Réttur - 01.04.1983, Blaðsíða 25

okkar þjóðar til þess að ráða málum
sínum sjálf með því að troða álverinu upp
á landsmenn með þeim hætti sem ég hef
hér lýst. Sú stjórn taldi, að hér þyrfti að
reisa 20 álver vegna þess að við höfðum
fært landhelgina út að fullu í 12 mílur, og
það væri ekki hægt að bæta þar neinu við.
Sú stjórn gerði nauðungarsamninga við
Breta og Vestur-Þjóðverja um það að
landhelgin skyldi aldrei færð út úr 12
mílum nema með leyfi Breta og Vestur-
Þjóðverja. Sem betur fer var þessari
stefnu hnekkt. Þessari stefnu var hnekkt
með stofnun vinstri stjórnarinnar 1971,
sem starfaði til 1974. Það var stjórn þar
sem Alþýðubandalagið fór með sjávarút-
vegsmál og landhelgin var færð út í 50
sjómílur. Alstefnan varð sér þá til skamm-
ar. Orkusölustefnan til hinna erlendu auð-
hringa varð sér þá til skammar.
Við höfum nú á liðnum árum verið að
byggja upp hér í landinu íslenska stefnu
í orkunýtingu, íslenska iðnaðar- og at-
vinnustefnu. Við höfum trú á því að sú
stefna sé affarasælli fyrir sjálfstæði þjóðar-
innar en sú stefna sem álbarónarnir boða
hér með þingsályktunartillögunni, sem
hér liggur fyrir. Virðingarleysi þeirra hins
vegar við málið og alþingi og hæstvirtan
forseta er auðvitað með slíkum emdem-
um, að aldrei hefur annað eins sést á þeim
árum, fáum að vísu, sem ég hef verið hér
í þinginu. Flutningsmenn láta ekki sjá sig.
Þeir forðast að koma hér í salinn og þá
sjaldan þeir koma í salinn, þá gjamma
þeir fram í eitthvert ráðleysisnöldur og
örsjaldan bregður þó fyrir háttvirtum
þingmanni, Friðrik Sófussyni.
(Fr.S.: Ég hlustaði á háttvirtan ráð-
herra).
Og að lokum væri kannski fróðlegt, úr
því að háttvirtur þingmaður Friðrik Sófus-
son er kominn í salinn að spyrja hann
nokkurra spurninga um þessi mál. Ég
spurði hér í upphafi ræðu minnar hvort
ákveðið hefði verið hver yrði formaður í
þessari nefnd sem þarna á að fara að
kjósa? Hver verður formaður í þeirri
nefnd? Ég iegg þá spurningu fyrir háttvirt-
an þingmann, Friðrik Sófusson.
(Fr.S.: Það stendur í þingsályktun-
artillögunni, er það ekki? Þeir eru
miklu síður í Alþýðubandalaginu).
Tekst Alusuisse að rjúfa eininguna
um íslenskan málstað?
Nei, því miður. Það er nú kominn tími til
að þú kannaðist við það að þú hefðir lítið
lært af okkur. En kannski geturðu lært
eitthvað aðeins af okkur í þessum efnum
og þess vegna erum við að reyna að tala
við þig hér og þykir vænt um að sjá þig
hér í salnum. En hér er það að gerast, að
álhringurinn Alusuisse, er að kljúfa íslend-
inga. Það er verið að byggja hér múr á
milli manna á íslandi, annars vegar Al-
þýöubandalagsins og þeirra sem vilja standa
fast á íslenskum málstað og hinna sem
vilja ganga í verkin fyrir Alusuisse. Hér
er komið að grundvallaratriði í allri stjórn-
málasögu eftirstríðsára á íslandi.
Hér stöndum við og ræðum um þetta
inál á þessari löggjafarsamkomu þessarar
litlu þjóðar um hánótt til að ræða um þessi
grundvallaratriði og hvað er að gerast?
Það bíða menn í Zúrich í höfuðstöðvum
Alusuisse eftir niðurstöðum þessara um-
ræðna. Verður samþykkt hér tillaga um
að alþingi íslendinga hneigi sig fyrir Alu-
suisse eða sjá menn sóma sinn í því að
draga skömmina til baka? Þá yrði sómi
flutningamanna meiri en ella.
Herra forseti,
Ég hef lokið máli mínu að sinni.
89