Réttur - 01.05.1937, Blaðsíða 12
Eitt fyrsta verk íhaldsins yrði að koma hér á vinnu-
lög'gjöf, sem gerði verklýðssamtökin réttlaus og með
öllu gagnslaus sem baráttutæki launavinnufólksins.
Því næst myndi það knýja fram stórkostlega kaup-
lækkun annaðhvort beint eða með verðfellingu krón-
unnar — eða hvorttveggja. Ríkislögregla yrði stofn-
uð, til að kenna fólkinu að sætta sig við þetta. Jafn-
framt yrði heildsalaklíkunni gefið alræði í verzlunar-
málum, sem myndi leieða af sér stórum hækkað verð
á erlendum nauðsynjum og þýða það að Pöntunar-
félag verkamanna í Reykjavík, Kaupfélag Eyfirðinga
og önnur beztu neýtendafélög bænda og verkafólks
yrðu lögð í rústir. Næsta spor yrði, að gefa Eyjólfi
Jóhannssyni og Korpúlfsstöðum einræði í mjólkur-
sölumálum bænda austan heiðar sem vestan, Garðari
Gíslasyni kjötsöluna, Kveldúlfi síldarsöluna í viðbót
við söiu saltfiskjarins (og e. t. v. ,,sélja“ honum síld-
arverksmiðjur ríkisins við vægu ,,verði“), leggja aftur
mútuskatt þeirra Thórsbræðra á fiskskippund smáút-
gerðarmannsins, gefa þýzkum og brezkum auðhring-
um einkarétt á sölu og framleiðslu iðnaðarvarnings o.
s. frv., o. s. frv.
Vonandi er fólkið ekki með öllu búið að gleyma
afrekum Ihaldsins. Sjómenn á togurum mættu kann-
ske minnast baráttu þess á móti hvíldartíma þeirra,
járnsmiðirnir tilraunum mútuþega þess til að láta
allar skipaviðgerðir og flokkanir fara fram erlendis,
verkamenn Reykjavíkur allt atvinnuleysið — þar
ræður þó íhaldið. Kauplækkunartilraun þess 9. nóv.
1932 og ríkislögreglu þess. Húsgagnasmiðir Reykja-
víkur hafa eflaust fengið tíma og tækifæri til að rifja
upp fyrir sér ,,fagnaðarboðskap“ Vinnuveitendafé-
lags þeirra Eggerts Claessen og Richards Thórs nú
síðustu vikurnar. Fátæku barnafjölskyldurnar muna
eflaust ennþá ofsóknir og sveltiherferð borgarstjór-
ans í Reykjavík gegn heilsulitlu skólabörnunum. íbú-
arnir í köldu og dimmu kjallaraholunum og þakher-
92