Réttur - 01.08.1987, Blaðsíða 7

Ný að nafninu til —
gömul í raun og veru
En þegar gartrla stjórnin tók við aftur
— að krötunum viðbættum hafði ekkert
af þessu verið gert: Peningarnir til að
bæta stöðu ríkissjóðs eru sóttir til launa-
mannanna og ekki síður efnalítilla en
annarra:
f. Fyrsta verk ríkisstjórnar þríflokk-
anna var að leggja á matarskatt, daglega
kallaður krataskatturinn, um 10%. Pað
var Alþýðubandalagið sem beitti sér fyrir
því að afnema matarskatt 1978, þegar
söluskattur var felldur niður af matvörum.
2. í annan stað ákvað ríkisstjórnin að
leggja söluskatt á tölvur og tölvubúnað,
en það hefur einmitt verið stefna stjórn-
valda um langt árabil að tölvur ættu að
vera ódýrar hér á landi til þess að stuðla
að aukinni tækniþróun.
3. Ríkisstjórnin ákvað að leggja
krónutöluskatt á bíla, þeir sem aka um á
gömlum bílum greiða jafn hátt og þeir
sem eru á nýjustu bílunum.
4. í fjórða lagi ákvað svo fjármálaráð-
herra og formaður Alþýðuflokksins að
selja fjölda ríkisfyrirtækja en eftir er að
sjá hvernig þeirri rimmu lýkur. Par á
meðal eru fyrirtæki eins og Lyfjaverslun
ríkisins og þjóðbankarnir.
En hvergi er skert hár á höfði eigna-
manna og þeirra sem aðallega hafa hirt fé
í skjóli góðærisins og stjórnarstefnunnar
síðustu árin. Enginn stóreignaskattur.
Enginn hátekjuskattur og svo framvegis.
En til að bæta stöðu ríkissjóðs á hins veg-
ar að skera niður öll framlög til félags-
mála á næsta ári þar á meðal til Lánasjóðs
íslenskra námsmanna og til Fram-
kvæmdasjóðs fatlaðra. Þannig gengur Al-
þýðuflokkurinn þvert á stefnumál sín frá
fyrri og reyndar síðari árum líka.
í kosningabaráttunni sl. vor reyndi Al-
þýðuflokkurinn í fyrsta sinn um áratuga-
skeið að láta líta svo út að hann vildi vera
llokkur jafnaðarmanna og vinstrimanna.
Þessi áróður hefur bersýnilega aðeins ver-
ið forhlið. Alþýðuflokkur sem selur lyfja-
verslun í hendur einkabrasksins, leggur
matarskatt á launamenn, leggur ekki
skatt á stóreignamenn og hátekjumenn,
og sker niður Framkvæmdasjóð fatlaðra
og Lánasjóð námsmanna — slíkur Al-
þýðuflokkur sækir ekki til vinstrimanna.
Hann er ekki jafnaðarmannaflokkur.
Hann er í verki hægri flokkur og eftir
verkunum á að dæma menn og stjórn-
málaflokka.
Svarið er: Endurnýjuin afl og
þrótt Alþýðubandalagsins
Það seni öllu skiptir nú er að Alþýöu-
bandalaginu takist að reisa sig, að flokk-
urinn verði það endurnýjunarafl íslenskra
stjórnmála scm allt of lengi hefur þurft að
bíða eftir aö yrði til. Þar skipta miklu
máli skarpar línur og skýr svör svo og
endurnýjun á baráttusveit og forystu,
endurnýjun sem um leið verður endur-
nýjunarafl þjóðfélagsins alls. Það dugir
ekki til að gera tilraun til þess að gefa
kjósendum póilitíska undanrennu; steln-
an verður að vera skýr vinstristefna. Bar-
áttan snýst um það að við náum að
tryggja þann styrk á nýjan leik sem Al-
þýðubandalagiö hafði sem eini flokkur ís-
lenskra sósíalista. Þegar við höfum náð
þeim styrk á ný sækjum við enn lengra.
Forsenda árangurs er samstæð foryst-
usveit. Það er verkefni landsfundarins að
tryggja hana.