Réttur - 01.11.1967, Page 2

SJÁLFSSTJÓRN
ÍSLENDINGA
Á EFNAHAGSLÍFINU
I
Viðreisnin er hrunin. Potemkin-tiöldin, sem
Morgunblaðið málaði fyrir kosningar, eru fall-
in. En þau höfðu dugað til að falsa hugi kjós-
enda í krafti íjölmiðlunaráhrifanna. Fólkið
hafði í viðreisnar-vímunni kosið yfir sig heima-
tilbúna kreppu og atvinnuleysi án þess að vilja
það.
Um 2000 manns eru þegar atvinnulausir.
10% lífskjaraskerðing þegar framin.
Kaldur veruleikinn, sem hulinn var bak við
blekkingatjöldin í kosningunum, blasir nú við
hverjum manni. Við íslendingar lifum enn í
frumskógi auðvaldsskipulags, þar sem þeir
smáu eru troðnir undir, ef þeir hafa ekki vit
og samtök til að verjast. Uppgangsskeið og
kreppuástand skiftist á í kapítalismanum sem
forðum. Og þegar kreppuástand hefst, velta
auðhringar stórveldanna afleiðingunum yfir á
alþýðuna og smáríkin, ef þau hafa ekki vit
á að verja sig.
Viðreisnarvíman fer nú eigi aðeins að renna
af því alþýðufólki launastéttanna, er lét íhaldið
blekkja sig til fylgis, og af verkafólki Alþýðu-
flokksins, er trúði fagurgala blekktra leiðtoga.
Skyldi ekki viðreisnarvíman líka fara að
renna af þeim atvinnurekendum íslenzks sjáv-
arútvegs og iðnaðar, sem sjá nú framan í ó-
hulið fésið á þeim afturgöngum, er þeir hjálp-
uðu til að vekja upp 1959? Þá heimtuðu vissir
forkólfar úr þessum stéttum ,,allt frjálst", engin
afskifti ríkisins, — og ríkisfyrirtækin framseld
„frjálsa framtakinu". — Nú riða þessir frelsis-
postular á gjaldþrotabarmi eftir 7 viðreisnarár,
beztu afla- og verðlagsár, sem yfir ísland hafa
komið, — hafa fengið um 40% gengislækkun
og krefjast þar að auki 350 milljón króna styrks
úr ríkissjóði minnst, til þess að skrimta.
Er ekki tími til kominn fyrir þessa menn að
fara að hugsa um hverskonar stefnu þeir hafi
fylgt í öll þessi ár?
II
Það voru hagspekingar úr skóla engilsax-
neska alþjóðaauðvaldsins, sem gerðust leið-
beinendur íslenzkrar borgarastéttar og hún
trúði þeim fyrir örlögum sínum. Hún hélt að
ofsagróði og yfirráð yfir öllum ríkisfyrirtækjum
væri á næsta leyti, ef hún aðeins aðhylltist
frelsið á alþjóða vettvangi.
Inntak stefnunnar var: að alþjóðlegt auð-
magn og viðskiftalögmál þess skyldu ráða á
íslandi sem annarsstaðar í Vestur-Evrópu. Og
182