Réttur - 01.07.1927, Side 51

Heimspeki eymdarinnar.
i.
Lesendum Réttar mun óefað kunnugt um, að í ágúst-
mánuði síðastliðnum kom varaforseti guðspekifélags-
ins, herra C. Jinarajadasa, hingað til lands á vegum
íslenzkra guðspekifélaga. Hann flutti tvo opinbera fyr-
irlestra í Reykjavík. Þar að auki talaði hann á nokkr-
um guðspekifundum. Á einum þessara funda var fé-
lagsmönnum gefinn kostur á að leggja fyrir herra
Jinarajadasa skriflegar spurningar, er hann hét að
svara á næsta félagsfundi. Eg greip nú langþráð tæki-
færi og bar upp sjö spurningar fyrir varaforsetanum,
er mér lék dálítil forvitni á að heyra svarað af vörum
þvílíks manns. Spurningarnar eru prentaðar aftan við
þessa greinargerð.
Herra Jinarajadasa svaraði öllum spurningum mín-
um. En svör hans féllu mér í marga staði svo laklega,
að ég gat ekki orða bundist og skrifaði honum á
esperantó bréf það, sem hér fer á eftir í íslenzkri þýð-
ingu. En ég hafði að eins þrjá daga til þessarar bréf-
ritunar og ritaði það þar að auki á máli, sem mér er
ekki enn þá eins tamt og íslenzk tunga. Þess vegna
tókst mér ekki að gera efni þess eins rækilega úr garði
og ég myndi hafa kappkostað, ef ég hefði haft lengri
tíma til umráða.
Bréf mitt svarar vitanlega ekki öllu því, er mér fanst
10*