Réttur - 01.08.1987, Page 46

málaráðherra íslands, Birgir ísleifur
Gunnarsson, hefur samið sérstaklega af
þessu tilefni.
Ávarp ráðherrans er svohljóðandi:
„Mér er sönn ánægja að vita til þess, að
hér, nú í byrjun ágúst, fer fram umtals-
verð Islandskynning í Sovétlýðveldinu
Úkraínu, kynning á íslensku þjóðlífi.
Árið 1978 voru haldnir Úkraínudagar á
íslandi; gagnkvæm kynning á því, hvernig
þjóðir hugsa og finna til er einmitt ein
besta leiðin til að efla vináttu og útrýma
tortryggni.
Samskipti þjóða yðar og norrænna
þjóða eru gömul, sem kunnugt er. Sumir
halda það meira að segja, að stofninn
Rús í orðinu Rússland sé norrænn og frá
víkingum kominn. En alkunna er, að
norrænir menn stunduðu mjög kaupskap
í Austurvegi á víkingatímanum og í sann-
leikans nafni einnig ránskap; slíkt hafa
siðaðar þjóðir eins og okkar aflagt í dag
og á síðari árum hafa einmitt átt sér stað
umtalsverð (og friðsamleg) viðskipti milli
þjóða okkar.
Víkingar fóru um fljótin Dínu og
Njevu um Novgorod, Nýjagarð, sem þeir
nefndu Hólmgarð, af því hluti borgarinn-
ar var á hólmi. Síðan héldu þcir til Kíev
eða Kænugarðs, en hann er reyndar ckki
kenndur við bátskænu heldur var þetta
afbökun á fornrússnesku heiti um íbúana:
Kijane. Loks héldu þeir um Dnjepr til
Konstantinopels, Miklagarðs. Gorod
hétu þessi litlu ríki, garðar, og því var
ekki er að undra að hið hálfnorræna ríki
sem upp reis fengi nafnið Garðaríki.
Þessar ferðir forfeðra vorra — og ykkar
— um fljót yöar víölenda ríkis minna á
fleyg orð franska skáldsins Rimbauds:
Dnjepr gerði Rússland býzanskt, Volga
gerði það asískt og Neva gerði það
evrópskt.
Síðan á dögum víkinga hefur margur
góður íslendingur gist ríki yðar. Einn
þeirra var bóndinn Ari Magnússon frá
Geitastekk, sem var mjög víðförull mað-
ur og gekk bæði til Grænlands og Kína; í
ferðaminningum sínum lýsir hann því
hvernig hér var umhorfs, þegar Pétur
mikli var að reisa Pétursborg.
Og enn ferðast menn milli landa okkar.
Við höfum haft þá ánægju að fagna mörg-
um góðum gestum frá Úkraínu á okkar
landi, og nú, í tilefni þessarar rnenningar-
kynningar eru hér um hundrað íslending-
ar á vegum MÍR, félags sem hefur að
markmiði að efla menningartengsl milli
Islands og Ráðstjórnarríkjanna. Peim
fylgja góöar kveðjur og óskir um að þess-
ir íslandsdagar megi takast sem best og
efla friðsamleg skipti þjóða okkar".
Þetta voru orð íslenska menntamála-
ráðherrans, þau sem hann vildi koma á
framfæri hér í dag.
Ég vil ljúka mínum tðluðu orðum nú
meö því að fara með lokaerindið í áður-
nefndu kvæði Ivans Franko í þýðingu
Guðmundar Daníelssonar rithöfundar.
Pað hljóðar svo á íslcnsku:
Og brœður áfram byggjum veginn nýja,
í breiðri fylking grjótið lemjum við.
Og þó við gleymumst, hefjast skal til
skýja
vor skipan brœðralags og trú á j'rið
ogfrjálsan heim, án harðstjóra og þýja.
Við MÍR-félagar tökum heilshugar
undir orð úkraínska þjóðskáldsins um
bræðralag, frið og frjálsan heim — og
heitum því að vinna áfram cftir mætti að
því göfuga starfi sem felst í því að treysta
vináttubönd og efla menningarleg tengsl
milli þjóða okkar í austri og vestri.“
Setningarathöfninni lauk með því að
158