Réttur - 01.04.1984, Blaðsíða 28
Stephan G. Stephansson:
Mammon
[Kvæðið mun ort 1914, er gullæði nokkurt gekk í Reykjavík
vegna vonar um gullfund í mýrinni, — er brást — en á samt,
einkum IV. kaflinn erindi til vor nú.]
/.
Messudagur mun ei slíkur!
Mammon kom til Gróðavíkur.
Loksins birtist landsins sonum
Lausnarinn frá stórþjóðunum.
Búsifjum í baslsins hörku,
birtist guð í eyðimörku.
Ekki samt inn sami bjálfi,
sem að forðum varð að kálfi.
Sá var kannske galla-gripur
gull-kálfur, en meira en svipur.
Þessi, á öllu er tölum tekur,
tilviljana kaupskap rekur.
Það er ekki í hans frœði
auka-bót við landsins gœði.
Hefur aðeins hitt í vöfum:
hœkkanir í tölustöfum.
Heimskurnar að hagsmun gerði —
hefur selt og sprengt í verði
ekrur, sem í eilífð blána
úti um Hornafjarðar-mána.
Læturföl ífeta-tölu,
fátcekum til gróða-sölu
kerin svörtu — er kallast þarna
„kolasekkir“ — milli stjarna
II.
Jörð og himin-skautin skinu
skildingum, frá hjálprœðinu.
Loftkastalar voru á veltu,
„Víkin“ steypti gull í keltu.
Gróða-hugir gleypi-eygðir
gaettu hans sem skuggar teygðir.
Langir b<eði og lágir greru,
í líking slíkrar œðstu veru.
Riddaranna, gulls í geislum,
glóði hann í skírnarveizlum.
Guðföðurins g<efa, af honum,
gegndi þeirra tignu sonum.
92