Réttur - 01.07.1927, Side 16

Barrabas.
i.
Það líður að nótt í Jerúsalem.
Ráðstefnu æðstuprestanna er lokið.
Þeir hafa svarið það við nafn Jahve að leggjast allir
á eitt á móti Jesú frá Nasaret. Þeir eru sannfærðir. um,
að hann spilli æskunni, afvegaleiði lýðinn og sé falsspá-
maður.
Þeir vita að hann er staddur í borginni. Þeir hafa
ákveðið að njósna um hann, æsa lýðinn móti honum,
handtaka hann, draga hann fyrir lög og dóm og fá
hann líflátinn eins og hvern annan illræðismann.
Æðstuprestarnir eru ánægðir og ganga til hvílu.
II.
Það er nótt í Jerúsalem.
Þytur dagsins er þagnaður og kyrt og hljótt í borg-
inni. —
Um þröngt og skuggalegt hliðarstræti reikar aldrað-
ur Júði. Hann er lítill vexti, hokinn í herðum og klædd-
ur tötrum. IJann er illmannlegur. Hver dráttur í and-
liti hans lýsir slægð og grimd. Hann skimar í allar átt-
ir; augu hans eru stingandi og flóttaleg. Hann læðist
hægt áfram, nemur við og við staðar — og hlustar.
Þetta er Barrabas — manndráparinn.
Hann kemur beina leið utan úr skógi, þar dvelur
hann á daginn. Þar á hann mörg fylgsni, sem gott er