Réttur - 01.07.1927, Qupperneq 77

Kommúnisminn og bændur.
IV.
Rennum nú augunum yfir starf og stefnu Framsókn-
fjokksins og- athugum hvorttveggja að nokkru.
Stefnuskrá á flokkurinn enga og verður því að ráða
stefnu hans af starfi hans í reyndinni. Eins og skrifað
stendur: »af ávöxtunum skuluð þjer þekkja þá«.
Bestu menn Framsóknarflokksins hafa gengist fyrir
samvinnukaupfjelögum víðsvegar um landið og er sú
starfsemi góðra gjalda verð, enda er þar nú aðalstoð
flokksins, sem kaupfjelögin eru. Margt hefur farið í
handaskolum og víða er samvinnuhreyfingin í megn-
asta ólagi. Væri jafn ódrengilegt að áfella Framsókn-
arflokkinn alt of mjög fyrir það og viðurkenna ekki
örðugleikana, eins og hitt er óviturlegt, að leyna því.
sem aflaga fer. Vissulega mætti oft ráða bót á þessum
ágöllum með meira lýðræði og eftirliti almennings. Oft
eru þröngir flokkshagsmunir látnir sitja fyrir öllu
öðru og ekki er það til að þroska samvinnumenn póli-
tískt, að þröngva þeim til að lesa »Tímann«. Ekki er
það heldur til að efla samvinnu milli kaupstaðarbúa og
sveitamanna, að styrkjaeingöngu Framsóknarblöðin en
verjast alls styrks til málgagna samvinnumanna í
kaupstöðum, verkalýðsblaðanna.
En Framsóknarflokkurinn hefur látið sjer nægja
samvinnu í verslun. Ein af höfuðsyndum flokksins er,
að hann hefur ekki hreyft því máli, sem nú má telja