Réttur - 01.04.1983, Blaðsíða 57

Aukningu bandaríska hernámsins á íslandi
mótmælt með fjöldafundi við komu Bush.
Watergate-klíkan „íslenska“
gerir nýjan landráðasamning
við bandaríska hervaldið
Einn nagli enn í líkkistu íslensku þjóðarinnar,
— ef hún ekki áttar sig í tíma.
Erindreki bandarísku „hernaðar- og stóriðju-samsteypunnar‘% George
Bush varaforseti undirritaði 5. júlí nýjan „samning“ um aukin umsvif
Bandaríkjahers á íslandi við þá Watergate-klíku íhalds og Framsóknar,
sem hefur nú tekið völdin og þykist hvorki þurfa að spyrja þing né þjóð,
því þeir ætla sér að græða á framkvæmdunum sameiginlega. Þessu
landráðaframferði var mótmælt á fjöldafundi 5. júlí.
Það er rétt að ryfja upp samskipti
Bandaríkjastjórnar og íslendinga þessi 42
hernámsár, því nú er skipt um afstöðu í
flokkum íhalds og Framsóknar.
1941
í júlí 1941 hertókBandaríkjaherísland.
Cordell Hull, utanríkisráðherra, orðar
það svo í endurminningum sínum: „Á
Norður-Atlantshafi stigum við stórt skref
okkur sjálfum til varnar með því að senda
hernámslið til íslands í byrjun júlí.“
(Leturbr. mín.) Hann var ekkert að fela
ofbeldið, enda sagði þáverandi forsætis-
ráðherra, Hermann Jónasson, við mig:
„Það var raunverulega enginn samningur.
Okkur voru settir 24 klukkustunda úrslita-
kostir.“ — En „samningar“ voru það
látnir heita á yfirborðinu, til að firra
Bandaríkjastjórn út á við þeirri smán að
hafa ráðist á hlutlausa, vopnlausa
smáþjóð.
121