þarf maður að henda
helmingnum af því sem búið er
að leggja í og eins að fylgjast með
því sem er að gerast í þjóðfélag-
inu.“
Er ekki svekkjandi þegar litrík-
ir menn eins og Guðni Ágústsson
ganga út af sviðinu?
„Hann er nú ekki dauður. Það
er verst þegar þeir deyja sem hafa
fylgt manni lengi. Það er agalegt.
Guðni er vissulega góð týpa til að
herma eftir og hann verður með
áfram. Svo koma nýir inn.“
Ertu farinn að herma eftir hinum
nýja formanni Framsóknar, Sig-
mundi Davíð?
„Ég hef verið að fylgjast með
honum og er að bíða eftir að hann
geri sig meira gildandi en hann
hefur sterka rödd og persónu-
leika.“
Hverjir aðrir eru nýir?
„Það eru alltaf einhverjar
breytingar. Sumir stoppa stutt
og aðrir detta inn öðru hvoru.
Stundum eru fáir inni og stund-
um margir. Þetta er allt gert eftir
tilfinningunni.“
Nú eru þorrablótin haldin af
félögum, fyrirtækjum og stofnun-
um. Þarftu að kynna þér karakt-
era innan þess hóps sem þú ert að
skemmta?
„Já, og sums staðar þekkir
maður til. Maður er alltaf með
gapandi augu og eyru.“
Teljast eftirhermur ekki til
þjóðlegra skemmtiatriða?
„Ég held þær séu nú iðkaðar
um allan heim. En þær eru hvergi
þjóðlegri en á Íslandi.“
Ferðu eitthvað út á land?
„Þegar ég kemst. Ég held ég
hafi skemmt alls staðar. En ekki
á þessum tíma meðan mest er að
gera hér syðra. Það þýðir ekkert
að sigla út á hafið þegar aflinn er
við bryggjuna.“ - gun
Maður er alltaf með
augu og eyru gapandi
Fyrir utan ljúft orð í eyra
og atlot blíð þráir eiginmað-
urinn ugglaust fátt meira en
dýrðlega máltíð á bóndadag-
inn. Hvort hinn þjóðlegi þorra-
matur á upp á pallborðið er mis-
jafnt eftir aldri. Þeir sem ólust
upp við súrsað og saltað kunna vel að
meta þannig mat fallega fram borinn en
aðrir taka eflaust safaríka steik fram yfir.
Blóm eiga vissulega við á bóndadaginn, að
minnsta kosti ein rauð rós í vasa. Þó eru karlmenn ekki eins
veikir fyrir blómum og konur og þess vegna koma ýmsir aðrir
hlutir til greina sem bóndadagsgjafir. DVD-diskur með ekta
spennumynd ásamt örbylgjupoppi er fyrirtaks hugmynd sem
ég ræni hér með frá samstarfskonu og góð bók gleður alltaf.
Nýtt hálstau fyrir þorrablótið hlýtur að koma sér vel og tref-
ill ber merki um hlýjan hug. Vinnuþjarkarnir hafa svo bráðgott
af slakandi nuddi og gjafabréf í slíkt dekur er ávísun á ánægðan
eiginmann, að minnsta kosti eftir á. - gun
Gjafir til að gleðja
bóndann
Huggulegur
trefill skilar
hlýju hálsakoti.
Gjafabréf á nuddstofu er gott
innlegg í sambandið. Karlar eru að
sama skapi sólgnir í góða steik.
Bækur eru alltaf vel
þegnar á náttborðið.
Karlar sem hata konur
þykir góð og óneitanlega
er kaldhæðni í titlinum.
DVD-diskur með eftir-
lætisgoðunum slær í
gegn á bóndadaginn.
„Stundum eru fáir inni og stundum margir. Þetta er allt gert eftir tilfinningunni segir Jóhannes eftirherma sem bregður sér í hin
ýmsu gervi á augabragði og er ekki feiminn við að stæla forseta vorn, Ólaf Ragnar Grímsson. FRÉTTABLAÐIÐ/GVA
Léttöl
PILSNER Drukkinn í 91 ár
G
ot
t
fó
lk
Það er ekki að ástæðulausu að sumt stenst tímans tönn.
Íslendingar hafa haldið tryggð við Egils Pilsner í blíðu jafnt
sem stríðu í tæpa öld, þökk sé hressandi bragði og hagstæðu verði.
Endurnýjaðu kynnin við ölið sem Íslendingar hafa drukkið allar götur síðan 1917.