Réttur - 01.04.1983, Blaðsíða 36

vinur hans frá gamalli tíð, segir svo í bréfí til mín: „Við kunningar hans sem
þekktum til gáfna hans og fræðistarfa söknum nú góðs vinar og rösklegs
verkmanns úr íslenskum vísindum. Það verður seint fyllt í skörðin, sem hann
hverfur frá.“
En sérstaklega á þó „Réttur“ Ólafí mikla skuld að gjalda.
Þegar Ólafur kom heim frá Noregi, lagði hann til að við gerbreyttum svip og
innihaldi þessa hálfrar aldar gamla tímarits. Þetta nýsköpunarstarf Ólafs tókst
vel: fjölbreytt efni, myndir miklar og listræn kápa Þrastar Magnússonar hafa
endurskapað hið forna rit, en slakað þó ei á baráttuandanum. Vissulega mátti
oft betur gera, einkum síðustu árin, er Réttur galt veikinda Ólafs. En nú er svo
stórt skarð fyrir skildi að Réttur verður að treysta á vini sína og samstarfsmenn
í ríkara mæli en nokkru sinni fyrr, frumkvæði þeirra og áhuga, ef takast á að
gera Rétt svo úr garði í framtíðinni sem Ólafur sá í draumsýn sinni, þá hann
framkvæmdi gerbreytinguna 1967.
Sú sterka samúð, hinn ríki skilningur á lífsverki hans og sá heiti hugur, sem
við aðstandendur hans höfum fundið hjá svo miklum fjölda fólks — og þökkum
af öllu hjarta — vona ég megi verða til þess að efla þá krafta, er haldið geti
áfram starfínu á hinum ýmsu sviðum, sem hann varð að hverfa frá svo alltof
snemma.
Ritstj.
I.
Svavar Gestsson reit eftirfarandi eftirmæli í Þjóðviljann 22. júní
Eftir harða baráttu við erfiðan sjúkdóm
lést vinur minn og félagi í tvo áratugi,
Ólafur Rafn Einarsson, 11. júní síðastlið-
inn, aðeins 40 ára að aldri. Sár harmur er
kveðinn að fjölskyldu hans og okkur
öllum sem þekktum hann. Þann harm
getum við ekki sefað, en hitt verður gert
í minningu Óla að fara vel með tilfinningar
sínar — einkum hinar sáru.
Ólafur Rafn Einarsson var fæddur 16.
janúar 1943 í Reykjavík. Hann var yngra
barn hjónanna Einars Olgeirssonar og
Sigríðar Þorvarðardóttur. Eldra barn
þeirra er Sólveig kennari við Menntaskól-
ann við Sund. Ólafur ólst upp í foreldra-
húsum og naut þar óvenjulegs ástríkis
foreldra sinna og fjölskyldu. Aðstæður í
uppeldi hans voru um margt óvenjulegar;
100