Réttur - 01.08.1986, Qupperneq 34

Félagið ákvað fljótt að koma sér upp
ágætu bókasafni og hef ég með höndum
skrána yfir 36 bækur, er það eignaðist.
Kennir þar margra grasa, allt frá Halldóri
Laxness, Þórbergi Þórðarsyni og Jóhann-
esi úr Kötlum til Marx, Engels og Lenins
og hafa þeir félagarnir einnig verið dug-
legir við fagrar bókmenntir á erlendri
tungu svo sem Agnes Smedley, Ernst
Toller, Maxim Gorki o.fl.
Fundir voru mjög tíðir í félaginu og
starfsemi góð. Á fundi 14. apríl 1935 segir
Skúli ferðasögu sína frá Reykjavík og
viðtöl við forustu K.F.Í. og leggur til að
félagið gerist deild í flokknum. Var það
síðan samþykkt á tveimur fundum í röð.
Til dæmis um hin fjölbreyttu starfsemi
félagsins skal þess getið að auk pólitísku
umræðnanna lásu félagarnir þarna upp
sögur og leikrit, er þeir höfðu samið.
Voru fundir mjög tíðir og áhugi félag-
anna mikill.
16. apríl 1939 var stofnað Sósíalistafc-
lag Bæjarhrepps, nafni hins gamla félags
raunverulega bara breytt. Til að byrja
með er starfsemin góð, en nokkuð tekur
að draga úr fundahöldum eftir 1942.
Virðist það leggjast í dá eftir 1945, en
vakna aftur 1967 og er Lára Helgadóttir
þá komin í félagið og orðin ritari þess.
Skal hér ekki rakin frekar saga þessara
samtaka, en Skúli var formaður þeirra þá
þau lifnuðu aftur um skeið.
Þessi stutta frásögn gefur nokkra hug-
mynd um hve ötull Skúli hefur verið.
Hann er eigi aðeins stofnandi, rekur lestr-
arfélag og koma þeir sér svo upp blaði.
Og á þessu skeiði fara og fram þingkosn-
ingar og er Björn Kristmundsson í fram-
boði fyrir K.F.Í. þá harðasta baráttan er
háð. Það var gott mannval, sem Skúli
hafði sér við hlið og munaði þar ekki
hvað síst um Jónas Benonýsson.
Allan þennan tíma, sem Skúli vinnur
að þessum félagsmálum, starfar hann áfram
sem bóndi. Það var stórkostlegt að sjá
hann, eftir að hann missti sjónina, ganga
um túnið og slá, rétt eins og sjáandi
maður. Hann þekkti hvern blett.
En mesta stórvirki hans eru bækurnar,
sem hann ritar og gefnar eru út. Til hjálp-
ar við útgáfuna átti hann góðan vin í
Reykjavík Pétur Sumarliðason kennara
og bjó Skúli oft hjá þeim hjónum, Guð-
rúnu Gísladóttur og Pétri, er hann var hér
syðra, en átti líka góða stoð í Blindra-
heimilinu.
Bækur hans frá þessum árum eru:
Bréf úr myrkri. „Heimskringla“ gaf
það út 1961.
Það, sem ég hef skrifað. Það er úrval
ritgerða hans og vann Pétur Sumarliða-
son að því með honum, en „Heimskring-
la“ gaf út 1969.
„Heyrt en ekki séð.“ Pétur Sumarliða-
son bjó til prentunar og sá um útgáfuna.
Hafnarfirði 1972.
„Vér vitum ei hvers biðja ber.“ Eru
það útvarpsþættir — því þá hélt Skúli
marga og sá Pétur um útgáfuna, en Heims-
kringla gaf út 1975.
„Svo hleypur æskan unga.“ Bjó Pétur
þá bók til prentunar og sá um útgáfuna,
en „Skuggsjá“ í Hafnarfirði gaf út 1975.
„Hver liðin stund er lögð í sjóð.“ Torfi
Jónsson sá um þá útgáfu, en „Skuggsjá“
gaf út 1982.
Að bátsferðinni lokinni
Jæja, Skúli minn, — þá er nú bátsferð-
inni þinni lokið og ekki efast ég um að
þinn gamli, góði ferðafélagi sé kominn
með þig til hennar Maríu sinnar í kaffið
og pönnukökurnar.' Og vel hefur hann
fylgst með þér í öllum barningnum hérna
146