Fréttablaðið - 22.01.2009, Blaðsíða 28
Þríburabræðurnir Logi, Kári og
Máni, sem eru á áttunda ári, taka
broshýrir og tannlausir á móti
blaðamanni en allir misstu þeir
framtönn um hátíðarnar. Þeir
standa á höndum og snúa sér á haus
fyrir ljósmyndara Fréttablaðsins
en raða sér svo fallega í sófann
þar sem þeir sitja fyrir svörum um
aðaláhugamálið, breik.
Móðir drengjanna, Sif Svavars-
dóttir, er þeim innan handar og
byrjar að segja frá því hvernig
breikáhugi þeirra kviknaði. „Ég
hafði verið að draga strákana á fót-
boltaæfingar við lítinn fögnuð en
síðan komu þeir heim úr skólanum
einn daginn og fóru að gera breik-
trix sem þeir höfðu séð unglings-
stráka í skólanum gera. Þeir virt-
ust mjög áhugasamir og ég hafði
í kjölfarið upp á breikaranum
Natöshu sem kennir meðal annars
í Dansskóla Jóns Péturs og Köru.“ Í
upphafi æfðu bræðurnir einu sinni
í viku en fljótlega fjölgaði æfingun-
um upp í fjórar. „Natasha sá hvað
þeir voru áhugasamir og bauð þeim
að koma á aukaæfingar.“
Nú er svo komið að bræðurnir
eru farnir að snúa sér á haus og
gera hin ýmsu spor og trix sem
þeir telja upp fyrir blaðamann.
„Við gerum six step, four step,
baby frees, back spin, head spin,
sisi og attitude,“ segja þeir hver í
kapp við annan. Bræðurnir eiga
allir eitt spor sem þeir eru bestir
í og tekur móðir þeirra að sér að
greina frá þeim: „Kári er bestur í
head spin, Logi í back spin og Máni
í baby frees. Þeir eru svo allir með
sérstök breik-nöfn og er Máni b-
boy big, Kári b-boy storm og Logi
b-boy fire.
Blaðamanni leikur nú forvitni
á að vita hvort mamman sé aldrei
hrædd um drengina í loftköstun-
um. „Jú, þegar við förum í aft-
urábak-flikk og snúum okkur á
hausn um,“ svarar Máni en bætir
við að þetta sé ekkert hættulegt.
„Maður er bara pínulítið hræddur
þegar maður byrjar en svo er þetta
ekkert hættulegt.“
„Það er helst að mér bregði þegar
þeir gera eitthvað sem þeir hafa séð
í sjónvarpinu án þess að hafa farið
yfir það í tíma en Natasha leggur
áherslu á að þeir læri sporin fyrst,“
skýtur Sif inn í. Þegar bræðurnir
eru spurðir að því af hverju þeim
finnist breikið svona skemmtilegt
svarar Logi því til að það sé af því
að það sé svo erfitt. En hafið þið
allir jafn mikinn áhuga? „Nei, ég
hef mestan áhuga,“ svarar einn en
um leið gellur í öðrum: „Nei, ég!“
Logi segist svo í það minnsta ætla
að æfa þangað til hann verði gam-
all karl.
En hvað finnst ykkur skemmti-
legast við breikið? „Mér finnst
skemmtilegast að vera í hringn-
um,“ segir Kári og því samsinnir
Máni en þá fer einn og einn inn í
hring af breikurum og sýnir list-
ir sínar. Bræðurnir hafa þegar
tekið þátt í fjölmörgum sýningum
og keppnum. Þeir eru alveg laus-
ir við feimni og finnst bara gaman
að koma fram. Stundum koma þeir
allir fram í einu og þá sem hóp-
urinn eða „crewið“ Little rascals.
vera@frettabladid.is
Féllu allir fyrir breikinu
Bræðurnir Logi, Kári og Máni hafa brennandi áhuga á breiki. Þeir æfa oft í viku og fer stöðugt fram. Þeir
eru alveg lausir við feimni og finnst gaman að koma fram hvort sem er einir og sér eða saman í hóp.
Kári stendur hér á haus en Máni (til vinstri) og Logi (til hægri) gera baby frees og fleiri trix. FRÉTTABLAÐIÐ/VILHELM
AFSLÁTTARKORT Frístunda Íslands veitir handhöfum þess fimm til
tuttugu prósenta afslátt af margvíslegri íþrótta- og tómstundaiðkun. Árgjald
kortsins er 1.000 krónur. Nánari upplýsingar er að finna á fristundir.is.
Flottir á því.
Enn meiri
verðlækkun
OILILY - TICKET TO HEAVEN - MOLO
COTTONFIELD - JACKPOT - DIESEL - LEE
60% afsláttur
Laugavegi 51 - sími 552 2201
Opið virka daga 10-18, lau 10-16
Febrúar
01. Þrjúbíó
08. Föndur
15. Klippiljóð
22. Húmor og Amor
Mars
01. Spiladagur
08. Áslaug Jónsdóttir
rithöfundur les fyrir börnin
15. Föndur
22. Þrjúbíó
29. Sögustund
Apríl
05. Þrjúbíó
19. Sögustund
26. Föndur
Blaðberinn
bíður þín
Þú færð Blaðberann þinn í Skaftahlíð 24
alla virka daga frá kl. 8-17.
óðar fréttir fyrir umhverfiðBlaðberinn...